MENU

राजनीति

Ncell Axiata

उम्मेद्वार चयनको अन्तिम तयारीमा दलहरु, केन्द्रबाट सूचि सार्वजनिक हुँदै

काठमाडौं, वैशाख ८ – मुख्य दलहरु उम्मेद्वार चयन गर्ने अन्तिम तयारीमा जुटेका छन् । सबै स्थानीय तहमा उम्मेद्वारका आकांक्षी धेरै भएपछि दलहरुलाई उम्मेदवार चयन गर्न सकस चाहीँ परेको छ । 

पार्टीका तल्ला निकायले सिफारिस गरेपछि केन्द्रबाट अन्तिम सूचि सार्वजनिक गर्ने सबै दलको तयारी छ । संसदको सबैभन्दा ठूलो दल कांग्रेसले उम्मेद्वार छनोट गर्न पार्टीका तल्ला निकायलाई आउँदो मंगलबारसम्मको समय दिएको छ । उम्मेदवार छनोटसहित चुनावको अरु तयारीबारे छलफल गर्न कांग्रेसको आन्तरिक बैठक शुक्रबार बस्दैछ । 

एमालेले पनि आउँदो मंगलबारसम्म उम्मेद्वार छनोट गर्ने भएको छ । एमालेमा वडा अध्यक्ष र सदस्य उम्मेद्वारको छनोट जिल्ला कमिटीले र गाउँपालिकाका अध्यक्ष र उपाध्यक्ष तथा नगरपालिकाका मेयर र उपमेयरको उम्मेदवार छनोट प्रदेश कमिटीले गर्नेछ । जिल्ला कमिटीलाई शुक्रबारसम्म र प्रदेश कमिटीलाई आगामी आइतबारसम्म उम्मेद्वार छनोट गरिसक्न जिम्मेवारी दिइएको एमालेले जनाएको छ । मंगलबार बस्ने एमाले स्थायी कमिटी बैठकले सबै स्थानीय तहमा उम्मेदवार टुंग्याउने तयारी गरेको छ । 

सरकारको नेतृत्व गरेको माओवादी केन्द्रले भने शनिबारसम्म सबै स्थानीय तहमा उम्मेद्वार चयन भैसक्ने जनाएको छ । शनिबार नै पार्टीको चुनावी प्रतिबद्धतापत्र समेत सार्वजनिक गर्ने माओवादीको तयारी छ । 

राप्रपाले पनि एक, दुई दिनभित्रमा उम्मेद्वारको टुंगो लागिसक्ने जनाएको छ । निर्वाचन आयोगको कार्यतालिका अनुसार आउँदो १६ गते उम्मेद्वारको मनोनयन गर्नुपर्ने हुन्छ ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया