MENU

समाज

Ncell Axiata

भूकम्पले भत्केका स्वास्थ्य संस्थाको पुनर्निर्माण कहिले हुन्छ ?

विष्णु विश्वकर्मा/उज्यालो ।

काठमाडौं, वैशाख १३ – ललितपुरको बुङमति स्वास्थ्य चौकीमा कार्यरत सिनियर अनमी पद्मा दाहालको दिन अहिले पनि भूकम्पले चर्केको भवनमा काम गर्दा त्रासमै बित्ने गरको छ । दुई वर्षअघिको  भूकम्पले चर्केको भवन अहिलेसम्म पनि पुनर्निर्माण हुन नसकेपछि दिनभर उहाँको दिन त्रासमै वित्ने गरेको हो । भवनमा काम गर्न जोखिम त छ नै परकम्प आउँदा भाग्नुपर्ने बाध्यता पनि छ । 

‘परकम्प आउन अहिले पनि रोकिएको छैन । भवन पुनर्निर्माण हुन सकेको छैन । भूकम्प आउँछ की भन्ने डर फेरी पनि लागिरहन्छ’ उहाँले भन्नुभयो ।

त्यहि स्वास्थ्य चौकीमा कार्यरत सिनियर अनमी सीता त्रिपाठी पुनर्निर्माण समयमा नहुँदा यस्तो त्रास झनै बढेको बताउनुहुन्छ । ‘कति संस्था आए कति ? तर अहिलेसम्म कसैले पनि पुनर्निर्माण गर्न सकेका छैनन । न सरकारले नै भवन पुनर्निर्माण गरिदियो । न त भवन बनाउँछु भनेर आएकाहरुले नै बनाए । सबैले भाषण मात्रै दिए’ अनमी त्रिपाठीले गुनासो सुनाउनुभयो ।

भूकम्प अति प्रभावित १४ जिल्लाका तीन सय ५ र कम प्रभावित १७ जिल्लाका एक सय ३५ गरी ४ सय ४० स्वास्थ्य संस्थामा भूकम्पले क्षति पु¥याएको छ । तीमध्ये २ सय स्वास्थ्य संस्थामा पुनर्निर्माणको काम सकिएको सरकारले जनाएको छ । स्वास्थ्य संस्था पुनर्निर्माणको अवस्थाबारे जानकारी दिंदै स्वास्थ्य मन्त्रालयको पुनर्निर्माण आयोजना समन्वय इकाइका सहायक जनस्वास्थ्य अधिकृत प्रदीप अधिकारीले केही स्वास्थ्य संस्थाको काम सकिएको र केहीको बाँकी रहेको बताउनुभयो । 

‘अहिलेसम्म २ सय स्वास्थ्य संस्थाको पुनर्निर्माण भइसकेको छ । १ सय ७० बढी स्वास्थ्य चौकीको निर्माण काम चलिरहेको छ’ अधिकारीले भन्नुभयो । सरकारले चालु आर्थिक वर्षमा क्षतिग्रस्त स्वास्थ्य संस्था मर्मत र पुनर्निर्माण गर्न ३८ करोड रुपैयाँ विनियोजन गरेको छ । अरु १ सय ३० बढी संघ संस्थाहरुको सहयोगमा गोरखा, सिन्धुपाल्चोक, दोलखा लगायत ठाउँमा स्वास्थ्य संस्था पुननिर्माण भइरहेको छ ।

सबै स्वास्थ्य संस्था निर्माण गर्न मन्त्रालयले अझै १० अर्ब रुपैयाँ लाग्ने अनुमान गरेको छ । तर त्यसमध्ये भारतले ३ अर्ब रुपैयाँ उपलब्ध गराउनुबाहेक अन्य बजेटको जोहो मन्त्रालयले गर्न सकेको छैन । भवन बनाउँदा अपनाउनुपर्ने मापदण्ड, जग्गा अभाव र ठेकेदारको लापरबाहीले पनि भत्केका स्वास्थ्य चौकीको पुनर्निर्माण गर्न समस्या भएको स्वास्थ्य मन्त्रालयका सहायक जनस्वास्थ्य अधिकृत अधिकारीको भनाई छ । 

सरकारको ढिलासुस्ती आवश्यक बजेटको अभाव र निर्माण सुरु भएका कतिपय स्वास्थ्य संस्थामा ठेकेदारको लापरबाही जस्ता कारणले स्वास्थ्य संस्थाको पुनर्निर्माण हुन सकेको छैन । उपचारका लागि गइने स्वास्थ्य संस्था नै धराप अवस्थामा हुँदा उपचारको गुणस्तर मात्र होइन विरामी र स्वास्थ्यकर्मीको मनोविज्ञानमा पनि नकारात्मक प्रभाव परिरहेको छ । 

 

प्रतिक्रिया दिनुहोस

सम्बन्धित सामग्रीहरु

  • पहाड उक्लिए टेम्पो, सहज बन्यो यात्रा

    एक वर्ष अघिसम्म जिरिखिम्तीदेखि सदरमुकाम म्याङलुङ्ग आउन ठूला सार्वजनिक यातायात कुर्नुको विकल्प थिएन । चाहेको बेला छोटो दुरीको यात्रा गर्न आफ्नै सवारी साधन हुनुपथ्र्यो कि त पुरै गाडी भाडामा लिनुपथ्र्यो ।

  • दृष्टिविहीनका लागि ‘उज्यालो बजार’ शुरु

    पोखरा, भदौ २ – उज्यालो प्रतिष्ठान नेपालले दृष्टिविहीन तथा अन्य अपाङ्गता भएका व्यक्तिका लागि बिहीबारदेखि पोखराको चिप्लेढुंगास्थित सिद्धार्थ मिनि मार्केटमा उज्यालो बजार शुरु गरेको छ ।

  • सम्पदा पुनर्निर्माणमा जापानको चासो

    काठमाडौं, भदौ २ – जापानले भूकम्पका कारण क्षतिग्रस्त काठमाडौंको हनुमानढोका दरवार र पाटनको देगु तलेजु मन्दिरको पुनर्निर्माणमा बिशेष चासो देखाएको छ ।

  • मेट्रो, सिआइबी, महाशाखा र परिसरमा सरुवा हुन आइजिपीदेखि मन्त्रीसम्मको सोर्स

    प्रहरी अधिकृत सरुवाका लागि शक्ति केन्द्र धाउन थालेका छन् । चुनौतीपूर्ण र आकर्षक मानिने महानगरीय प्रहरी आयुक्तको कार्यालय मेट्रो, केन्द्रीय अनुसन्धान व्यूरो सिआइबी, महानगरीय प्रहरी परिसर काठमाडौं, महानगरीय प्रहरी अपराध महाशाखा टेकुमा सरुवा हुनका लागि शक्ति केन्द्र धाउनेको लर्को नै लाग्ने गरेको छ ।

  • महोत्तरीका बाढीप्रभावित क्षेत्रमा ज्वरो र झाडापखालाका बिरामी बढे

    महोत्तरी, भदौ १ – महोत्तरीका बाढी प्रभावित क्षेत्रमा ज्वरो र झाडापखालाका बिरामी बढेका छन् । बाढी प्रभावित ठाउँमा चलाइएको स्वास्थ्य शिविरमा ज्वरो र झाडापखालाका बिरामी धेरै भेटिएको जिल्ला जनस्वास्थ्य कार्यालयले जनाएको छ ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया