MENU

विज्ञान प्रविधि

Ncell Axiata

स्मार्टफोन मधुमेहको उपचारमा उपयोगी

वैशाख १६ – स्मार्टफोन मधुमेहको उपचारका लागि प्रयोग गर्न सकिने वैज्ञानिकले बताएका छन् । वैज्ञानिकले जनावरको जीवित कोषका गतिविधि नियन्त्रणका लागि स्मार्टफोनको प्रयोग गरेका छन् । यसले रगतमा चिनीको मात्रा नियन्त्रणका लागि स्मार्टफोन प्रयोग सकिने देखिएको हो । जीव विज्ञान र प्रविधिको फ्युजन गरी बनाइएको विधि रगतमा चिनीको मात्रा नियन्त्रण गर्न प्रयोग गरिएको वैज्ञानिकले बताएका छन् । मुसामा गरिएको अध्ययनमा वैज्ञानिकले जीव विज्ञान र प्रविधिको फ्युजन गरेर बनाइएको विधि प्रयोग गर्दा रगतमा चिनीको मात्रा नियन्त्रण गर्न सकिने देखिएको साइन्स ट्रान्सलेसनल मेडिसिनमा प्रकाशित अनुसन्धान प्रतिवेदनमा उल्लेख गरिएको छ । थप अनुसन्धान गरेर विभिन्न रोगको उपचार तथा औषधि बनाउनका लागि स्मार्टफोनसहितका प्रविधि प्रयोग गर्न सकिने अनुसन्धानमा संलग्न वैज्ञानिकले बताएका छन् । चिनियाँ वैज्ञानिकले गरेको अनुसन्धानबाट मधुमेहसहितका अरु रोगको उपचारका लागि प्रयोग गर्न सकिने र यसले उपचार तथा औषधि विज्ञानमा नयाँ युग सुरु हुन सक्ने देखिएको छ ।

जीव विज्ञान र प्रविधिलाई फ्युजन गरी बनाइएको विधिलाई अप्टोजेनेटिक्स नाम दिइएको छ । यसको माध्यमबाट आनुवंशिक परिमार्जन गरी बनाइएको औषधिले रगतमा इनसुलिनको मात्रा नियन्त्रणका लागि प्रकाशसँगको सहकार्यमा काम गर्ने गरेको छ । रेड लाइटको विशेष वेभलेन्थमा फ्युजन गरिएको विधिले रगतमा चिनीको मात्रा नियन्त्रणका लागि काम गर्ने वैज्ञानिकले बताएका हुन् ।

इस्ट चाइना नर्मल युनिभर्सिटीका वैज्ञानिकले यो औषधि मुसामा राख्दा यसले सुगरको मात्रा नियन्त्रण गरेको पाइएको हो । यसको अर्थ स्मार्टफोनले शरीरलाई मधुमेहको उपचारका लागि निर्देशित गर्न सक्ने देखिएको छ । 

 

प्रतिक्रिया दिनुहोस

सम्बन्धित सामग्रीहरु

  • फेसबुकमा नयाँ फिचर, युट्युब जस्तै

    साउन २६ – सामाजिक सञ्जाल फेसबुकले नयाँ भिडियो फिचर ल्याउने भएको छ । भिडियो लाइभ फिचरले सफलता पाएपछि फेसबुकको युट्युब र टिभी नेटवर्कलाई चुनौती दिने गरी विभिन्न भिडियो हेर्न मिल्ने ‘वाच’ फिचर सुरु गर्न लागेको हो ।

  • गुगल कम्पनीमा खलबली, कारण के ?

    साउन २३ – कम्पनीका विभिन्न पदमा महिलालाई राख्ने पहलको विरोधमा गुगलका एक कर्मचारीको विचारका कारण अहिले खलबली मच्चिएको छ ।

  • पार्किन्सनको उपचारमा नयाँ सम्भावना : फैलिनबाट रोक्न सकिने

    साउन २१ – पार्किन्सन रोग फैलिनबाट रोक्न सकिने एक अध्ययनले देखाएको छ । मधुमेह रोगको उपचारका लागि प्रयोग गरिने औषधिको प्रयोग गरेर पार्किन्सन रोग थप बिस्तार हुनबाट रोक्न सकिने देखिएको अनुसन्धानमा संलग्न वैज्ञानिकले बताएका छन् ।

  • वंशाणुगत रोगबाट छुट्कारा पाउने उपाय, डिएनए एडिटिङ

    साउन १९ – भ्रुणको डिएनएमा गरिने सामान्य परिवर्तनबाट वंशाणुगत रुपमा लाग्ने रोगबाट जोगिन सकिने वैज्ञानिकले बताएका छन् । वैज्ञानिकले पहिलोपटक एक भ्रुणको डिएनएमा रहेको मुटु सम्बन्धी रोगको वंशाणुगत अवगुण हटाएका छन् ।

  • दक्षिण एसियामा तापक्रम बृद्धिको असर: मानिस बाँच्नै नसक्ने गरी गर्मी बढ्ने चेतावनी

    दक्षिण एसियामा गर्मी तथा आद्रता अस्वभाविक रुपमा बढ्दै गएको र यसका कारण दशौंलाख मानिस प्रभावित हुने देखिएको छ । नयाँ अध्ययन अनुसार विश्वव्यापी रुपमा भइरहेको तापक्रम बृद्धिले गर्दा दक्षिण एसियाली क्षेत्र बढी प्रभावित हुने देखिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया