विराटनगर, वैशाख २१ – मोरङमा किसानलाई विशेष सूचना प्रवाह गर्न किसान सिम तथा स्मार्ट कृषि प्रविधि सुरु गरिएको छ । कृषि विकास मन्त्रालय, जलवायु प्रकोप समुत्थान निर्माण परियोजनाले किसानहरुलाई एग्रो क्लाईमेट वेदर सम्बन्धी प्रविधि ६३ जना किसानलाई हस्तान्तरण गरेको हो ।

कार्यक्रम अनुसार किसानहरुलाई एक सय रुपैयाँको टक भ्यालु सहितको निःशुल्क किसान सीम उपलब्ध गराइएको छ । मोरङ जिल्लाका कृषि र पशुपालन तर्फका ६३ जना किसानलाई निःशुल्क सिम तथा मोवाइल बितरण गरिएको जिल्ला कृषि विकास कार्यालय मोरङका प्रमुुख मनोज कुमार यादवले जानकारी दिनभयो । 

किसानलाई कृषिमा आधुनिक प्रबिधि ईमेल ईन्टरनेटसहितको यो स्तरीय सेवा प्रवाह गर्न ‘हाम्रो कृषि’ मोबाइल एप्लिकेसन, कृषि–पूर्व सूचना प्रणाली, टोल फ्रि नम्बर, अडियो नोटिस, कृषि इन्फो एसएमएस जस्ता सेवाहरु उपलब्ध गराइने छ ।  एन्ड्रोइड स्मार्टफोन भएका किसानहरुले ‘हाम्रो कृषि’ नामक एपबाट मौसम सम्बन्धी जानकारी, कृषि र प्रविधी, कृषि कार्यालयका नम्बरहरु, वीमा अभिकर्ता समबन्धी जानकारीहरु र अन्य सफलताका कथाहरुबारे जानकारी लिन सक्ने जलवायु प्रंकोप समुत्थान निर्माण आयोजना, कृषि ब्यवस्थापन सूचना प्रणालीका निर्देशक बिष्णु घिमिरेले जानकारी दिनुभयो । उहाँले अहिलेसम्म मन्त्रलायले २५ वटा जिल्लाहरुमा कार्यक्रम सञ्चालन गरिसकेको बताउनुभयो।

कृषि विकास मन्त्रालय, कृषि व्यवस्थापन सूचना प्रणाली आयोजना मार्फत किसानहरुलाई निःशुल्क फोन उपलब्ध गराइएको छ । वितरण भएका सिम तथा रिम कार्डहरु मध्ये कृषि विकास मन्त्रालयले तोकिएका नम्बरहरुमा मासिक रुपमा १५ एमबी डाटा उपलब्ध गराईएको छ । त्यसैगरी नोटिस बोर्ड सेवा तथा टोल फ्रि सेवा पनि किसानहरुलाई  उपलब्ध हुनेछ । कृषक, व्यवसायी तथा सहकारीहरुलाई लक्षित गरेर पहिलो चरणमा मोररङ जिल्लाका ६३ जना किसानलाई यो कृषि ब्यवस्थापन सुचना प्रणली मार्फत प्रविधि हस्तान्तरण गरिएको हो ।