MENU

समाज

Ncell Axiata

गोरखा भूकम्पको दुई वर्ष : पुनर्निर्माण सुस्त

काठमाडौं, वैशाख १२ – गोरखा भूकम्प गएको मंगलबार दुई वर्ष पूरा भएको छ । दुई वर्षअघि आजकै दिन गोरखाको बारपाक केन्द्रविन्दु भएर ७.८ रेक्टर स्केलको भूकम्प गएको थियो । त्यो भूकम्पले झण्डै ९ हजार जनाको ज्यान गयो । त्यसपछि लगातार आएका ठूला साना परकम्पको त्रास अहिलेसम्म पनि उस्तै छ ।

भूकम्प गएको दुई वर्ष बिते पनि त्यसले दिएका चोट र क्षतिको उचित सम्बोधन भने हुन सकेको छैन । भूकम्प र त्यसपछि बनेका सरकारले पुनर्निर्माणलाई प्राथमिकतामा राखे पनि काम भने हुन सकेको छैन । तीनवटा सरकारले भूकम्पपछिको पुर्नर्निमाणको कामलाई गति दिन सकेका छैनन् ।

अहिले पनि ९० प्रतिशत भूकम्प प्रभावितको बास टहरा वा पालमुनि नै छ । अहिलेसम्म पुनर्निर्माणका लागि ३४ अर्ब ५२ करोड रुपैयाँ भन्दा बढी रकम खर्च भएको छ । तर काम भने सोचे अनुसार हुन सकेको छैन ।

राष्ट्रिय पुनर्निर्माण प्राधिकरणले प्राविधिक तथा स्वतन्त्र अधिकारको अभावमा काम सोचे अनुसार हुन नसकेको बताएको छ । भूकम्पका कारण सात लाख १७ हजार भन्दा धेरै प्रभावितको घर भत्किएको तथ्यांक छ । त्यसमध्ये झण्डै १० प्रतिशत निजी आवास मात्रै पुनर्निर्माण भएको छ ।

झण्डै ८ हजार विद्यालय भत्किएकामा अहिलेसम्म ११ सयको हाराहारीमा मात्रै पुनर्निमाण हुन सकेका छन् । झण्डै ८ हजार खानेपानी आयोजना र एक हजारको हाराकारीमा स्वास्थ्य संस्थामा भूकम्पले क्षति गरेको छ । अहिलेसम्म झण्डै चार सय खानेपानी आयोजना तथा दुई सय स्वास्थ्य संस्थाको पुनर्निर्माण सकिएको तथ्यांक छ ।

विश्वसम्पदा सूचिमा रहेकासहित महत्वपूर्ण पुरातात्विक सम्पदामा भूकम्पले ठूलै क्षति ग¥यो । तर सात सय ५० सम्पदानमा क्षति भएकोमा अहिलेसम्म ९० वटाको मात्रै पुनर्निर्माण भएको छ ।

भूकम्प गएको लामो समय बितिसक्दा समेत पूनर्निर्माणको कामले भने गति लिन सकेको छैन । सरकारी अनुदानबाट घर निर्माण गर्ने भूकम्प प्रभावितको संख्या त झन शुन्य प्रायः छ । 

 

प्रतिक्रिया दिनुहोस

सम्बन्धित सामग्रीहरु

  • पहाड उक्लिए टेम्पो, सहज बन्यो यात्रा

    एक वर्ष अघिसम्म जिरिखिम्तीदेखि सदरमुकाम म्याङलुङ्ग आउन ठूला सार्वजनिक यातायात कुर्नुको विकल्प थिएन । चाहेको बेला छोटो दुरीको यात्रा गर्न आफ्नै सवारी साधन हुनुपथ्र्यो कि त पुरै गाडी भाडामा लिनुपथ्र्यो ।

  • दृष्टिविहीनका लागि ‘उज्यालो बजार’ शुरु

    पोखरा, भदौ २ – उज्यालो प्रतिष्ठान नेपालले दृष्टिविहीन तथा अन्य अपाङ्गता भएका व्यक्तिका लागि बिहीबारदेखि पोखराको चिप्लेढुंगास्थित सिद्धार्थ मिनि मार्केटमा उज्यालो बजार शुरु गरेको छ ।

  • सम्पदा पुनर्निर्माणमा जापानको चासो

    काठमाडौं, भदौ २ – जापानले भूकम्पका कारण क्षतिग्रस्त काठमाडौंको हनुमानढोका दरवार र पाटनको देगु तलेजु मन्दिरको पुनर्निर्माणमा बिशेष चासो देखाएको छ ।

  • मेट्रो, सिआइबी, महाशाखा र परिसरमा सरुवा हुन आइजिपीदेखि मन्त्रीसम्मको सोर्स

    प्रहरी अधिकृत सरुवाका लागि शक्ति केन्द्र धाउन थालेका छन् । चुनौतीपूर्ण र आकर्षक मानिने महानगरीय प्रहरी आयुक्तको कार्यालय मेट्रो, केन्द्रीय अनुसन्धान व्यूरो सिआइबी, महानगरीय प्रहरी परिसर काठमाडौं, महानगरीय प्रहरी अपराध महाशाखा टेकुमा सरुवा हुनका लागि शक्ति केन्द्र धाउनेको लर्को नै लाग्ने गरेको छ ।

  • महोत्तरीका बाढीप्रभावित क्षेत्रमा ज्वरो र झाडापखालाका बिरामी बढे

    महोत्तरी, भदौ १ – महोत्तरीका बाढी प्रभावित क्षेत्रमा ज्वरो र झाडापखालाका बिरामी बढेका छन् । बाढी प्रभावित ठाउँमा चलाइएको स्वास्थ्य शिविरमा ज्वरो र झाडापखालाका बिरामी धेरै भेटिएको जिल्ला जनस्वास्थ्य कार्यालयले जनाएको छ ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया