MENU

बातावरण-कृषि

Ncell Axiata
NIC Asia

७ हात्तीको सहयोगमा ५० मजदुर र प्रहरी मिलेर समाते एक सिंगे गैँडा

रौतहट, वैशाख ८ – एक हप्तादेखि रौतहटको जंगलमा देखा पर्दै आएको एक सिंगे गैँडालाई नियन्त्रणमा लिएर चितवन पठाइएको छ । 

रौतहटको वन क्षेत्रमा एक हप्तादेखि देखिँदै आएको गैँडालाई तीन दिनको कठिन प्रयासपछि बिहीबार बेलुका नियन्त्रणमा लिन सफल भएको जिल्ला वन कार्यालय रौतहटका प्रमुख दीर्ध कोइरालाले बताउनुभएको छ ।

गैँडालाई समात्न ५० जना मजदुर, सातवटा हात्ती, एउटा ट्रक, एक्साभेटर, पाँचवटा गाडी र विभिन्न निकायका कर्मचारी तथा ठूलो संख्यामा प्रहरी परिचालन गरिएको वन प्रमुख कोइरालाले बताउनुभयो । टोलीले गैँडालाई बेहोस बनाएर ट्रकमा लोड गरी चितवन राष्ट्रिय निकुञ्जमा बिहीबार बेलुका पठाएको हो ।

चितवन राष्ट्रिय निकुञ्जबाट आवास खोजीमा भौतारिँदै आएको एक सिंगे गैँडालाई स्थानीय बासिन्दाले देखेर जिल्ला वन कार्यालयमा खबर गरेका थिए । धेरैजनाले गैँडालाई देखेपछि जिल्ला वन कार्यालयले चितवन राष्ट्रिय निकुञ्जलाई खबर गरेका थिए । निकुञ्जको टोली आएपछि तीन दिनदेखि वनमा गैँडाको खोजीमा जुटेको थियो । 

निकुञ्जका डा. कमल प्रसाद गैरे, पर्सा वन्यजन्तु आरक्ष केन्द्रका प्रमुख वार्डेन हरिभद्र आचार्य, जिल्ला वन कार्यालय रौतहटको प्राविधिक टोली, पर्सा वन्य जन्तु आरक्ष केन्द्रको नेपाली सेनाको टोली, प्रकति संरक्षण कोषको टोली, स्थानीय प्रहरी लगायतको सहयोगमा तीन दिनको अथक प्रयासपछि एक सिँगे गैँडा रौतहटको हातेमालो सामुदायिक वन क्षेत्रभित्र आँपखोला जंगलमा जिल्ला वन कार्यालयको डेढ किलोमिटर दक्षिणतर्फ बिहीबार दिउँसो समातिएको थियो ।

 

प्रतिक्रिया दिनुहोस

सम्बन्धित सामग्रीहरु

  • रेन्बो ट्राउट उत्पादन केन्द्र बनाइने

    खोटाङ, माघ ४ – खोटाङको रुपाकोट मझुवागढी नगरपालिकाले रेन्बो ट्राउट माछा उत्पादन केन्द्र बनाउने तयारी गरेको छ ।

  • हिउँदे वर्षा नहुँदा प्रदुषण बढ्यो

    काठमाडौं, माघ ४ – हिउँदे वर्षा नहुँदा काठमाडौंमा प्रदुषण बढेको छ । मंसिर १५ देखि अहिलेसम्म काठमाडौंमा जम्मा शून्य दशमलव १ मिलिमिटर मात्र पानी परेको परेको मौसम पूर्वानुमान महाशाखाले जनाएको छ । मौसमविद शान्ति कँडेलका अनुसार जनवरी महिनाभरिमा १० दशमलव ४ मिलिमिटर पानी पर्नुपर्ने हो ।

  • ​गुल्मीमा सुन्तला उत्पादन घट्याे

    गुल्मी, माघ २ – गुल्मीमा यो वर्ष सुन्तला उत्पादनमा कमी आएको छ । जिल्लामा यस वर्ष २ हजार २ सय ५ मेट्रिक टन सुन्तला उत्पादन भएको छ ।

  • मौसमविद् भन्छन् : अब चिसो हुँदैन

    काठमाडौं, माघ २ – पुसको अन्तिम साता ह्वात्तै बढेको चिसो माघ महिना लागेसँगै घटेको छ । अधिकतम र न्यूनतम तापक्रममा बृद्धि आएपछि उपत्यका तातो बन्दै गएको छ । उपत्यकामा पुसको अन्तिम साता न्युनतम तापक्रम शून्य डिग्रीमा झरेको थियो ।

  • ​विषादीको कारण मौरी मर्न थालेपछि सर्लाहीका मौरीपालक किसान मर्कामा

    सलाही, पुस ३० -तोरीमा लाग्ने लाइकीरा मार्न प्रयोग गरिएको रसायनिक विषादीको प्रयोगबाट सर्लाहीमा धमाधम मौरी मर्न थालेको छ।

सबै हेर्नुहोस
Skill Training
पछिल्ला समाचारहरु

सोसल मिडिया