MENU

राजनीति

Ncell Axiata
chhaka panja

आफ्नो निर्णय मान्न उपप्रधानमन्त्री थापालाई आयोगको चेतावनी

काठमाडौं, वैशाख ६ – निर्वाचन आयोगले राप्रपाको अध्यक्षसमेत रहेका उपप्रधानमन्त्री एवं स्थानीय विकासमन्त्री कमल थापाको अभिव्यक्ति र क्रियाकलापप्रति आपत्ति जनाएको छ । सोमबार उप्रधानमन्त्री एवं गृहमन्त्री विमलेन्द्र निधीको ट्वीटप्रति आयोगले आश्चर्य व्यक्त गरेको थियो । 

राप्रपाको विधानबाट हिन्दू राष्ट्र र राजसंस्था हटाउन दिएको निर्देशनको प्रति जलाउँदै अध्यक्ष कमल थापाले आयोगकै विरुद्ध आन्दोलन थालेपछि बुधबार विज्ञप्ति जारी गर्दै आयोगले त्यस्ता गतिविधि नगर्न आग्रह गरेको छ । आयोगका प्रवक्ता सूर्यप्रसाद शर्माले जारी गर्नुभएको विज्ञप्तिमा भनिएको छ, ‘सत्तारुढ राप्रपाका अध्यक्ष तथा उपप्रधानमन्त्रीसमेत रहनुभएका नेताबाट व्यक्त भएका विचार र उहाँको पार्टीका तर्फबाट केही दिनयता भएका गतिविधिप्रति आयोगको गम्भीर ध्यानाकर्षण भएको छ ।’ 

मन्त्रिपरिषद्का वरिष्ठ व्यक्तिबाटै भएका गतिविधिबाट आयोग आयोग मर्माहत भएको विज्ञप्तिमा उल्लेख गरिएको छ । आयोगले संविधानअनुसार आफूले गरेको कामप्रति जिम्मेवार पक्षबाट भएको प्रतिक्रियाप्रति आपत्ति प्रकट गरेको छ । विज्ञप्तिमा भनिएको छ, ‘नेपालको संविधान र कानून अनुसार आयोगले कार्यसञ्चालन गरिरहेको अवस्थामा कानून अनुसार कार्य नगर्न दबाब दिने क्रियाकलापप्रति आयोग गम्भीर आपत्ति प्रकट गर्दै भविष्यमा यस्ता गतिविधिहरू दोहरिन नदिन ध्यानाकर्षण गराएको छ ।’ 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया