MENU

बातावरण-कृषि

Ncell Axiata
sagun

हिउँदे धान बालीमा पर्वतका किसान आकर्षित

सन्तोष थापा/उज्यालो । 

पर्वत, वैशाख २४ – पहाडी भूभागमा भएपनि वर्षे धान खेतीमा आत्मनिर्भर बन्न सफल पर्वतमा हिउँदे धान खेती विस्तारको काम सुरु भएको छ । जिल्ला कृषि विकास कार्यालयको हिउँदे धान बाली प्रवर्द्धन कार्यक्रम अन्तर्गत पर्वतका विभिन्न स्थानमा हिउँदे धान खेती विस्तार गरिएको हो ।

कार्यालयले पर्वतको पैयु गाउँपालिका हुवासमा नमुना ब्लकको रुपमा एक सय रोपनी जग्गामा खेती विस्तार गरेको छ । यस्तै टकलाक, त्रिवेणी, बेउलीबास, अर्मादी, लस्ती, मिलनचोक लगायतका स्थानमा गरी एक हजार ६ सय ६० रोपनीमा हिउँदे धान खेती गरिएको जिल्ला कृषि विकास कार्यालय पर्वतका हिउँदे धानबाली फोकल पर्सन चेतनाथ पौडेलले जानकारी दिनुभयो । 

पर्वतमा अहिलेसम्म निर्वाहमुखी खेतीमा भर परिँदै आएकाले हिउँदे धानबालीबाट किसानलाई व्यावसायिक बनाउने अभिप्रायले हिउँदे धान खेती तर्फ आकर्षित गरिएको उहाँले बताउनुभयो । हुवासका किसानले गएका वर्षहरुमा सामान्य हिउँदे धान बाली लगाउँदै आएपनि यस वर्षदेखि हिउँदे धानबालीमा सहयोगसहित उत्साह थपेको बताएका छन् । 

हिउँदे धानबालीमा अहिले किसानहरु विभिन्न समूह बनाएर अग्रसर भएका छन् । समूहमा आवद्ध भएर खेतीमा सक्रिय भएपछि अनुदान, बाली बिमा लगायतका क्रियाकलापमा सहज हुने धान उत्पादक किसान काशिराम गौतमले जानकारी दिनुभयो । 

अहिले हुवासमा हर्दिनाथ १ जातको १ सय ५ किलोग्राम बिउ लगाइएको फोकल पर्सन पौडेलले जानकारी दिनुभयो । हिउँदे धानबाली सोचे अनुरुप उत्पादन गर्न सकेमा उद्योग नै स्थापना गरेर चिउरा, भुजा लगायतका खाद्य सामग्री उत्पादन गर्न सकिने उहाँले बताउनुभयो ।

लोपोन्मुख रुपमा रहेको हिउँदे धान खेती नमूना ब्लकबाट उत्पादन दिन सकेमा आउँदो वर्ष फलेवास, कुर्घा लगायतका स्थानमा समेत विस्तार गरिने जिल्ला कृषि विकास कार्यालय पर्वतका वरिष्ठ कृषि विकास अधिकृत बासुदेव रेग्मीले बताउनुभयो । 

हिउँदे धानसमुद्री सतहदेखि ६ सय मिटरबाट १२ सय मिटर उचाईसम्म लगाउन सकिन्छ । कार्यालयका अनुसार धान खेती लगाइएको जग्गाको क्षेत्रफलका आधारमा बाली बिमा गर्ने क्रम समेत सुरु गरिएको छ । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया