MENU

विचार/अनुभूति

रञ्जु दर्शनालाई खुला पत्र - खेल हारे पनि म्यान अफ द म्याच भयौ

सरोज पौडेल -

आत्मिय बहिनी रञ्जु दर्शना, 

सर्वप्रथम त तिमी र तिम्रो शाहसला सम्मान छ । काम कम कुरा बढी गर्नेहरुको शहर काठमाडौं महानगरपालिकाको मेयर पदमा उम्मेदवारी दिने आँट गर्यौ । रिटायर्ड लाइफमा पेन्सन खाँदै समाजसेवाको नाममा राजनीति गर्नेहरुको भिडमा तिमी एक्लो वृहस्पति थियौ जसले युवाको प्रतिनिधित्व गर्न सकोस् । 

मत परिणामाको नतिजा सार्वजानिक हुन थाल्दा तिमी त यसरी विजयी भयौ नि तिमीले अन्तिम मत परिणाम कुर्नुपर्ने जरुरी नै देखिएन । प्राविधिक रुपमा तिमीले चुनाव त जितेनौ तर पनि हाम्रो मन जितेकी छौ । तिमीले पुष्टि गरिदियौ की चुनाव जित्नुभन्दा ठूलो कुरा भनेको मन जित्नु रहेछ, जुन मन तिमीले जितेकी छौ । 

रञ्जु, आफूसँगको विजेता प्रतिस्पर्धिलाई माला लगाइदिन ठूलो मन, आट र मुटु पनि चाहिन्छ । नैतिकता हराएको यो शहरमा तिमीले देखाएको नैतिकता, आट र शाहस आउने युवापुस्ताको लागि प्रेरणा बन्नेछ । मैले माथी पनि भनिसकँे निर्वाचनमा तिमी प्राविधिक रुपमा विजयी नभए पनि यो चुनावको तिमी ‘म्यान अफ दि म्याच’ हौ । रञ्जु तिमीले नसम्झनु चुनावमा परिणाम सार्वजानिक भएपछि मेरो भूमिका सकियो, तर अब तिम्रो भूमिका सुरु भएको छ । 

तिमी अब आज भन्दा २ महिना अघिको एउटा सामान्य युवती मात्र रहेनौ । युवाको आशाको केन्द्र र  यो निर्वाचनमा तिमीले प्राप्त गरेको झण्डै २३ हजार मतको प्रतिनिधि पनि हौ ।  म्यान अफ द म्याच हुनुको नाताले निश्चय पनि तिमीले अब केही कामहरु गर्नुपर्नेछ । सवैभन्दा मुख्य कुरा त तिमीले झण्डै झण्डै तिमी जत्तिकै उमेर भएको पार्टी नेकपा माओवादी केन्द्रलाई लाृेकतन्त्र भनेको के हो त्यो बुझाउनुपर्ने छ माओवादी पार्टीबाट भरतपुरमा मेयरको पदमा उम्मेदवारी दिएकी उमेरले तिम्री दिदी रेणु दाहाललाई चुनावमा प्रतिस्पर्धिको भूमिका के हुन्छ भन्ने वारेमा अलिकति बताइदिनुपर्नेछ । तिमी भन्दा उमेरले झण्डै ४५ वर्ष जेठो कांग्रेस र तिम्रै उमेर हाराहारीको  माओवादीलाई लोकतन्त्रमा प्रतिस्पर्धा भनेको के हो र हारजित हुँदा कसरी स्वीकार गर्ने भन्ने बारेमा तिमीले बुझाइदिनु पर्नेछ ।    

त्यतिमात्रै होइन रञ्जु, विकास निर्माणको सवालमा पनि तिमीले अब महत्वपूर्ण भूमिका खेल्नुपर्ने छ । केपि ओलीको मात्र सपना होइन काठमाडौंमा मोनोरेल गुड्ने कुरा, खाडीमा पसिना बगाइरहेका हजारौँ युवाहरुको चाहाना पनि हो भन्ने कुरा पुष्टि गर्नुपर्नेछ । घरघरमा ग्यासपाइप जोडने कुरा हाम्रैपालामा सम्भव छ भन्ने कुरा देखाउनुपर्ने छ । सफा काठमाडौं, समृद्ध काठमाडौं तिम्रो पनि चाहाना हो भन्ने देखाउनु छ । गरिबहरुले  पनि निःशुल्क पढ्न पाउनेकुरामा तिम्रा भूमिकामा हुनेछन् । हावाबाट विजुलि निकाल्ने कुरालाई हावा मान्नेहरुलाई त्यहि हावाको विजुलीमा पकाएको खाना खाँदै आफ्नै स्याटेलाइटबाट इन्टरनेट चलाउने बनाइदिनु छ । विष्णुमती, वाग्मती लागायतका नदीको सफाइको कुरा होलान, खेल मैदानदेखि पार्क निर्माणसम्मका कुरा, शिक्षाका कुरा हुँदै स्वास्थ्यसम्मको कुरा होलान । काठमाडौंमा  निर्वाचित मेयरलाई विकास निर्माणमा साथ दिँदै तिम्रा योजनाहरुको कार्यान्वयन गराउने महत्वपूर्ण चरणमा तिमी प्रवेश गरेको छौ । 

अन्त्यमा, 
    तिमीले आफूलाई सुधार गर्नुपर्ने केही कुरा छन् । तिमी अब पहिलाको रञ्जु होइनौ, काठमाडौंका बासिन्दाले आशा गरेकी रञ्जु हौ, त्यसकारण तिमीले पहिले जस्तो अरु पार्टीका नेताहरुलाई सम्बोधन गर्ने शव्दमा सचेत हुनैपर्छ ।  अर्को कुरा नेपाली मिडियाहरुले हिजोआज कसैलाई रातारात सुपरहिट बनाइदिन्छन् र रातारात सडकमा पनि पुर्याइदिन्छन् । तिमी यस्ता कुराबाट पनि सचेत हुनुपर्ने छ । खुशीबाट नमात्तिनु, दुःखमा नआत्तिनु । नेपालको राजनीतिमा तिम्रो उपस्थितीले सकारात्मक गति लिन सकोस । केही समय अघि तरकारीेवालीको नाममा एक युवतीलाई रातारात हिट बनाइदिएजस्तै तिमीलाई पनि रातारात हिट बनाइएका छन् । तर तरकारीवाली गुमनाम भएजस्तै केही समय पछि गुमनाम नहुनु, चुनाव त फेरि फेरि पनि आउने नै छ । आउने चुनाव जित्ने गरि लाग्नु बाँकी जीवन सफलताको शुभकामना ।

 

Mitsubishi

प्रतिक्रिया दिनुहोस

सम्बन्धित सामग्रीहरु

  • सिन्डिकेट एक्सप्रेस : घोक्राएर खाँद्छ, उफार्दै लान्छ

    सिट मात्र भरिएर हुँदैन, टेक्ने र झुण्डिने ठाउँ समेत नभर्दासम्म गाडीवालाको चित्त बुझ्दैन । नत्र बस साहुको खल्ती भरिँदैन । सुरुमा रित्तै रहेको बस जसरी पनि बसवालाले भर्छ । केही लागेन भने घण्टौं पर्खाउँछ । वर आएर पनि फेरि पहिल्यैकै ठाउँमा फर्काउँछ । बोकेर, उचालेर, झ्याँकुटी पारेर, लोभ्याएर, फकाएर जसरी पनि मान्छे खाँद्छ ।

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

सबै हेर्नुहोस
Skill Training
पछिल्ला समाचारहरु

सोसल मिडिया