MENU

राजनीति

Ncell Axiata
NIC Asia

वडा अध्यक्षलाई चिन्ता : सेवा प्रवाह कहाँबाट गर्ने ?

रसुवा, जेठ ५ – वैशाख ३१ गते भएको पहिलो चरणको स्थानीय तहको चुनावमा विजय भएका रसुवाका वडा अध्यक्षले आफ्नै कार्यालयबाट सेवा प्रवाह गर्न नपाउने भएका छन् । 

भूकम्पले भत्किएका नीजि तथा सरकारी संरचनाहरु पुनर्निर्माण भइनसकेको कारण जिल्लाका १६ वटा वडा कार्यालयले सेवा प्रवाह गर्न समस्या आउने भएको हो । 

गाउँपालिकाको कार्यालय साविकको गाविस भवनमा राखिए पनि वडाका लागि भने आवश्यक संरचनाको अभावमा कहाँ राख्ने भन्नेमा अन्योल देखिएको छ । 

नयाँ व्यवस्था अनुसार जिल्लामा कायम गरिएको २७ वटा वडामध्ये ११ वटा वडाको मात्र आफ्नै कार्यालय हुने जिल्ला समन्वय समिति रसुवाले जनाएको छ । 

वडा कार्यालय भएको ठाउँमा धमाधम सपथ ग्रहण तथा कार्यालय सञ्चालन सुरु भैसके पनि कार्यालय नभएको ठाउँमा भने कार्यालय स्थापनाका लागि कार्य अघि बढेको छ । 

यसअघि भाडामा बसेका तथा भएका संरचना पनि भूकम्पले भत्किएपछि नयाँ बनेका वडालाई कार्यालय स्थापना गर्न नै समस्या लाग्ने भएको छ । 

खासगरी वडाबाट सहभागितामूलक योजना तर्जुमा, तथ्याङ्क अद्यावधि, विकासका कार्य, सिफारिस र प्रमाणीकरण, स्थानीय न्यूनतम दररेट निर्धारण, उपभोक्ता समिति  निर्माण र परिचालन लगायतका काम वडाले गर्नुपर्ने भएपनि कार्यालय नहुँदा कसरी सेवा प्रवाह गर्ने भन्ने वडा अध्यक्षहरु अन्योलमा परेका छन् ।   

आइतबार भएकोे चुनावमा रसुवाका २७ जना वडा अध्यक्षमा विजयी भएका छन् । नेकपा एमालेको १२, नेपाली कांग्रेसको ७, नयाँ शक्ति पार्टीको ५ र नेकपा माओवादी केन्द्रका ३ जना वडा अध्यक्षमा चुनिएका छन् । 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया