MENU

राजनीति

Ncell Axiata

रौतहटमा मोर्चा कार्यकर्ता र प्रहरीबिच झडप

रौतहट, वैशाख ७ – संयुक्त लोकतान्त्रिक मधेसी मोर्चाका कार्यकर्ता र प्रहरीबिच रौतहटमा झडप भएको छ । 

कांग्रेस, माओवादी र एमालेका सांसदहरु सम्मिलित जनता आवास सम्बन्धी कार्यक्रम मोर्चा कार्यकर्ताहरुले विथोल्न खोजेका थिए । मोर्चाको केन्द्रीय कार्यक्रमअनुसार लाठी जुलुस प्रदर्शन पनि भइरहेको थियो । लाठी जुलुसकै कार्यक्रममा मोर्चा कार्यकर्ताहरुले नगरपालिकाको आवाससम्बन्धी कार्यक्रमलाई बिथोल्ने उद्देश्यले आक्रमण गरेको र प्रहरीमाथि आक्रमण हुन थालेपछि स्थितिलाई नियन्त्रणमा लिन ४ राउन्ड अश्रु ग्यास प्रहार गरेको जिल्ला प्रहरी कार्यालय रौतहटका प्रवक्ता डिएसपि नवीनकृष्ण भण्डारीले बताउनुभएको छ् ।

गौर नगरपालिकाको सभाकक्षमा जनता आवास सम्बन्धी कार्यक्रमलाई एमाले सांसद राम कुमार भट्टराईले सम्बोधन गर्ने थाहा पाएपछि लाठी जुलुसमा रहेका मोर्चाका कार्यकर्ताहरुले कार्यक्रम बिथोल्न खोजेका थिए । 

प्रहरीसँग झडप हुन थालेपछि प्रहरीले मोर्चाका केही नेताहरुलाई पक्राउ गरेको थियो । पक्राउ पर्नेमा पूर्व सांसद रम्भा देवी यादव, रामेश्वर यादव, अरुण सिंह, धर्मेन्द्र पटेलसमेत आठजना रहेको प्रवक्ता भन्डारीले बताउनुभयो । पक्राउ परेकाहरु राष्ट्रिय जनता पार्टी (राजपा)का नेता हुन् । 

नेताहरु पक्राउ परेपछि मोर्चाका कार्यकर्ताहरुले केही घन्टा जिल्ला प्रहरी कार्यालय रौतहट अगाडि धर्ना दिएका थिए । पक्राउ परेका मोर्चाका सबै नेता तथा कार्यकर्तालाई बेलुका रिहा गरिएको डिएसपि भन्डारीले बताउनुभयो ।

प्रतिक्रिया दिनुहोस

सम्बन्धित सामग्रीहरु

  • मोरङमा थपियो मतदान केन्द्र

    मोरङ, कात्तिक ७ – मोरङमा प्रतिनिधि र प्रदेशसभा चुनावका लागि मतदान केन्द्र थापिएको छ । मतदान स्थल भने पुरानैलाई कायम गरिएको छ ।

  • चुनावसम्बन्धी सकारात्मक सन्देश दिने समाचार सम्प्रेषण गर्न आवश्यक

    काठमाडौं, कात्तिक ७ – निर्वाचन आयुक्त इला शर्माले स्वच्छ र सत्यतथ्य समाचार सम्प्रेषणबाटै लोकतन्त्र संस्थागत हुने भएकाले चुनावनसम्बन्धी समाचार जिम्मेवारीपूर्वक सम्प्रेषण गर्न आग्रह गर्नुभएको छ ।

  • केन्द्रमा महत्व राख्ने नेताको चुनावी यात्रा

    प्रतिनिधिसभाको ३७ सदस्यका लागि ३ सय २० र प्रदेशसभा ७४ सदस्यका लागि ४ सय ८२ जनाले उम्मेदवारी दिएका छन् । प्रतिनिधिसभा सदस्य चुनावमा केहि केन्द्रिय नेता एक अर्काविरुद्ध नै चुनावी प्रतिस्पर्धामा उत्रिदै छन् ।

  • राजपाको युवा संघ अध्यक्षसहितका नेता माओवादी केन्द्रमा प्रवेश

    काठमाडौं, कात्तिक ७ – राष्ट्रिय जनता पार्टी (राजपा) सम्बद्ध तराई मधेस स्वयमसेवक संघका केन्द्रीय अध्यक्ष अजय पटेल, महासचिव अनिल कुशवाहा, नेपाल प्राध्यापक संघका नेता अर्जुन पटेल, तराई मधेस विद्यार्थी फन्टका नेता सन्देश पटेललगायतका नेता माओवादी केन्द्रमा प्रवेश गरेका छन् ।

  • बैतडीमा दुई मन्त्री चुनाव लड्दै, टक्कर पर्ने अनुमान

    बैतडी, कात्तिक ७ – प्रतिनीधि सभा चुनावका लागि बैतडीमा दुईजना राज्यमन्त्री भिड्ने भएका छन् । नेपाली कांग्रेसका नेता एवं वाणिज्य राज्यमन्त्री नरबहादुर चन्द र एमालेका नेता एवं पूर्व अर्थराज्यमन्त्री दामोदर भण्डारी प्रतिनिधि सभा सदस्यका लागि चुनावमा भिड्ने भएका हुन् ।

सबै हेर्नुहोस
Joktantra
पछिल्ला समाचारहरु

सोसल मिडिया