MENU

राजनीति

Ncell Axiata
USAID

सूर्यविनायक ५ मा एमाले, ६ मा कांग्रेस, भक्तपुर ९ मा नेमकिपा विजयी

भक्तपुर, जेठ ५ – भक्तपुरको सूर्यविनायक नगरपालिका वडा नं. ५  को वडा अध्यक्ष सहित प्यानल नै एमालेका उम्मेदवार विजयी भएको छ । भर्खरै सार्वजनिक मत परिणाम अनुसार एमालेका वडा अध्यक्षका उम्मेदवार राजकुमार जोशीले १ हजार ४८० मत प्राप्त गरि विजयी हुनु भएको हो । उहाँका निकटतम प्रतिद्धन्द्धी नेपाली काँग्रेसका उम्मेदवार बालकृष्ण थापाले ८४६ प्राप्त गर्नुभएको छ । 

त्यसैगरि महिला सदस्यमा कमला पोखरेल सुवेदी, दलित महिला सदस्यमा गीता बिसुङ्खे, सदस्यमा मनोज थापा र वासुदेव पोखरले विजयी हुनुभएको छ । सूर्यविनायक नगरपालिकामा वडा नं. ६ को वडा अध्यक्षमा नेपाली काँग्रेसका रामेश्वर ध्वजू विजयी हुनु भएको छ । ध्वजूले ४९२ मत प्राप्त गर्नुभएको छभने एमालेका निकटतम प्रतिद्धन्द्धी कृष्णगोपाल त्वायनाले २३४ मत प्राप्त गर्नुभएको छ । 

विजयी हुने सदस्यहरुमा नेपाली काँग्रेसका तर्फबाट महिला सदस्य रमा गौतम, दलित महिला सदस्य सरला विक, सदस्य राजेन्द्र त्वाती विजयी हुनु भएको छभने अर्को सदस्यमा भने एमालेका उम्मेदवार सुदाम केसी विजयी हुनु भएको छ ।

यता भक्तपुर नगरपालिका वडा नं. ९ मा नेपाल मजदूर किसान पार्टीको प्यानल विजयी भएको छ । नेमकिपाका रविन्द्र ज्याख्यले ३ हजार ३६५ मत प्राप्त गरी विजयी हुनु भएको छ भने उहाँका प्रतिद्वन्द्वी एमालेका रविन्द्र लाछिमस्युले ६९२ मत र काँग्रेसका किरण प्रजापतिले ५३१ मत प्राप्त गर्नुभएको छ । महिला सदस्य छोरी मैंया ह्यौमिखा, खुला सदस्यद्वयमा जितेन्द्र मुंनकर्मी र ज्ञान कुमार मगजु विजयी भएका छन् ।

प्रतिक्रिया दिनुहोस

सम्बन्धित सामग्रीहरु

  • चुनावको सबै तयारी पूरा, मतदानमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने चुनावमा मतदान गर्न मतदातालाई अनुरोध गरेको छ । आयोगले मंगलबार पत्रकार सम्मेलन गरी प्रदेश नम्बर १, ५ र ७ का मतदाताका लागि बुधबारको दिन आफ्नो अधिकार उपयोग गर्ने अवसर पनि भएकाले सबैलाई मतदान गरी आफ्ना प्रतिनिधि चयन गर्न आग्रह गरेको हो ।

  • तेह्रथुममा बम पड्कियो

    तेह्रथुम, १३ असार – तेह्रथुमको लालीगुराँस नगरपालिका–५, दाँगपा स्थित सिंहबाहिनी मावि मतदान केन्द्र नजिकै मंगलबार बम पड्किएको छ ।

  • ​जहाँ वडाअध्यक्ष नै जथाभावी फोहोर फ्याँक्छन्

    केही दिनअघि एक बिहान । ललितपुर महानगरपालिकाको वडा नम्बर ५ को एक टोल । भर्खरै सटर खोलेर धुपध्वाँर गरिमात्र सकेको पसल । दिनभरि धेरै सामान बेचौला र नाफा कमाउँला भन्ने सोचिरहेका पसले । अचानक पसलकै सामुन्ने फोहोरको पोको देखिन्छ ।

  • गोपीनाथ मैनालीलाई नैतिक अनुशासनभित्र राख्ने वातावरण बनाउन निर्वाचन आयोगको आग्रह

    काठमाडौं, असार १३ – निर्वाचन आयोगले आयोगका पूर्व सचिव गोपीनाथ मैनालीलाई व्यावसायिक तथा नैतिक अनुशासनभित्र राख्ने वातावरण सिर्जना गर्न सरकार समक्ष आग्रह गरेको छ ।

  • एक दिन दुःख सहेर भएपनि चुनावमा सहभागी हुन आयोगको आग्रह

    काठमाडौं, असार १३ – निर्वाचन आयोगले बुधबार हुने स्थानीय तहको दोस्रो चरणको चुनावमा मतदान गर्न आग्रह गरेको छ । विशेष पत्रकार सम्मेलनमार्फत आयोगले प्रदेश नम्बर १, ५ र ७ मा बुधबार हुने चुनावको तयारी पूरा भएको जानकारी दिँदै मतदातालाई भोट खसाल्न आग्रह गरेको हो ।

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया