MENU

समाज

Ncell Axiata
NIC Asia

पानी र काठको अभावले रामेछापका भूकम्प प्रभावितले घर बनाउन पाएनन्

दीपक भट्ट/उज्यालो । 

रामेछाप, वैशाख १० – भूकम्प गएको दुई वर्ष पुग्नलाग्दा पनि रामेछापका भूकम्प प्रभावितले पानी र काठको अभावका कारण घर बनाउन पाएका छैनन् । खानेपानीकै लागि निकै सास्ती खेप्न बाध्य भएका रामेछापका प्रभावितलाई घर बनाउन थप समस्या भएको हो ।

रामेछापका २ नगरपालिकासहित ४ गाउँपालिकाका २७ वटा वडामा अहिलेसम्म प्रभावितले घर बनाउन सकेका छैनन् । प्रभावितले पहिलो किस्ता बापत ५० हजार रुपैयाँ प्रदान गरेको भएतापनि त्यो रकमले घर निमार्ण गर्न सकेका छैनन् । सरकारले ढिलो गरी अनुदान रकम दिए पनि पानी र काठको अभावले घर निमार्ण गर्न नसकिएको मन्थली नगरपालिका–१ का टेकबहादुर भुजेलले बताउनुभयो ।

जिल्लामा ४१ हजार घर पुनर्निर्माण गर्नु पर्ने र त्यसको लागि ६ लाख क्युफिट काठ आवश्यक पर्ने राष्ट्रिय पुनर्निर्माण प्राधिकरण जिल्ला समन्वय समिति रामेछापले जनाएको छ । जिल्ला भित्रका सामुदायिक वनहरुबाट १ लाख ५० हजार क्युफिट मात्र काठ निकाल्न सकिने र बाँकी रहेको ४ लाख ५० हजार क्युफिट काठ अन्यत्र जिल्लाबाट ल्याउन पर्ने भएकाले पनि प्रभावित नागरिकले समयमा घर निमार्णको काम सुरु गर्न नसकेका हुन् ।

जिल्लामा ४१ हजार घर पुनर्निर्माणका लागि कम्तिमा पनि ३५ हजारदेखि ४० हजार दक्ष जनशक्ति चाहिन्छ । तर अहिले जिल्लामा ९ सय १० जना तालीम प्राप्त दक्ष जनशक्ति मात्र भएकाले पनि समयमा रामेछापमा पूनर्निर्माणको काम सम्पन्न नहुने देखिन्छ । अहिले जिल्लामा ५ सयवटा घर पुनर्निर्माण भइसकेका र ३ हजार १ सय घरहरु निर्माणाधिन अवस्थामा रहेका छन् । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया