MENU

विज्ञान प्रविधि

Ncell Axiata
NIC Asia

रिपिटर स्टेशनमा महिनै पिच्छे चट्याङ पर्दा हुम्ला र मुगुका टेलिकम सेवाग्राहीलाई सास्ती

मुगु, जेठ १७ – नेपाल टेलिकमको जुम्लाको डाँफेमा रहेको मोबाइल रिपिटर स्टेशनमा महिनै पिच्छे चट्याङ परेर सेवा अवरुद्ध हुँदा कर्णालीको मुगु र हुम्लाका सेवाग्राही मारमा परेका छन् । 

गएको १२ गते स्टेशनमा परेको चट्याङका कारण अवरुद्ध सेवा अहिलेसम्म सुरु हुन सकेको छैन । नेपालगञ्जदेखि कर्णालीको हुम्ला र मुगुसम्म नेटवर्क पुर्‍याउनका लागि राखिएका ९ वटा स्टेशन मध्ये सबैभन्दा अग्लो ४ हजार दुई सय मिटर उचाईमा रहेको सो रिपिटर स्टेशनमा एक वर्षको बिचमा ५ पटक चट्याङ पर्दा रेडियो मेशिनमा खरावी आई सेवा अवरुद्ध हुन पुगेको नेपाल टेलिकम मुगुका शाखा प्रमुख कमप्रसाद केसीले बताउनुभयो । ‘चट्याङका कारण रिपिटर स्टेशनमा खराबी आउँदा हुम्ला र मुगुका सेवाग्राही धेरै पटक सञ्चार बिहीन हुन परेको छ’ केसीले भन्नुभयो, ‘स्टेशन भएको ठाउँ धेरै उचाईमा भएका कारण त्यहाँ ढुङ्गा मात्रै भएकाले टेलिकमले अपनाएको दुई गुणाको सर्तकता उपलब्धिमुलक हुन सकिरहेको छैन ।’

सो रिपिटर स्टेशनमा नेपाल टेलिकमले राख्नुपर्ने भन्दा दुई गुणा अर्थिङ बढि राखेर शर्तकता अपनाएको भए पनि डाफेँलेक क्षेत्रमा माटोभन्दा ढुङ्गा धेरै भएकाले अर्थिङले प्रभावकारी काम गर्न सकिरहेको छैन । सेवा अवरुद्ध हुँदा टेलिकमका सबै सेवाहरु सञ्चालनमा छैनन् । गएको १२ गते परेको चट्याङका कारण रिपिटर स्टेशनमा रहेका ६ वटा रेडियो मेशिन बिग्रिएको थियो भने मगंलबार सामान ल्याईसेवा सुरु गर्न काम सुचारु भईसकेको छ ।

रिपिटर स्टेशन भएको ठाउँमा लगातार परिरहेको पानीका कारण काम गर्न कठिनाई भईरहेको जानकारी प्राप्त भएको टेलिकम मुगुले जनाएको छ । अन्यत्र सेवा अवरुद्ध भएको भए पनि कर्णालीकै प्रमुख पर्यटकीय स्थल मुगुको रारा ताल वरपर भने स्याटेलाईटबाट खिचिएको नेटवर्कका कारण सेवा सुचारु नै छ ।  

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया