MENU

राजनीति

Ncell Axiata
USAID

देशभर १८ हजार पाँच सय ७२ मतदान केन्द्र निर्धारण, पहिलेभन्दा दुई हजार कम

प्रकाश ढकाल/उज्यालो ।

काठमाडौं, वैशाख ६ – निर्वाचन आयोगले १८ हजार पाँच सय ७२ मतदान केन्द्र निर्धारण गरेको छ । बुधबार बसेको आयोगको बैठकले वैशाख ३१ गते हुने स्थानीय तहको चुनावका लागि मतदान स्थल निर्धारण गरेको हो । 

आयोगले १० हजार ६ सय ४० मतदान स्थललाई पनि अन्तिम रुप दिएको छ । २०७० सालमा भएको संविधानसभाको चुनावभन्दा अहिले मतदान केन्द्र २ हजारले कम भएका छन् भने मतदान स्थल ६ सयले बढेको निर्वाचन आयोगका प्रवक्ता सूर्यप्रसाद शर्माले जानकारी दिनुभयो । 

निर्वाचन आयोगको कार्यतालिका अनुसार चैत २० गतेभित्रै मतदान केन्द्र निर्धारण गर्ने बताइए पनि २ नम्बर प्रदेशबाट सिफारिस आउन ढिलाई भएपछि आयोगले बुधबार मात्र मतदान केन्द्र र स्थललाई अन्तिम रुप दिएको हो । आयोगले हालसम्म ७३ जिल्लाको मतपत्र र ६२ जिल्लाको मतदाता परिचयपत्र छापिएको जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया