MENU

राजनीति

Ncell Axiata

भक्तपुर नगरपालिका मेयरमा १९ हजार बढी मतले नेमकिपा विजयी

भक्तपुर, जेठ ६ – भक्तपुर नगरपालिकाको मेयरमा नेपाल मजदूर किसान पार्टीका उम्मेदवार सुनिल प्रजापति ठूलो मतको अन्तरले विजयी हुनु भएको छ ।

शुक्रबार राति सार्वजनिक भएको मतपरिणाम अनुसार २५ हजार ५ सय ६८ मत प्राप्त गर्दै सुनिल प्रजापति मेयरमा विजयी हुनु भएको हो ।

उहाँको निकटतम प्रतिद्वन्द्वी नेपाली कांग्रेसका उम्मेदवार रामप्रसाद कासुलाले ६ हजार ५ सय ३२ र एमालेका विष्णु सुवालले ४ हजार २ सय १० मत प्राप्त गर्नुभएको थियो ।

त्यसैगरि उपप्रमुख तर्फ नेमकिपा कै उम्मेदवार रजनी जोशीले २५ हजार ६ सय ५८ मत प्राप्त गर्दै अत्याधिक बहुमतले विजयी हासिल गर्नुभएको छ । 

जोशीको निकटतम प्रतिद्वन्द्वी नेपाली कांग्रेसकी उम्मेदवार गंगालक्ष्मी अवालले ६ हजार ५ सय ६० मत र एमालेकी उम्मेदवार कृष्णमाया त्वायनावासुले ६ हजार ५ सय ८७ मत प्राप्त गर्नुभएको थियो । 

विगतमा नेपाल मजदूर किसान पार्टीका केन्द्रीय सचिव, सांसद हुदै प्रजापति अहिले भक्तपुर नगरपालिकाको नगर प्रमुखमा विजयी हुनु भएको छ । ख्पव ईन्जिनियरिङ्ग कलेजको उपप्राचार्य पदबाट राजीनामा दिएर आउनु भएकी जोशी उपप्रमुख हुनुभएको छ । 

त्यसैगरि भक्तपुर नगरपालिकाको वडा नं. १० मा नेमकिपाका लक्ष्मीप्रसाद ह्योमिखाले २ हजार ११३ मत प्राप्त गरि विजयी हुनु भएको छ । उहाँको निकटतम प्रतिद्वन्द्वी नेपाली काँग्रेसका कृष्णकुमार सुवालले ४३२ र नेकपा एमालेका पूण्यराम घटुवले ३५० मत प्राप्त गर्नुभएको थियो ।  

नेमकिपाबाट वडाको महिला सदस्यमा २०४६ सालको जनआन्दोलनको सहिद पुष्परत्न शाक्यकका श्रीमति विजयलक्ष्मी शाक्य, सदस्यहरुमा ज्ञानकुमार मगजू र जितेन्द्र मुनकर्मी विजयी हुनु भएको छ । 

भक्तपुर नगरपालिकामा १० वटै वडामा नेपाल मजदूर किसान पार्टीले विजयी हासिल गरेको छ । कूल ५२ हजार ९३० मतदाता संख्या रहेको यस नगरपालिकामा ४४ हजार १८६ मत खसेको थियो । 

 

प्रतिक्रिया दिनुहोस

सम्बन्धित सामग्रीहरु

  • एक एक मतको कदर हुनुपर्छ : प्रधानमन्त्री

    प्रधानमन्त्री शेरबहादुर देउवाले नागरिकको मत बदर नहुनेगरी मतदान प्रक्रियामा सुधार गरेर प्रतिनिधिसभा र प्रदेशसभाको निर्वाचनको तयारी थाल्न निर्वाचन आयोगका पदाधिकारीलाई आग्रह गर्नुभएको छ ।

  • मन्त्रीलाई बधाइ दिन जानेको भीडले सिंहदरबारमा कोलाहल

    मन्त्रीहरुलाई बधाइ तथा शुभकामना दिन जानेको भीडले बिहीबार दिनभर सिंहदरबार भरिभराउ भएको छ । प्रधानमन्त्री शेरबहादुर देउवाले बुधबार १९ जना मन्त्री थपेसँगै नवनियुक्त मन्त्रीहरुलाई बधाइ तथा शुभकामान दिन पुगेका पार्टीका कार्यकर्ता, शुभेच्छुकले सिंहदरबार भरिएको हो ।

  • आज पनि भएन भरतपुरको फैसला, हेर्दा हेर्दैमा राखियो

    काठमाडौं, साउन १२ – भरतपुर महानगरपालिकाको वडा नम्बर १९ मा पुनः मतदान गर्ने कि नगर्ने भन्नेबारेमा सर्वोच्च अदालतले बिहीबार पनि फैसला गर्न सकेन ।

  • डा. केसीको माग सम्बोधन गर्न समिति गठन

    काठमाडौं, साउन १२ – सरकारले अनसनरत डा. गोविन्द केसीका माग सम्बोधनका लागि शिक्षा सचिव शान्त बहादुर श्रेष्ठको संयोजकत्वमा तीन सदस्यीय वार्ता समिति गठन गरेको छ ।

  • झोलामा खोला बोकेर हिँड्ने दलाललाई कारबाही हुन्छ : उर्जामन्त्री

    नवनियुक्त उर्जामन्त्री महेन्द्र बहादुर शाहीले झोलामा खोला बोकेर हिँड्ने तर काम नगर्ने दलालीहरुलाई कारबाही गर्ने चेतावनी दिनुभएको छ । विद्युत भनेको नै आर्थिक क्षेत्रमा कायापलट गर्ने क्षेत्र भएकोले यसको विकासमा आफूले विशेष जोड दिने उहाँको योजना छ ।

सबै हेर्नुहोस
Job Vacancy
पछिल्ला समाचारहरु

सोसल मिडिया