MENU

राजनीति

Ncell Axiata
USAID

ठूलमायाले भोट हाल्न पाइनन्

ऋग्वेद शर्मा/उज्यालो । 

काठमाडौं, वैशाख ३१ – सबैले ठूलमाया भन्छन्, चौरासीको भोज ख्वाएकै ६ वर्ष भयो । जम्माजम्मी उहाँको परिचय यति मात्रै । २० मिनेट उकालो चढेर मतदान केन्द्र जाँदै गर्दा उहाँको पहिरनसँगै अनुहार उज्यालीएको थियो तर त्यो उज्यालो धेरेबेर टिक्न पाएन । 

‘छिमेकी नातिहरुले भोट हाल्न बोलाएको, म त बिहानै आएँ’ काठमाडौं टोखा नगरपालिका धापासी स्काई लार्क स्कूलमा रहेको मतदान केन्द्रमा पुग्नेबित्तिकै उहाँले भन्नुभयो । उहाँलाई देख्नेबित्तिकै मतदान केन्द्र बाहिर रहेका स्वयम सेवक उहाँको सेवामा लागिहाले । ‘आमा कार्ड ल्याउनु भएको छ ?’ प्रश्न सुनेर अकमकिँदै ठूलमायाले भन्नुभयो, ‘कार्ड यहीँ छ, नातिहरुले बोलाएको, खै कता हो ?’ 

ठूलमायाको मतदाता परिचय पत्र खोज्न ४/५ जना स्वयम सेवक लागिहाले । ठूलमाया बाहिर चौतारोमा बसेर आफ्नो बेलाको काठमाडौं सुनाउँदै हुनुहुन्थ्यो । ‘पहिले त यस्तो कहाँ हुनु र ? यहाँ त केही थिएन, त्यही ५ वटा जति घर थियो । अहिले त यस्तो भयो । मेरो बुढा पनि यही बसेको । कोदालो खन्थ्यो यहीँ, अहिले त छैन’ ठूलमायाले आफ्नो बेला सुनाउँदै गर्दा एकजना स्वयम सेवक आइपुगे । ठूलमायाले सोधिहाल्नुभयो, ‘बाबु कार्ड पाइयो ?’ 

‘तपाईंको त नाम छैन रहेछ आमा, भेटिएन । तपाईंले भोट हाल्न पाउनु हुन्न’ स्वयम सेवकको आवाज सुनेर ठूलमाया एकछिनसम्म रोकिएर बोल्नु भयो, ‘किन नपाउनु छिमेकी नातिले बोलाएर आएको, कति पटक भोट हालिसकेँ, अहिले किन नपाउनु ?’ 

स्वयम सेवकहरु सम्झाउन थाले, ‘तपाईंको कार्ड भेटिएन आमा, नाम लेख्दा छुटेको होला, अब मिल्दैन भोट हाल्न ।’ काभ्रे धुलिखेल पुख्र्यौली घर भएकी ठूलमाया काठमाडौं धापासीमा बस्न थालेको कति भयो ठ्याक्कै उहाँलाई पनि थाहा छैन । उहाँ धापासी बस्न थाल्दा वरपर ५/६ घरमात्र थिए, अहिले घरले भरिएका छन् । यसअघिका चुनावमा पनि यहीँबाट उहाँले भोट हाल्नुभएको हो । तर यसपटक मतदाता परिचय पत्र भेटिएन । ‘लौ अब हाल्न पाउँदैन भने म किन बस्नु ? गएँ त, नाति छोराहरुले हाल्छ मैले नै किन हाल्नुपर्यो र हैन ?’ ९० वर्षकी ठूलमायाले भोट हाल्न पाइनन् तर नाति छोराहरुले भोट हाल्न पाएकोमा खुशी हुँदै फर्कनुभयो । 

 

प्रतिक्रिया दिनुहोस

सम्बन्धित सामग्रीहरु

  • प्रहरीका सई वडाध्यक्षका उम्मेदवार

    तेह्रथुम, असार ८ – तेह्रथुममा प्रहरी नायव निरीक्षक रामबहादुर खड्काले जागिर छाडेर वडाध्यक्षमा उम्मेदवारी दिनुभएको छ ।

  • बाबु छोरा नै स्वतन्त्र उम्मेदवार

    ओखलढुंगा, असार ८ – ओखलढुंगाको माने भन्ज्याङ गाउँपालिकामा बाबु छोरा नै स्वतन्त्र उम्मेदवार बनेका छन् । माने भन्ज्याङ गाउँपालिका-४ का पर्वलाल तामाङ गाउँपालिका प्रमुखका उम्मेदवार बन्नुभएको छ । छोरा मोहनकुमार तामाङ वडा अध्यक्षको उम्मेदवार बन्नुभएको छ ।

  • ओलीले झापा पुगेर भने – खोलाले बिगार गर्‍यो, खोलो गाउँ पस्यो भने मलाई सम्पर्क गर्नुहोला

    झापा, असार ८ – एमाले अध्यक्ष तथा पूर्व प्रधानमन्त्री केपी ओलीले देश विकासको काम एमाले बाहेक कसैले पनि गर्न नसक्ने बताउनुभएको । बिहीबार झापाको गौरादहमा आयोजित चुनावी सभामा बोल्दै अध्यक्ष ओलीले एमालेले नागरिकमा विकासको आशा जगाएको दाबी गर्नुभयो ।

  • टीकापुर वडा नं ७ मा नयाँ शक्तिबाट सबै महिला उम्मेदवार

    कैलाली, असार ८ – नयाँ शक्ति नेपालले स्थानीय तह चुनावका लागि टीकापुर नगरपालिकाको एउटै वडामा महिला उम्मेदवार मात्रै खडा गरेको छ । संघीय समाजवादी फोरमसँग तालमेल गरेको नयाँ शक्तिले वडा नं ७ मा उपप्रमुख पदसहित बाँकी सबैमा महिलालाई उम्मेदवार बनाएको निर्वाचन अधिकृत मनप्रसाद रेग्मीले जानकारी गराउनुभयो ।

  • नेपालगञ्ज चुनावको फैसला ‘कत्लको रात !’ फेरिएला पुरानो शैली ?

    नेपालगञ्ज, असार ८ – बाँकेका ८ वटा स्थानीय तहमध्ये सबै राजनीतिक दलको ध्यान नेपालगञ्ज उपमहानगरपालिकामा केन्द्रित छ । नेपालगञ्ज उपमहानगरपालिकामा मेयरमा १६ र उपमेयरमा १० जनाको उम्मेदवारी परेको छ ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया