MENU

विज्ञान प्रविधि

Ncell Axiata
sagun

आविष्कार केन्द्रले रिसर्च ल्याब खोल्ने

काठमाडौं, वैशाख १० – राष्ट्रिय आविष्कार केन्द्रले अनुसन्धान केन्द्र अर्थात रिसर्च ल्याब खोल्ने भएको छ । तत्कालका लागि सानै भएपनि रिसर्च ल्याब खोल्ने निर्णय गरेर घर खोज्ने काम भइरहेको केन्द्रका प्रमुख महावीर पुनले जानकारी दिनुभयो ।

अहिलेलाई काठमाडौं वा ललितपुरमा खोलिने ल्याबमा इलेक्ट्रिक, इलेक्ट्रोनिक्स र मेकानिकल कामका लागि चाहिने औजार राख्ने र त्यहाँ जोकसैले पनि आवश्यकता अनुसार ती उपकरण चलाउन पाउने उहाँले बताउनुभयो ।

नयाँ कुराको प्रयोग वा आविष्कार गर्न चाहनेका लागि यन्त्र उपकरण उपलब्ध गराउन खुल्ने केन्द्रमा जोसुकैले पनि  ती यन्त्र उपकरणको प्रयोग गर्न सक्नेछन् । केन्द्रले अहिले दुर्गम ठाउँमा औषधी पुर्‍याउन ड्रोन बनाउने तयारी पनि केन्द्रले गरिरहेको छ । साथै विद्युतीय सवारी साधन निर्माणका लागि पनि काम थालिने पुनले जानकारी दिनुभयो ।

ल्याब राख्नका लागि घर खोजिरहेकाले घर भाडामा दिन चाहनेले ९८४१५९२३६१ मा फोन गर्न वा  Email: nicnepal.mahabir@gmail.com मा इमेल र Skype: mahabir.pun मा स्काइकप कल गर्न सक्ने छन् । केन्द्रका लागि सित्तैमा दिन चाहनेलेपनि सम्पर्क गर्न सक्ने पुनले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया