MENU

खेल

Ncell Axiata
USAID

बार्सिलोनाको च्याम्पियन्स लिग यात्रा टुंगियो, एमएसएनले गोल गर्न सकेनन्

वैशाख ७ – बार्सिलोनाको च्याम्पियन्स लिग फुटबलको यात्रा टुंगिएको छ । क्वाटरफाइनलको दोस्रो लेग अन्तर्गत बुधबार राति भएको खेलमा इटालियन क्लब युभेन्टससँग गोलरहित बराबरीमा रोकिएपछि स्पेनिस जाइन्ट बार्सिलोनाको च्याम्पियन्स लिग यात्रामा पूर्णविराम लागेको हो । पहिलो लेगमा ३–० ले पराजित भएको बार्सिलोनाले घरेलु मैदान क्याम्प नाउमा भएको दोस्रो लेगमा पुनरागमन गर्ने प्रयास गरेको हो । तर युभेन्टसको अपेक्षाकृति रक्षात्मक प्रदर्शनले बार्सिलोनाको प्रयास सफल हुन सकेन । गोलरहित बराबरीपछि युभेन्टस समग्रमा ३–० को जितसहित अन्तिम चारमा पुगेको छ । अन्तिम १६ को पहिलो लेगमा पेरिस सेन्ट जर्मेन (पिएसजी) सँग ४–० ले पराजित भएर पनि बार्सिलोनाले दोस्रो लेगमा ऐतिहासिक पुनरागमन गरेको थियो । दोस्रो लेगमा ६–१ को जित निकालेर अन्तिम ८ मा स्थान बनाएको बार्सिलोनाले क्वाटरफाइनलको दोस्रो लेगमा पनि त्यस्तै पुनरागमन गर्न सक्ने अपेक्षा गरिएको थियो । तर घरेलु मैदानमा भएका खेलमा बार्सिलोनाले ३५ पटक पोस्ट प्रहार गरेपनि गोल भने गर्न सकेन । लियोनल मेस्सी, लुइस स्वारेज तथा नेइमारले गोल गर्ने प्रयास गरे । तर उनीहरुको प्रहार गोलमा परिणत भने हुन सकेन । यस्तै युभेन्टसका गोन्जालो हेगुइन, मार्क एण्ड्रे तथा आन कुएड्राडोले गोल राम्रा प्रयासमा गोल गर्न सकेनन् । बार्सिलोना लगातार दोस्रो सिजन च्याम्पियन्स लिगको सेमिफाइनलमा प्रवेश गर्न असफल भएको हो । 

 

प्रतिक्रिया दिनुहोस

सम्बन्धित सामग्रीहरु

  • रोनाल्डोलाई बल छुन नै नदिने रणनीति

    असार १४ – चिलीले पोर्चुगलका कप्तान क्रिष्टियानो रोनाल्डोलाई बल सकेसम्म छुन नदिने रणनीति लिने भएको छ । चिलीले फिफा कनफेडेरेशन कप फुटबलको सेमिफाइनलमा बुधबार राति पोर्चुगलसँग खेल्दैछ ।

  • जर्मनी र स्पेन फाइनलमा

    असार १४ – जर्मनी र स्पेन २१ वर्षमुनिको युरोपियन च्याम्पियनसिप फुटबलको फाइनलमा प्रवेश गरेका छन् । मंगलबार राति भएको फाइनलमा आ–आफ्नो खेल जित्दै जर्मनी र स्पेनले उपाधि यात्रा तय गरेका हुन् ।

  • भारतका बुमराह र दक्षिण अफ्रिकाका ताहिरलाई पछि पार्दै पाकिस्तानका वासिम नम्बर एक

    पाकिस्तानका बाँया हाते स्पिनर इमाद वासिम आइसिसी ट्वेन्टी ट्वेन्टी बलरको वरियतामा नम्बर एकमा पुगेका छन् । यसअघि नम्बर एकमा रहेका दक्षिण अफ्रिकाका इमरान ताहिर तेस्रो र भारतका जसप्रित बुमराह दोस्रोमा छन् ।

  • दक्षिण कोरियाका मेस्सी

    दक्षिण कोरियाका ‘लियोनल मेस्सी’का रुपमा चिनिएका लि स्योङ वु सन् २०११ देखि बार्सिलोनामा छन् । तर अहिलेसम्म उनले बार्सिलोनाको ‘बि’ टिमबाट एक खेल खेल्न पाएका छन्, जसका कारण उनी आफ्नो करिअर एकै ठाउँमा अड्किएको भन्दै असन्तुष्ट छन् ।

  • रुसी फुटबल खेलाडीले प्रतिबन्धित औषधि प्रयोग गरेको आरोपः फिफा छानबिनमा

    असार १२ – विश्व फुटबलको प्रशासकीय निकाय फिफाले रुसका खेलाडीले सरकारी सहयोगमा नै प्रतिबन्धित शक्तिवर्धक औषधि प्रयोग गरेको भन्ने आरोपका सम्बन्धमा अनुसन्धान भइरहेको जनाएको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया