MENU

खेल

Ncell Axiata
USAID

विपक्षी खेलाडीको काँधमा टाउको राखेर मैदानमै रोए नेइमार

वैशाख ७ – बार्सिलोना लगातार दोस्रो सिजन च्याम्पियन्स लिग फुटबलको सेमफाइलनमा स्थान बनाउन असफल रह्यो । लिग अन्तर्गत बुधबार राति भएको क्वाटरफाइनलको दोस्रो लेगमा युभेन्टससँग गोलरहित बराबरीमा रोकिएको बार्सिलोना समग्रमा ३–० को हारसहित प्रतियोगिताबाट बाहिरियोअन्तिम १६ को पहिलो लेगमा पेरिस सेन्ट जर्मेन (पिएसजी) सँग ४–० ले पराजित भएर पनि बार्सिलोनाले दोस्रो लेगमा ऐतिहासिक पुनरागमन गरेको थियो । दोस्रो लेगमा ६–१ को जित निकालेर अन्तिम ८ मा स्थान बनाएको बार्सिलोनाले क्वाटरफाइनलको दोस्रो लेगमा पनि त्यस्तै पुनरागमन गर्न सक्ने अपेक्षा गरिएको थियो । तर घरेलु मैदानमा भएका खेलमा बार्सिलोनाले ३५ पटक पोस्ट प्रहार गरेपनि गोल भने गर्न सकेन । लियोनल मेस्सी, लुइस स्वारेज तथा नेइमारले गोल गर्ने प्रयास गरे । तर उनीहरुको प्रहार गोलमा परिणत भने हुन सकेन । अघिल्लो चरण पुग्न नसकेपछि नेइमारले आँसु रोक्न सकेनन् ।

क्याम्प नाउमा भएको खेल सकिए लगतै नेइमार मैदानबाट बाहिरिने क्रममा रुँदै बाहिरएका हुन् । नेइमार युभेन्टसका ब्राजिलियन खेलाडी डानी एल्भेसको काँधमा टाउको राखेर रोएका हुन् । एल्भेस गएको सिजन बार्सिलोनाबाट युभेन्टस गएका हुन् । प्रिक्वाटरफाइनलको दोस्रो लेगमा ऐतिहासिक पुनरागमन गर्ने क्रममा नेइमाले दुई गोल गरेका थिए । तर क्वाटरफाइनलमा उनले गोल गर्न सकेनन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया