MENU

अन्तर्राष्ट्रिय

Ncell Axiata
sagun

भेनेजुएलाः सरकार विरोधी प्रदर्शनको क्रममा तीनजनाको मृत्यु

वैशाख ७ – दक्षिण अमेरिकी देश भेनेजुएलामा सरकारको विरोधमा भएको प्रदर्शनको क्रममा तीनजनाको ज्यान गएको छ । भेनेजुएलामा राष्ट्रपति निकोलश मदुरोको सरकार विरुद्ध विपक्षीले प्रदर्शन गर्दै आएका छन् । राजधानी कराकसमा एक किशोर तथा कोलम्बियाको सीमा नजिकको सान क्रिटोबालमा एक महिलनाको गोली लागेर ज्यान गएको छ । यस्तै राजधानी कराकसमै एकजना सुरक्षाकर्मीको ज्यान गएको छ । नयाँ राष्ट्रपतीय चुनावको माग गर्दै दशौं हजारले प्रदर्शन गरेका छन् । विपक्षी पार्टीको नेतृत्वमा भएको प्रदर्शनमा धेरैको सहभागिता छ । उनीहरुले जेलमा रहेका आफ्ना नेता तथा कार्यकर्ताको रिहाइको माग पनि गरेका छन् । राष्ट्रपति मदुरोले विपक्षी प्रदर्शनकारीले प्रहरीमाथि आक्रमण गरेको आरोप लगाउनुभएको छ । यस्तै प्रदर्शनकारीले लुटपाट गरेको आरोप पनि उहाँले लगाउनुभएको छ । विपक्षी नेता हेन्रिक्युज काप्रिलेसले भने प्रदर्शनलाई थप प्रभावकारी बनाउन समर्थकसँग आग्रह गर्नुभएको छ । भेनेजुएलमा आर्थिक संकटको अवस्था आएको छ भने प्रदर्शनले देशको अवस्था थप संकटपूर्ण बन्दै गएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया