MENU

खेल

Ncell Axiata
sagun

बार्सिलोनाको शानदार जित, नेइमारको ह्याट्रिक

जेठ १ – स्पेनिस ला लिगा फुटबलको उपाधि होड लिगको अन्तिम तिर आइपुग्दा थप रोमाञ्चक बनेको छ । लिग अन्तर्गत आइतबार राति भएका खेलमा शीर्ष स्थानका बार्सिलोना र रियल मड्रिड दुवैले प्रभावशाली जित दर्ता गरेपछि उपाधि होड थप रोमाञ्चक बनेको हो । बार्सिलोनाले अवे मैदानमा भएको खेलमा लास पालमसलाई ४–१ ले हरायो । बार्सिलोनको जितमा नेइमारले तीन तथा लुइस स्वारेजले एक गोल गरे । लास पालमसका लागि बिग्यासले एक गोल फर्काए । नेइमारले २५ औं मिनेटमा गोल गर्दै बार्सिलोनालाई अग्रता दिलाए । त्यसको दुई मिनेटपछि स्वारेजले गोल गर्दै पहिलो हाफमा बार्सिलोनालाई २–० को अग्रता दिलाए । बार्सिलोनाले दोस्रो हाफमा थप दुई गोल गर्‍यो । ६३ औं मिनेटमा लास पालमसका लागि बिग्यासले गोल फर्काए । तर नेइमारले ६७ र ७१ औं मिनेटमा गोल गर्दै ह्याट्रिक पूरा गरेपछि बार्सिलोना ४–१ ले विजयी भयो । जितपछि शीर्ष स्थानको बार्सिलोनाको लिगको एक खेल बाँकी हुँदा ८७ अंक भएको छ । यस्तै दुई खेल बाँकी रहेको रियलको पनि समान ८७ अंक नै छ । गोल अन्तरका आधारमा रियल दोस्रो स्थानमा छ । राति भएका अरु खेलमा एलाभेसले सेल्टा डी भिगोलाई ३–१ तथा स्पोर्टिङ गिजोनले एइबरलाई १–० ले हरायो ।

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया