MENU

खेल

Ncell Axiata
USAID

पाँचथर गोल्ड कप : इलामलाई हराएर विर्तामोड फाइनलमा

फिदिम, वैशाख ७ – पाँचथरको फिदिममा जारी प्रथम पाँचथर गोल्डकपको सेमिफाइनलको अन्तिम खेलमा रेडहर्स इलामलाई २-१ गोल अन्तरले हराउँदै विर्तामोड युनाइटेड झापा फाइनमा पुगेको छ । 

फिदिम उच्च माविको खेल मैदानमा भएको प्रतियोगितमा विर्तामोडका योगेस गुरुङ र विसाल राई ‘बी’ले गोल गरेर टिमलाई फाइनल पुर्‍याएका हुन् । रेड हर्स इलामका मनिश थापाले एक गोल गरे ।  

खेल सुरु भएको नौ मिनेटमा विर्तामोडका योगेश गुरुङले गोल गर्दै टिमलाई सुरुवाती अग्रता दिलाएका थिए । सुरुवाती चरणदेखि नै निकै प्रतिस्पर्धात्मक भएको खेलको १९ औँ मिनेटमा इलामका मनिश थापाले गोल गरेका हुन् । पहिलो हाफमा दुवै टिम बराबरीमा रोकिएपछि दोस्रो हाफमा दुवै टिमका खेलाडिले आक्रमक खेल खेलेका थिए । खेलको ७७ औँ मिनेटमा विर्तामोडका विशाल राईले गरेको गोल नै विर्तामोडको जितका लागि निर्णायक गोल बन्यो । 

प्रतिस्पर्धात्मक खेलमा पाएको सुन्दर मौकाहरुलाई सदुपयोग गर्न नसक्दा इलाम सेमिफाइनलबाटै बाहिरिएको हो ।बिहीबारको खेलमा इलामका छिरिङ गुरुङ म्यान अफ द म्याच भए । उनले दुई हजार रुपैयाँ पुरस्कार पाए । शनिबार हुने फाइनल खेलमा विर्तामोडले एपीएफ पूर्वाञ्चलसँग खेल्नेछ । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया