MENU

विचार/अनुभूति

दूध किन पिउने ?

डा. दिपेन्द्र कार्की–

दूधमा शरीरलाई चाहिने प्रोटिन, सन्तुलित रुपमा ल्याक्टोज् अर्थात ग्लूकोज हुन्छ । शरीर वृद्धि विकासमा अति आवश्यक प्रोटिनको मात्रा दूधबाट पाइने हुनाले दिनहुँ पिउनु स्वास्थ्यका लागि लाभदायक छ ।

यसले शरीरलाई शक्ति दिन्छ । दूधमा भिटामिन बी–१२ पनि पाइन्छ । जसले नसा सम्बन्धी रोगको प्रतिरोधात्मक काम गर्छ । प्रोटिन, ग्लूकोजसँगै दूधले शरीरमा पानीको मात्रा बढाउने काम पनि गर्छ ।

दूधले फाइदा मात्रै गर्दैन

दूध स्वास्थ्यका लागि फाइदाजनक भएपनि सबैलाई राम्रो गर्छ भन्ने हुँदैन । दूध आफैमा नराम्रो भन्ने हुँदैन तर जसलाई ल्याक्टो इनटोलोरेन्स अर्थात ग्लुकोज पचाउन नसक्ने समस्या छ, उनीहरुलाई पेट ढाडिने, अपच हुने, गनाउने डकार आउने हुन सक्छ । यस्तै ग्यास्ट्रिकको समस्या छ भने पनि दूुधको चियाले, दूधले ग्याष्ट्रिक बल्झाउने गर्छ । 

दीर्घ रोगहरु जस्तै मधुमेह, उच्च रक्तचाप भएका बिरामीले दूध पिउनु उपयुक्त हुँदैन । यसले कोलेस्ट्रोलको मात्रा बढाउन सक्छ । काँचो दूध पिउँदा गाईवस्तुमा लागेको रोग प्रत्यक्ष लाग्न सक्छ । 

दूध कसरी पिउने ? 

दूध सधैँ उमालेर पिउनु पर्छ । यसले दूधमा रहेका किटाणुहरुलाई नष्ट गर्नुका साथै दूधमा भएको चिल्लो पदार्थलाई तरको रुपमा विकास गरिदिन्छ । दूध पिउँदा तरलाई हटाएर पिउनुपर्छ । 

भिटामिन बी–१२ भन्ने तत्व जनावर र जनावरबाट बन्ने खानेकुरामा मात्र पाइन्छ । त्यसैले जसले मासु खाँदैन, दूधबाट यो तत्व प्राप्त गर्न सकिन्छ । सकेसम्म बिहानको खाना र बेलुका सुत्ने समयमा दूध पिउँदा धेरै राम्रो हुन्छ ।

(बि एण्ड बि अस्पतालका जेनरल फिजिसियन डाक्टर दिपेन्द्र कार्कीसँग सुजाता खत्रीले गरेको कुराकानीमा आधारित)

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया