MENU

राजनीति

Ncell Axiata

बुधबार दिनभरका मुख्य खबर पढ्नुहोस्

काठमाडौं, वैशाख ६ - स्थानीय तहको चुनाव आउन अब २५ दिन मात्र बाँकी छ । मुख्य दलहरुले तोकिएकै मितिमै चुनाव गर्ने प्रतिबद्धता जनाएका छन् । बुधबार दिनभरका मुख्य खबर पढ्नुहोस् ।

मतदान केन्द्र निर्धारण

निर्वाचन आयोगले १८ हजार पाँच सय ७२ मतदान केन्द्र निर्धारण गरेको छ । आज बसेको आयोगको बैठकले वैशाख ३१ गते हुने स्थानीय तहको चुनावका लागि मतदान स्थल निर्धारण गरेको हो । आयोगले १० हजार ६ सय ४० मतदान स्थलको टुंगो लगाउँदै १८ हजार ५ सय ७२ केन्द्र निर्धारण गरेको हो । एउटा मतदानस्थलमा एक भन्दा बढी केन्द्र पनि हुने छन् । 

उपप्रधानमन्त्री थापाको अभिव्यक्तिप्रति आयोगको आपत्ति

निर्वाचन आयोगले राप्रपाको अध्यक्षसमेत रहेका उपप्रधानमन्त्री एवं स्थानीय विकासमन्त्री कमल थापाको अभिव्यक्ति र क्रियाकलापप्रति कडा आपत्ति जनाएको छ । विधानबाट हिन्दू राष्ट्र र राजसंस्था हटाउन दिएको निर्देशनको प्रति जलाउँदै थापाले आयोगकै विरुद्ध आन्दोलन थाल्नु भएको छ । आयोगका प्रवक्ता सूर्यप्रसाद शर्माले आज विज्ञप्ति निकालेर सत्तारुढ राप्रपाका अध्यक्ष तथा उपप्रधानमन्त्रीसमेत रहेका नेताबाट व्यक्त भएका विचार र उहाँको पार्टीका तर्फबाट भएका गतिविधिप्रति आयोगको गम्भीर ध्यानाकर्षण भएको जनाउनुभएको छ । 

तोकिएको मितिमै चुनाव गर्ने मुख्य ५ दलको प्रतिबद्धता

संसदका पाँच ठूला दलले तोकिएकै मितिमा स्थानीय तहको चुनाव गर्ने प्रतिबद्धता जनाएका छन् । चुनावबारे आशंका सहतमै आइरहेका बेला प्रधानमन्त्री पुष्पकमल दाहालले बोलाएको पाँच दलको बैठकले तोकिएकै मितिमा चुनाव गर्ने निर्णय गरेको हो । प्रधानमन्त्री निवास बालुवाटारमा आज कांग्रेस, एमाले, माओवादी केन्द्र, राप्रपा र नेपाल लोकतान्त्रिक फोरमको बैठक बसेको थियो । बैठकमा मधेसी दल सहभागी हुने भए केही ठाउँमा दोस्रो चरणमा चुनाव गराउन सकिनेबारे कुरा भएको छ । 

लाउडा भ्रष्टाचार प्रकरणमा ६ जनालाई सफाई

चर्चित लाउडा भ्रष्टाचार प्रकरणमा सर्वोच्च अदालतले तत्कालीन नागरिक उड्डयनमन्त्री तारणीदत्त चटौतसहित ६ जनालाई सफाई दिएको छ । न्यायाधीश ईश्वरप्रसाद खतिवडा र शारदाप्रसाद घिमिरेको संयुक्त इजलासले पूर्वमन्त्री चटौत, सिध्दराज जोशी, रामराजा उपाध्याय, पुष्करप्रसाद वाग्ले, उपेन्द्रप्रसाद उपाध्याय र अष्ट्रिया तथा इटलीका दुई नागरिकलाई सफाइ दिएको हो ।

विशेष अदालतले पनि २०६४ सालमा सातै जनालाई सफाइ दिएको थियो । वायु सेवा निगमका तत्कालीन कार्यकारी अध्यक्ष हरिभक्त श्रेष्ठ र सदस्य तीर्थलाल श्रेष्ठलाई सफाइ दिनेबारे भने न्यायाधीसहरुको मत बाझिएको छ । 

मुग्लिन नारायणगढ सडकखण्ड खुल्यो

नारायणगढ मुग्लिन सडकखण्डको घुमाउनेमा झर्न लागेको अवस्थामा देखिएको ढिस्कोको ६० प्रतिशत भाग झारिएपछि सडक बेलुकीदेखि सडक सञ्चालनमा आएको छ । सडक विस्तारका लागि पहाड काट्दै गरेको ठाउँमा ठूलो चट्टानसहितको पहिरो खस्न लागेपछि आज बिहान गाडी बन्द गरेर पहिरो खसाल्न थालिएको थियो । नारायणगढ मुग्लिन सडक आयोजनाका इन्जिनियर शिव खनालका अनुसार ढिस्कोको ठूलो हिस्सा खसालेपछि अहिले सकडमा गाडी चल्न थालेका छन् । 

विराटनगर डिपिएल क्रिकेटको फाइनलमा

विराटनगर किंग्स धनगढी प्रिमिएर लिग डिपिएल क्रिकेटको फाइनलमा पुगेको छ । आज भएको पहिलो प्लेअफमा रुपन्देही च्यालेन्जर्सलाई २९ रनले हराउँदै विराटनगरले फाइनलमा स्थान बनाएको हो । विराटनगर किंग्स्ले दिएको १ सय २९ रनको लक्ष्य पछ्याएको रुपन्देही च्यालेन्जर्सले निर्धारित २० ओभरमा सबै विकेटको क्षतिमा ९९ रन मात्रै बनाउन सक्यो । 

एपीएफ पाँचथर गोल्डकपको फाइनलमा

एपीएफ पूर्वाञ्चल पाँचथर गोल्डकपको फाइनलमा पुगेको छ । पाँचथरको फिदिम उच्च माविमा भएको आजको खेलमो पथरी स्पोटिङ क्लबलाई ३–० ले हराउँदै एपिएफ पूर्वाञ्चलले फाइनल यात्रा तय गरेको हो । अन्तिम सेमिफाइनलमा भोलि रेडहर्स इलाम र विर्ता युनाइटेड क्लब झापाबीच खेल हुनेछ । 

 यो पनि पढ्नुहोस्

क्याप्टेनका छोरा होटलमा भाँडा माझ्दै

 

प्रतिक्रिया दिनुहोस

सम्बन्धित सामग्रीहरु

  • मोरङमा थपियो मतदान केन्द्र

    मोरङ, कात्तिक ७ – मोरङमा प्रतिनिधि र प्रदेशसभा चुनावका लागि मतदान केन्द्र थापिएको छ । मतदान स्थल भने पुरानैलाई कायम गरिएको छ ।

  • चुनावसम्बन्धी सकारात्मक सन्देश दिने समाचार सम्प्रेषण गर्न आवश्यक

    काठमाडौं, कात्तिक ७ – निर्वाचन आयुक्त इला शर्माले स्वच्छ र सत्यतथ्य समाचार सम्प्रेषणबाटै लोकतन्त्र संस्थागत हुने भएकाले चुनावनसम्बन्धी समाचार जिम्मेवारीपूर्वक सम्प्रेषण गर्न आग्रह गर्नुभएको छ ।

  • केन्द्रमा महत्व राख्ने नेताको चुनावी यात्रा

    प्रतिनिधिसभाको ३७ सदस्यका लागि ३ सय २० र प्रदेशसभा ७४ सदस्यका लागि ४ सय ८२ जनाले उम्मेदवारी दिएका छन् । प्रतिनिधिसभा सदस्य चुनावमा केहि केन्द्रिय नेता एक अर्काविरुद्ध नै चुनावी प्रतिस्पर्धामा उत्रिदै छन् ।

  • राजपाको युवा संघ अध्यक्षसहितका नेता माओवादी केन्द्रमा प्रवेश

    काठमाडौं, कात्तिक ७ – राष्ट्रिय जनता पार्टी (राजपा) सम्बद्ध तराई मधेस स्वयमसेवक संघका केन्द्रीय अध्यक्ष अजय पटेल, महासचिव अनिल कुशवाहा, नेपाल प्राध्यापक संघका नेता अर्जुन पटेल, तराई मधेस विद्यार्थी फन्टका नेता सन्देश पटेललगायतका नेता माओवादी केन्द्रमा प्रवेश गरेका छन् ।

  • बैतडीमा दुई मन्त्री चुनाव लड्दै, टक्कर पर्ने अनुमान

    बैतडी, कात्तिक ७ – प्रतिनीधि सभा चुनावका लागि बैतडीमा दुईजना राज्यमन्त्री भिड्ने भएका छन् । नेपाली कांग्रेसका नेता एवं वाणिज्य राज्यमन्त्री नरबहादुर चन्द र एमालेका नेता एवं पूर्व अर्थराज्यमन्त्री दामोदर भण्डारी प्रतिनिधि सभा सदस्यका लागि चुनावमा भिड्ने भएका हुन् ।

सबै हेर्नुहोस
Joktantra
पछिल्ला समाचारहरु

सोसल मिडिया