MENU

मनोरञ्जन

Ncell Axiata
sagun

क्यानडा बस्न नसकेर फर्केकी पूजाको नक्कली कपालले गर्‍यो करिअरको सुरुवात

काठमाडौं, वैशाख १७ – अभिनेत्री पूजा शर्मा आइतबारदेखि २५ वर्षमा प्रवेश गरेकी छिन् । सिन्धुपाल्चोकमा जन्मेकी उनले १६ वर्षको उमेरमा मोडलिङको सुरुवात गरेकी थिइन् । पहिलो पटक सुगम पोखरेलको आवाजमा ‘हाम्रो स्कुल पाठशाला’ बोलको गीतको म्युजिक भिडियोमा उनले काम गर्ने मौका पाइन् । त्यस्तै उनले २१ वर्षको उमेरमा ‘मधुमास’बाट सिनेमामा ब्रेक लिइन् । उनलाई पहिलो सिनेमाले अभिनयका बारेमा धेरै कुराहरु सिकाएको छ । 

पहिलो सिनेमा अहिले हेर्दा उनलाई धेरै कमीकमजोरीहरु देखा पर्छन् । यहि कारण पनि उनलाई कहिले काही, अभिनय नसिक्दै यो सिनेमामा किन काम गरेँ होला ! भनेर पछुतो पनि लाग्छ ।

दोस्रो सिनेमाको रुपमा ‘अझै पनि’मा काम गरेकी उनलाई यो सिनेमाले ठिकठाकै सफलता दियो । त्यसपछि ‘चङ्खे सङ्खे पङ्खे’ ले उनलाई औसत सफलता दियो । तर उनलाई सिनेमा ‘प्रेमगीत’ले भने रातारात लोकप्रिय बनाइदियो । यस सिनेमाले उनलाई नेपाली सिनेमाकी लभर गर्लको रुपमा चिनायो जुन परिचय नेपाली सिने उद्योगमा बिरलै छ । उनलाई ‘प्रेमगीत’ पछि कुसल नायिकाको रुपमा हेर्न थालियो । दर्शकको यहि माया र साथका कारण पूजा ‘प्रेमगीत’ पछि सिधै निर्मात्री पनि बनेकी छिन् । सिनेमा ‘म यस्तो गीत गाउँछु’ मार्फत निर्मात्री बनेकी उनी हाल यहि सिनेमाको प्रमोशनको तयारीमा जुटेकी छिन् ।

नक्कली कपालले गर्‍यो करिअरको सुरुवात

पूजा शर्मा सिनेमा क्षेत्रमा आएपछि पूर्ण रुपमा केटी बनेकी हुन् । यस क्षेत्रमा आउनु भन्दा पहिले उनको स्वभाव, लवाईखवाई केटाकै जस्तो थियो । उनी केटाको जस्तो लुगा लगाउने अनि कपाल पनि नपाल्ने गर्थिन् । पहिले उनलाई श्रृङ्गारको बारेमा केही पनि थाहा थिएन । यहि कारण उनले पहिले पहिले म्युजिक भिडियोमा नक्कली कपालको प्रयोग गर्नु परेको थियो । 

दर्जनौँ म्युजिक भिडियोमा काम गरेर २१ वर्षको उमेरमा सिनेमामा आएकी उनी सिनेमाले नै आफूलाई परिवर्तन गरेको बताउँछिन् । सिनेमामा आएपछि साथीभाईहरुको सल्लाह अनुसार उनले युट्युब हेरेरै श्रृङगार गर्न सिकेकी हुन् ।  नत्र भने त पहिले उनी मनमा जे आयो त्यहि बोल्ने अनि जे मन लाग्यो त्यहि लगाउने गर्थिन् ।

क्यानडाबाट फर्किइन्

पूजाको एउटा खास कुरा सायद तपाईँलाई थाहा नहुन पनि सक्छ । उनी उच्च शिक्षा अध्ययनको लागि क्यानडा पुगेकी थिइन् । तर उनलाई त्यहाँ बस्न साह्रै गाह्रो भयो । यहि कारण उनी एक महिना पनि नबित्दै नेपाल फर्किइन् । सबै कुरा आफ्नै देशमा भएका कारण आफू त्यहाँ बस्न नसकेर फर्केको उनी बताउँछिन् ।  पूजाले नेपालमा आएर पनि आफ्नो पढाई भने पूरा गरेकी छिन् । अहिले उनी टुरिजम विषयमा मास्टर गर्दैछिन् ।

प्रेमी अमेरिकामा छ भन्छिन् पूजा 

सिनेमा क्षेत्रमा आएपछि उनको नाम अभिनेता तथा निर्देशक सुदर्शन थापासँग जोडियो । यी दुईले एक साथ काम पनि गरिरहेका छन् । अझै पनि, चङ्खे सङ्खे पङ्खे, प्रेमगीत र म यस्तो गीत गाउँछु सम्म यी दुईले सहकार्य गरेको हामीले देखेकै छौँ । सम्बन्धकै कारण एकअर्काको साथमा अघि बढेको कुरा मिडियाले पनि यी खुलाउँदै आएको छ ।

तर पूजाले भने केही समय अघि मात्रै हामीसँग भएको कुराकानीमा यो खबर गलत भएको भन्दै आफू सिनेमा भन्दा बाहिरको व्यक्तिसँग प्रेममा रहेको खुलाएकी थिइन् । उनले आफ्नो प्रेमी हाल अमेरिका पढ्न गएको पनि दाबी गरेकी थिइन् ।

उज्यालो र forseenetwork.com को सहकार्य

 

 

प्रतिक्रिया दिनुहोस

सम्बन्धित सामग्रीहरु

  • ​नेपाल आइडलका सुजाता र सागर सहित युएईमा बृहत्त सांस्कृतिक साँझ

    मंसिर ७ – युएईको आबुधाबीमा नेपाल आइडलका प्रतिस्पर्धी सुजाता पाण्डे र सागर आलेले प्रस्तुती दिने भएका छन । नेपाल मगर संघ युएई शाखाले अयोजना गरेको बृहत्त सांस्कृतिक साँझमा उनीहरुले आफ्नो प्रस्तुती दिने भएका हुन् ।

  • जब बलरामले ‘उडाए’ साथीको गलफ्रेन्ड

    काठमाडौं, मंसिर ७ – आफ्नी पे्रमिकालाई जब कसैले भगाउँछ, कस्तो होला त्यो प्रेमीको मन । हामी सहजै अनुमान लाउन सक्छौं । यस्तै भएको छ, टीका बोम्जनको स्वर र संगीत तथा पवन वाङ लामाको ऐरेन्जमा बनेको गीतको म्युजिक भिडियोमा ।

  • जोे पारिश्रमिकका कारण चर्चामा आए

    अभिनेत्री साम्राज्ञी राज्यलक्ष्मी शाह पहिलो पटक आर्यन सिग्देलसँग सिनेमा ‘कायरा’ मार्फत सँगै देखिन थालेकी छिन् । आफैले निर्माण गर्न लागेको ‘कायरा’मा आर्यनले साम्राज्ञीलाई लिएका हुन् ।

  • गायक धिरज राईको नयाँ एल्बम ‘लभ बल्याड’ बजारमा

    काठमाडौं, मंसिर ४ – नेपालका माइकल ज्याक्सन भन्ने गरिएका गायक धिरज राईले सोह्रौ एल्बम लब बल्याड सार्वजनिक गर्नुभएको छ ।

  • कलाकारको राजनीति मोह, को कुन पार्टीमा ?

    काठमाडौं, मंसिर ४ –पछिल्लो समयमा धेरैजसो कलाकारहरु कुनै न कुनै पार्टीमा आवद्ध छन् । तर पार्टी प्रवेशपछि केही कलाकारहरुको सक्रियताले निरन्तरता पाएको छ भने केही प्रवेशसँगै राजनीतिबाट गुमनाम हुने गरेका छन् ।

सबै हेर्नुहोस
Joktantra
पछिल्ला समाचारहरु

सोसल मिडिया