MENU

साहित्य/ कला

‘यत्ति भए पुग्छ’ विमोचित, गजलकारलाई पुरस्कृत गर्न दुई लाखको अक्षयकोष

काठमाडौं, वैशाख २३ – गजलकारलाई पुरस्कृत गर्न दुई लाख रुपैयाँ अक्षयकोष स्थापना हुने भएको छ । गजलकार जे. सागरको गजल कृति ‘यत्ति भए पुग्छ’ विमोचन कार्यक्रममा अक्षयकोष स्थापनाको घोषणा गरिएको हो ।  

काठमाडौंमा शनिबार गजलकार जे. सागरले दुई लाख रुपैयाँ गजलको नाममा अक्षयकोष स्थापना गर्ने घोषणा गर्नुभएको हो । अक्षयकोषबाट हरेक वर्ष एक गजलकारलाई १० हजार रुपैयाँ बराबरको पुरस्कार दिइने पनि उहाँले बताउनुभयो । उहाँले आफ्नो बुवाआमाको नाममा पुरस्कार घोषणा गर्नुभएको हो । पुरस्कारको संयोजनका लागि बुलबुल पब्लिकेशनलाई जिम्मा दिइएको छ ।  

जे. सागरको गजल संग्रह ‘यत्ति भए पुग्छ’ साहित्यकारहरु ज्ञानुवाकर पौडेल, रवि प्राञ्जल, धनराज गिरी, करुण थापा, पोष्टराज चापागाईंका साथ लेखक जे. सागरका मातापिता छायाँदेवी पराजुली र चेतनाथ पराजुलीले संयुक्त रुपमा सर्वनाम नाट्य थियटर कालिकास्थानमा सार्वजनिक गर्नुभएको हो । 

७४ वटा गजलहरु संग्रहित ‘यत्ति भए पुग्छ’ संग्रहमा गजलकार धनराज गिरीले भूमिका लेख्नुभएको छ । संग्रह भित्र गजलकार जे. सागरले युएईमा बस्दा लेखेका गजलहरुमा देशप्रेम, प्रवास बसाइको बाध्यता, मानवीय संवेदना, समाजका विकृति र विसंगतिले ठाउँ पाएका छन् । यसअघि संयुक्त गजल संग्रह हैसियत, संयुक्त मुक्तक संग्रह कोसेलीमा जे. सागरका रचनाहरु प्रकाशित भइसकेका छन् । 

विभिन्न पत्रपत्रिका तथा अनलाइन मिडियाहरुमा उहाँका व्यंग्य लेख, गजल, मुक्तक प्रकाशित हुने गरेका छन् । इनास, इनास युएई, एनआरएनए अल ऐन युएई लगायतका संस्थाहरुमा आबद्ध जे. सागर सिर्जना वाचन डबली युएईका संस्थापक सदस्य पनि हुनुहुन्छ । यत्ति भए पुग्छ बुलबुल पब्लिकेशनले बजारमा ल्याएको हो । १०६ पृष्ठको गजल संग्रहको मूल्य १ सय ५० रुपैयाँ रहेको छ ।

 

Mitsubishi

प्रतिक्रिया दिनुहोस

सम्बन्धित सामग्रीहरु

  • ​साहित्य यात्रा सगरमाथा सँगसँगै : सगरमाथा हेर्दै रचना वाचन

    ओखलढुंगा, चैत २९– नयाँ वर्षको पूर्व सन्ध्यामा नयाँ वर्ष मनाउनेहरुका विभिन्न कार्यक्रमका सूची तयारी भैसके । घुमफिर, भेटघाट, वनभोज, सांस्कृतिक कार्यक्रमको आयोजनाजस्ता कार्यक्रममा नेपालीहरु व्यस्त हुन्छन् ।

  • प्याकुरेलको कथा सङ्ग्रह ‘झुल्या कागत’ विमोचन

    काठमाडौं चैत २५ – कथाकार प्रमोद प्याकुरेलको पहिलो कथा सङ्ग्रह ‘झुल्याकागत’ विमोचन भएको छ ।

  • राजा सिद्धीनरसिंह मल्लले लेखेका गीतको एल्बम सार्वजनिक

    काठमाडौं, चैत २४ – राजा सिद्धीनरसिंह मल्लले लेखेका ३६ वटा गीत संग्रहित गीति एल्बमको शनिबार लोकार्पण गरिएको छ ।

  • कुहिराे

    मैले लगाएको चोट खप्न नसकेर आमा मैलो मजेत्रोले अाँसु पुछ्नुहुन्थ्यो । क्षयरोग सर्ने डरले व्यथा किटान भएदेखि नै आमाका लुगाहरूसम्म कसैले धुने आँट गरेनन् । सानै उमेरदेखि मेरो स्वभाव एकलकाटे थियो । साथीहरू कोहीसँग पनि घनिष्ट सम्बन्ध बनाउन सकिनँ मैले । मैले भनेको कुरामा साथीहरू असहमत हुँदा पटक पटक सिँगौरी खेलेको छु मैले ।

  • कम्युनिस्ट हुन रक्सी पिउँदा‍...

    प्रतिदिनजस्तै भेट्ने, एउटा न एउटा कार्यक्रममा लैजाने, भाषण गर्न लगाउने, पुस्तक पढ्न दिने, रेस्टुराँमा लगरे ख्वाउने, अनि आत्मीयता प्रदर्शन गरेर वशीभूत पार्ने प्रयास गरिरहनुहुन्थ्यो । तर कतिपय कुरामा मेरो आफ्नै तौरतरिका र अडान रहन्थे । कहिलेकाहीँ तर्क गरेर उहाँका कुरा काट्ने, केही शास्त्रीय विचारका अडान राख्ने गर्दथेँ । पतलुन लाउँदैनथेँ, मदिरा पिउँदैनथेँ

सबै हेर्नुहोस
Skill Training
पछिल्ला समाचारहरु

सोसल मिडिया