MENU

विज्ञान प्रविधि

Ncell Axiata
NIC Asia

ठूलो स्तरको साइबर आक्रमण, ९९ देशका कम्प्युटर प्रभावित

वैशाख ३० – ठूलो स्तरको साइबर आक्रमणका कारण विश्वका धेरै ठाउँका संघसंस्था प्रभावित भएका छन् । अमेरिकाको राष्ट्रिय सुरक्षा एजेन्सीले तयार पारेको अनुमान गरिएको रानसमवेयरको प्रयोग गरेर विश्वका धेरै ठाउँका संघसंस्थाका कम्प्युटरमा साइबर आक्रमण भएको हो । हजारौं स्थानका कम्प्युटर यसबाट प्रभावित भएका छन् । आक्रमणकारीले तीन सय अमेरिकी डलर बराबरको बिटकोइन माग गर्दै कम्प्युटर लक गरेका छन् । साइबर आक्रमणकारीले ह्याक भएका कम्प्युटरका फाइल फेरि पाउन पैसा खातामा जम्मा गरिदिन भनेका छन् भने पैसा नदिए फाइल नष्ट गरिदिने धम्की समेत दिएका छन् ।

गएको अप्रिलमा द स्याडो ब्रोकर्स् नामको ह्याकर समूहले अमेरिकाको राष्ट्रिय सुरक्षा एजेन्सीले बनाएको रानसमवेयर आफूले चोरी गरेर अनलाईन रिलिज गरेको बताएको थियो । अनलाइनमा रिलिज भएको त्यही रानसमवेयरको प्रयोगबाट अहिले कम्प्युटर ह्याक गरिएको हुन सक्ने अनुमान छ । माइक्रोसफ्टले मार्चमा ह्याक हुन जोगाउन प्याच जारी गरेको थियो । त्यो प्याच अपडेट नभएका कम्प्युटर बढी प्रभावित भएका छन् ।

अहिले भएको साइबर आक्रमणबाट बेलायत, अमेरिका, चीन, रुस, स्पेन, इटाली तथा ताइवानसहित ९९ देशका कम्प्युटर प्रभावित भएका छन् । रेनसमवेयरबाट प्रभावित भएका अहिलेसम्म ७५ हजार भन्दा बढी उजुरी आएको छ । यो साइबर आक्रमण ठूलो रहेको साइबर–सेक्युरिटी फर्म एवास्टले जनाएको छ ।

साइबर आक्रमणका कारण बेलायतको राष्ट्रिय स्वास्थ्य सेवा एनएसएको सेवा निकै प्रभावित भएको छ । त्यहाँ बिरामीको स्वास्थ्य रेकर्ड पहुँच बाहिर पुगेको स्थानीय अधिकारीलाई उधृत गर्दै बिबिसीले जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया