MENU

अन्तर्राष्ट्रिय

Ncell Axiata
chhaka panja

जिका भाइरस संक्रमणको आपतकालीन अवस्था अन्त्य भएको घोषणा

वैशाख २९ – ब्राजिलमा जिका भाइरसको संक्रमणको आपतकालीन अवस्था अन्त्य भएको घोषणा गरिएको छ । जिका भाइरस संक्रमणको दर निकै घटेको भन्दै स्थानीय अधिकारीले आपतकालीन अवस्था अन्त्य भएको घोषणा गरेको बिबिसीले जनाएको छ । 

गएको जनवरीदेखि अप्रिलसम्मको तथ्यांक अनुसार संक्रमण दर गत वर्षको यहि समयको तुलनामा ९५ प्रतिशतले घटेको छ । गएको चार महिनामा त्यहाँ जिका भाइरसका झण्डै ८ हजार संक्रमित भेटिएको छन् भने गत वर्ष सोही अवधिमा १ लाख ७० हजारभन्दा धेरै संक्रमित भएका थिए । जिका भाइरसबाट यो वर्ष भने अहिलेसम्म कसैको ज्यान नगएको ब्राजिलका अधिकारीले बताएका छन् । 

संक्रमित लामखुट्टेबाट सर्ने जिका भाइरसका कारण गर्भमा रहेका शिशुको दिमागको विकासमा असर पर्छ । जसका कारण सानो टाउको भएका बच्चा जन्मने गर्दछ । झण्डै ३० देशमा जिका भाइरसको संक्रमण देखिए पनि ब्राजिल सबैभन्दा बढी प्रभावित देश हो । विश्व स्वास्थ्य संगठनले भने गत वर्षको नोभेम्बरमै त्यहाँ जिका भाइरसको आपतकालीन अवस्था अन्त्य भएको घोषणा गरेको थियो ।  

प्रतिक्रिया दिनुहोस

सम्बन्धित सामग्रीहरु

  • उडिरहेको जहाजको पंखा खसेर कारमा लाग्यो

    असोज ९ – जापानका उडिरहेको विमानको पंखा खसेर लाग्दा एउटा कारमा गम्भीर क्षति पुगेको छ । जापनको ओसाका शहरमा आकाशमा उडिरहेको जेट विमानको पंखाको भाग खसेर लाग्दा कारमा क्षति पुगेको हो ।

  • जर्मनी चुनावः मर्केल चौथोपटक चान्सलरमा निर्वाचित, नेश्नलिस्ट पार्टी पहिलोपटक संसदमा

    असोज ९ – जर्मनीमा भएको चुनावबाट एङ्गेला मर्केल चौथो कार्यकालका लागि चान्सलरको रुपमा निर्वाचित हुनुभएको छ । मर्केल चान्सलरको रुपमा चौथो कार्यकालका लागि निर्वाचित भएपनि संघीय चुनावमा उहाँको पार्टी कन्जरभेटिभ सिडियु/सिएसयुले भने राम्रो नतिजा ल्याउन सकेको छैन ।

  • ​ट्रम्प र किमको वाकयुद्ध ‘बच्चाहरूको झगडाजस्तै’

    काठमाडौं, असोज ८ – रुसी विदेशमन्त्री सर्गेइ लाभरोेभले अमेरिकी राष्ट्रपति डोनाल्ड ट्रम्प र उत्तर कोरियाली नेता किम जङ उनबीच पछिल्लो समय भइरहेका भनाभन ‘बच्चाहरुको झगडा जस्तै’ भएको बताउनु भएको छ ।

  • ट्रम्पका कारण अमेरिका परमाणु आक्रमणको निशानामा–उत्तर कोरिया

    असोज ८ – अमेरिकी राष्ट्रपति डोनाल्ड ट्रम्प विश्व शान्तिका लागि सबै भन्दा ठूलो खतरा रहेको उत्तर कोरियाले आरोप लगाएको छ । संयुक्त राष्ट्रसंघको महासभालाई सम्बोधन गर्ने क्रममा उत्तर कोरियाका विदेशमन्त्री रि योङ–होले ट्रम्पको पछिल्लो अभिव्यक्तिका कारण विश्व शान्तिमा ठूलो खतरा उत्पन्न भएको बताउनुभएको हो ।

  • इरानले गर्‍यो मिसाइल परीक्षण

    असोज ७ – इरानले मध्यम दूरीको मिसाइल परीक्षण गरेको छ । अमेरिकी राष्ट्रपति डोनाल्ड ट्रम्पले मंगलबार संयुक्त राष्ट्रसंघको महासभालाई सम्बोधन गर्ने क्रममा इरान दुष्ट देश रहेको बताएको प्रतिक्रिया स्वरुप इरानले मध्यम दूरीको मिसाइलको सफल परीक्षण गरेको हो ।

सबै हेर्नुहोस
western union
nepali women
पछिल्ला समाचारहरु

सोसल मिडिया