MENU

राजनीति

Ncell Axiata
USAID

भोट दिन जाँदै हुनुहुन्छ ? मोबाइल घरमै राख्नुहोस्, छाता सँगै लैजानुहोस्

काठमाडौं, वैशाख ३१ – झण्डै २० पर्छपछि हुन लागेको स्थानीय चुनावबाट आफ्नो जनप्रतिनिधि चयन गर्न मतदाता उत्साहपूर्ण रुपमा मतदानमा सहभागी हुँदैछन् । आइतबार बिहान ७ बजेदेखि मतदान सुरु हुने भएपनि बिहानैदेखि बाटो र चोकचोकमा चहलपहल सुरु भइसकेको छ ।

मतदान गर्न जाँदा केही कुरामा विशेष ध्यान दिनुपर्छ । आइतबार गाडी नचल्ने भएकाले बेलैमा घरबाट निस्कनुहोस् । लाइनमा धेरैबेर समेत उभिनुपर्ने भएकाले पानी र केही खानेकुरा साथमा राख्नुहोस् ।

जल तथा मौसम पूर्वानुमान महाशाखाका अनुसार प्रदेश नम्बर ३ का केही ठाउँमा र प्रदेश नम्बर ४ र ६ का एक दुई ठाउँमा बेलुकीपख मेघ गर्जन सहित पानी पर्ने सम्भावना छ । त्यसैले सकेसम्म दिउँसो सम्ममा भोट दिइसक्नुहोस् । साथमा छाता राख्न नछुटाउनुहोस् ।

मतदाता परिचयपत्र साथमै राख्नुहोस् । मतदाता परिचयपत्र छैन भने नागरिकता, पासपोर्ट, लाइसेन्स, जग्गाधनी प्रमाणपत्र या अरु कुनै फोटो भएको सरकारी परिचयपत्र बोक्नुहोस् ।

मतदान केन्द्रमा तीनवटा प्रवेशद्वार बनाइएको हुन्छ । एउटामा गर्भवती, सुत्केरी, अपांगता भएका, ज्येष्ठ नागरिक, अशक्त बिरामी, किरियामा बसेका मतदातालाई छुट्याइएको हुन्छ । उनीहरुलाई विशेष प्राथमिकता दिनुपर्छ । यस्तै पुरुष र महिला मतदाताको लागि छुट्टै लाइनको व्यवस्था हुन्छ ।

सकेसम्म मोबाइल नबोक्नुहोस् । बोक्नुभएको छ भने लाइनमा उभिंदा स्वीच अफ गर्नुहोस् । याद गर्नुहोस्, मोबाइलबाट सेल्फी र क्यामराबाट फोटो खिच्न पाईंदैन । सेल्फी खिच्न खोज्नुभयो भने कार्वाहीमा पर्न सक्नुहुन्छ ।

आफ्नो पालो आएपछि निर्वाचन अधिकृतको छाप भएको मत्रपत्र लिएर बदर नहुनेगरी सही तरीकाले स्वस्तिक छाप लगाउनुहोस् र राम्रोसँग पट्टयाएर मतपेटिकामा खसाल्नुहोस् । याद गर्नुहोस्, मतदान गरिसकेपछि मतपत्र देखाउनुभयो भने तपाईं कार्वाहीमा पर्नुहुन्छ ।

प्रतिक्रिया दिनुहोस

सम्बन्धित सामग्रीहरु

  • ​ प्रहरीका सई वडाध्यक्षका उम्मेदवार

    तेह्रथुम, असार ८ – तेह्रथुममा प्रहरी नायव निरीक्षक रामबहादुर खड्काले जागिर छाडेर वडाध्यक्षमा उम्मेदवारी दिनुभएको छ ।

  • बाबु छोरा नै स्वतन्त्र उम्मेदवार

    ओखलढुंगा, असार ८ – ओखलढुंगाको माने भन्ज्याङ गाउँपालिकामा बाबु छोरा नै स्वतन्त्र उम्मेदवार बनेका छन् । माने भन्ज्याङ गाउँपालिका-४ का पर्वलाल तामाङ गाउँपालिका प्रमुखका उम्मेदवार बन्नुभएको छ । छोरा मोहनकुमार तामाङ वडा अध्यक्षको उम्मेदवार बन्नुभएको छ ।

  • ओलीले झापा पुगेर भने – खोलाले बिगार गर्‍यो, खोलो गाउँ पस्यो भने मलाई सम्पर्क गर्नुहोला

    झापा, असार ८ – एमाले अध्यक्ष तथा पूर्व प्रधानमन्त्री केपी ओलीले देश विकासको काम एमाले बाहेक कसैले पनि गर्न नसक्ने बताउनुभएको । बिहीबार झापाको गौरादहमा आयोजित चुनावी सभामा बोल्दै अध्यक्ष ओलीले एमालेले नागरिकमा विकासको आशा जगाएको दाबी गर्नुभयो ।

  • टीकापुर वडा नं ७ मा नयाँ शक्तिबाट सबै महिला उम्मेदवार

    कैलाली, असार ८ – नयाँ शक्ति नेपालले स्थानीय तह चुनावका लागि टीकापुर नगरपालिकाको एउटै वडामा महिला उम्मेदवार मात्रै खडा गरेको छ । संघीय समाजवादी फोरमसँग तालमेल गरेको नयाँ शक्तिले वडा नं ७ मा उपप्रमुख पदसहित बाँकी सबैमा महिलालाई उम्मेदवार बनाएको निर्वाचन अधिकृत मनप्रसाद रेग्मीले जानकारी गराउनुभयो ।

  • नेपालगञ्ज चुनावको फैसला ‘कत्लको रात !’ फेरिएला पुरानो शैली ?

    नेपालगञ्ज, असार ८ – बाँकेका ८ वटा स्थानीय तहमध्ये सबै राजनीतिक दलको ध्यान नेपालगञ्ज उपमहानगरपालिकामा केन्द्रित छ । नेपालगञ्ज उपमहानगरपालिकामा मेयरमा १६ र उपमेयरमा १० जनाको उम्मेदवारी परेको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया