MENU

अर्थ

Ncell Axiata

रसुवाको मैलुङखोला जलविद्युतले आजदेखि साधारण शेयर दिँदै

रसुवा, जेठ १७ – रसुवाको डाँडागाउँमा रहेको मैलुङखोला जलविद्युत कम्पनी लिमिटेडले बुधबारदेखि जिल्लाका बासिन्दाका लागि प्राथमिक शेयर अर्थात आइपीओ निष्काशन गर्ने भएको छ । 

प्रभावित क्षेत्र र आयोजना निर्माण भएको रसुवाका सर्वसाधारणको लागि आइपीओ निष्काशन गर्न लागेको हो । 

कम्पनीले बितरण गर्ने ११ करोड ४३ लाख कित्ता सेयर मध्ये पहिलो चरणमा रसुवाका बासिन्दालाई तीन लाख ६८ हजार १४४ कित्ता सेयर बितरण गरिन लागिएको कम्पनीका प्रबन्धक बसन्त मरहठ्ठाले जानकारी दिनुभयो । 

पहिलो चरणमा स्थानीय बासिन्दाका लागि प्रति शेयर १०० रुपैयाँमा तीन लाख ६८ हजार १४४ कित्ता शेयरमध्ये आयोजना प्रभाबित क्षेत्र साविकका हाकु, डाडागाउँ र राम्चे गाविसका प्रभावितलाई एक लाख ८४ हजार ७२ कित्ता र बाँकी एक लाख ८४ हजार ७२ कित्ता सेयर जिल्लाका बासिन्दालाई बितरण गर्न लागिएको कम्पनीका प्रबन्धक बसन्त मरहठ्ठाले जानकारी दिनुभयो । 

ऋण काढेर शेयर खरिद

रसुवाका नागरिकका लागि भनेर चिलिमे जलविद्युत कम्पनीले पहिलो पटक २०६६ सालमा आइपियो जारी गरेको थियो । 

जिल्लाका बासिन्दाका लागि १० प्रतिशत शेयर अनिवार्य दिने व्यवस्था त्यहि बेलादेखि सुरु भएको हो । सुरुवातमा आइपीयो जारी गर्दा पैसा हराउँछ, शेयरमा लगानी गरेर फाइदा हुँदैन भनेर हल्ला भएपछि धेरैजनाले शेयर खरिद गरेनन् । 

तर जतिले शेयर खरिद गरे उनिहरु हिजोआज सामान्य कृषकबाट व्यवसायी बनेका छन् । त्यतिखेर पनि ऋण काढेर शेयर भर्ने धेरै नागारिक थिए । शेयर निस्काशनको समयमा जनता बैंकले लोनमा शेयर खरिद गर्ने व्यवस्था गरिदिएपछि ऋणमा शेयर भर्ने धेरै भएका हुन् । 

अहिले पनि सबै नागारिकसँग शेयरमा लगानी गर्नसक्ने अवस्था छैन् । त्यसकारण पनि ऋण काढ्ने तयारीमा छन् । पार्वतीकुण्ड गाउँपालिका–१ का बलराम विकले १५ हजार रुपैयाँ ऋण काढेर चिलिमेको शेयर खरिद गर्नुभएको थियो । अहिले विकको २६० किस्ता शेयर पुगेको छ । ‘अहिले एक जना वरावर एक सय किस्ता भर्ने र सो भन्दा बढि सेयर खरिद गर्न पाएमा ऋण काढेरै भएपनि एक जना वरावर ५०० किस्ता सम्म भर्ने योजना रहेको विकले सुनाउनुभयो । 

घर बनाउन दिएको किस्ता शेयरमा 

भूकम्पले भत्किएका निजी आवास निर्माणका लागि सरकारले उपलव्ध गराएको पहिलो किस्ता ५० हजार धेरैले दशैँ खर्चमा सकाए । अहिले किस्ता बुझेकामध्ये १० प्रतिशतले मात्र घर निमार्ण थालेका छन् । घर नवनाएर बैंकमा जम्मा गरेर राखेको रकम अव शेयरमा हाल्ने तयारीमा भूकम्प प्रभावित रहेका छन् । घर वनाउन सुरु नगरेका प्रभावितमध्ये धैरेले शेयरमा लगानी गर्ने सोचका साथ अघि बढेका छन् । 

बैंक र प्रशासनमा भिड

शेयर खरिदका लागि जिल्ला प्रशसन कार्यालयमा नागरिकता बनाउने र बैंकमा खाता खोल्नेको भिड लागेको छ । दैनिक १०/१५ जना सेवाग्राही पुग्ने प्रशासनमा एक सातादेखि सेवाग्राहीको भिड लागेको छ । मंगलबार मात्र ९५ जनाले नागरिकता वनाएका प्रमुख जिल्ला अधिकारी चोमेन्द्र न्यौपानेले वताउनुभयो । साथै जिल्लामा सञ्चालित निजी बैैंक तथा वित्तिय संस्थामा खाता खोल्नेको भिड लागेको छ । 

 

प्रतिक्रिया दिनुहोस

सम्बन्धित सामग्रीहरु

  • शेयरमा लगानी गर्न चाहनेलाई जानकारी दिन सफ्टवेयर

    काठमाडौं, असोज ३१ – शेयरमा लगानी गर्न चाहनेलाई सत्यतथ्य जानकारी दिने उद्देश्यले डेटा एनालिटिक्स सफ्टवेयर सार्वजनिक भएको छ ।

  • नेप्से आज झण्डै ६ अंकले घट्यो

    काठमाडौं, असोज ३१ – शेयर बजार परिसूचक नेप्से मंगलबार झण्डै ६ अंकले घटेको छ । सोमबार ४७ अंकभन्दा धेरैले बढेको नेप्से मंगलबार ५ दमशमलव ६२ अंकले घटेर १३ सय ५९ दशमलव १८ अंकमा झरेको हो ।

  • सटही व्यापारको चलन कायमै

    धनगढी, असोज ३१ – नेपालका कतिपय गाउँबस्तीमा एक वस्तुसँग अर्को बस्तु साटासाट गरी आफ्नो आवश्यकता पूरा गर्ने पुरानो परम्परा अझै कायम रहेको छ ।

  • सुनचाँदीको कारोबार उत्साहजनक छैनः व्यवसायी

    काठमाडौं, असोज ३१ – तिहार सुरु भएपनि यो वर्ष सुनचाँदीको कारोबार उत्साहजनक नभएको व्यवसायीले बताएका छन् । गएका वर्षहरुमा तिहार सुरु हुनु एक हप्ताअघि दैनिक ४० देखि ४५ किलोसम्म सुनको कारोबार हुने गरेको सुन यो वर्ष दैनिक ३५ किलोसम्म मात्र कारोबार भैरहेको नेपाल सुनचाँदी व्यवसायी महासंघका पूर्व अध्यक्ष तेजरत्न शाक्यले बताउनुभयो ।

  • ​मंगलबार रियाल, दिर्हाम र रिंगिटको मूल्य कमजोर

    काठमाडौं, असोज ३१ – नेपाल राष्ट्र बैंकले आज तोकेको विनिमय दर अनुसार एक साउदी रियालको खरिददर २७ रुपैयाँ ५४ पैसा र विक्रिदर २७ रुपैयाँ ७० पैसा रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया