MENU

विचार/अनुभूति

महिला र पुरुष गाडीको सिटमा सँगै बस्न किन डराउँछन् ?

रामकुमार थापा – 

सँगै यात्रा गर्ने क्रममा तपाईंलाई पनि यस्तो समस्या परेको होला । तर तपाईंले अहिलेसम्म पनि कसैलाई भन्नुभएको छैन होला । सुन्दा र देख्दा सामान्य लाग्ने ती कुराहरु निकै जटिल हुन्छन् ।

यात्राका क्रममा विभिन्न अनुभव हुन्छन् । ती अनुभवले धेरै कुराहरु सिकाईरहेको हुन्छन् । काउन्टरबाट टिकट काट्नुभएको छ भने त जुन सिटको टिकट काट्नु भएको छ त्यहि सिटमा बस्नुहुन्छ तर तपाईंले टिकट काट्नुभएको छैन भने तपाईंको मनमा पनि यी प्रश्नहरु तरङ्गीत हुन्छन् । 

तपाईंको मनमा यो स्तम्भकारले कस्तो कुरा लेखेको होला ? भन्ने पनि लाग्न सक्छ तर यस भित्रको मनोविज्ञान के छ त ? यसै विषय केही कुरा गर्दैछु ।  

महिला र पुरुष एउटै सिटमा बस्न किन डराउँछन ? तपाई एक पटक सोच्नुहोस त ? आफ्नो दिदीबहिनी, आमा, भान्जा, भान्जी लगायत आफन्त बाहेकको लागि मात्र हो । माथि भनिएका वा बाँकी आफन्तसँग हामी सहजै बस्छांै । तर अपरिचित व्यक्ति महिला वा पुरुष सँगै बस्न डराउँछन् वा मन पराउँदैनन् । 

तपाईं १८ देखि ४० वर्षसम्मको पुरुष हुनुहुन्छ र बसमा यात्रा गर्दै हुनुहुन्छ, बसको अगाडि भागमा महिला यात्रु छन् र सिट पनि खाली छ र पछाडिको सिट पूरै खाली छ भने तपाईं त्यहि महिला भएको सिटमा बस्नुहुन्छ कि बस्नुहुन्न ? यस्तै पुरुष बसको अगाडि सिटमा बसेका छन् र तपार्इं महिला हुनुहुन्छ भने के गर्नुहुन्छ ? तपाईंले पक्कै पनि सोच्नुभयो होला । बसको सिट प्याक भए त, खाली जहाँ छ त्यहिँ बस्नुहोला । यदी प्याक नभएको अवस्थामा चाँहि के गर्नुहुन्छ ? सबैमा यो कुरा लागु हुँदैन तर धेरै मात्रामा चाहिँ यो तथ्यसँग मेल खान्छ । 

किन सँगै सिटमा बस्न डराउँछन त महिला र पुरुष ?

१. नराम्रो सोच्छन् भनेर 

तपाईं पुरुष हुनुहन्छ र पछाडिको सिट खाली छ भने तपाईं पछाडिको सिटमा बस्नुहुन्छ । किनभने ती महिलाले राम्रो सोच्दिनन् भन्ने तपाईको मनमा डर हुन्छ । यदी महिला हुनुहुन्छ भने पनि तपार्इंले पनि सोच्ने कुरा चाहिँ पुरुषको जस्तै हो । अनि यो केटी त कस्ती रैछे भन्ने कुरा केटाको मनमा पर्छ भन्ने तपाईंलाई सोच आउँछ अनि बस्नुहुन्न । 

२‍‍. हतारको निर्णय 

तपाईं गाडी कुरेर बस्नुभएको छ या यात्रा गर्ने क्रममा हुनुहुन्छ भने तपाईंले धेरै कुरा सोच्नुहुन्छ । छोटो दूरीको यात्रा छ भने त ठिकै हो तर लामो दूरीको यात्रा गर्ने क्रममा हुनुहुन्छ भने तपाईंको सिटमा कस्तो मानिस आएर बस्नेहोला, उ पुरुष हो कि महिला हो । 

नराम्रो पर्‍यो भने के गर्ने, फोहोरी पो पर्छ कि, पान पराग खाने अथवा रक्सी खाएरपो बस्छ कि भन्ने कुरा तपाईंको मनमा खेल्छन् । तपार्इंलाई लाग्छ कि बसको ढोकाबाट पस्ने बित्तिकै अगाडि जुन खाली सिट छ त्यसमा बस्नुभयो भने केही समस्या हुँदैन ।

जब तपाईं खाली सिट छान्दै हिँड्नुभयो भने तपाईंको निर्णय हतार बन्न सक्छ । महिला अथवा पुरुष भएको सिटमा बसौं कि नबसौं भन्ने सोच आउँछ र तपार्इंको सोचाई पनि त्यस्तै हुन्छ । 

३. भलादमी हुँ भन्ने देखाउन  

तपाईं युवावस्थाको हुनुहुन्छ भने भलाद्मी बन्नका लागि पनि सँगै बस्नुहुन्न । सँगै बस्यो भने त कस्तो व्यवहार भएको मानिस हो भन्ने कुरा सिटमा बस्ने यात्रुलाई पर्छ नै भन्ने लागेर तपार्इंको भित्र सोच जे जस्तो भएपनि  बाहिरी व्यवहार राम्रो भएको देखाउनको लागि पनि तपाई सँगै बस्नुहुन्न । 

४. घमण्डीपना 

जब तपाईं बसमा चढ्नुहुन्छ महिला अथवा पुरुष भएपनि तपाईमा घमण्डपन भने पक्कै हुन्छ नै । यो सँगै किन बस्नुपर्‍यो ? महिला भनेको त महिला हो नि किन पुरुषसँग बस्नुपर्‍यो ? पुरुषको त व्यवहार ठिक हँुदैन त्यहीमाथि पनि सँगै बस्न पर्‍यो भने त झन समस्या हुन्छ भन्ने सोच आउँछ र उनीहरु सँगै बस्दैनन् । पुरुषहरुले पनि आफ्नो पुरुषत्व देखाईहाल्छन् । भित्री दिल खुशी भएपपनि उनीहरु मन चुकचुकाएर सँगै बस्दैनन् । 

५. कसैले देख्छ भनेर 

तपाईं यात्रा गर्दै हुनुहुन्छ र सिटमा विपरित लिङ्गी छन् भने तपाईंको मनमा एक खालको त्रास पैदा हुन्छ । यात्रा गर्ने क्रममा सँगै सिटमा बसेको कुरा आफ्नो परिवारको सदस्यलाई भन्देला वा थाहा पाउला भन्ने डर लाग्छ ।

अझै निदाएको बेलाको त्यो अवस्था देखे भने त झन बित्याँस पर्छ र समस्या हुन्छ भन्ने लाग्छ र सकेसम्म तपार्इं बस्नुहुन्न । केही गरी घरमा थाहा पाए भने केरकार सुरु हुन्छ कि भन्ने सोच आउँछ । 

६. अनावश्यक उत्तर दिनुपर्ने भएर  

बसमा सँगै बस्दा चिनजान भएपछि कुरा गर्न थाल्नुहुन्छ । कुरा गर्दा गर्दै नजिकपना हुन्छ नै । त्यही बेलामा तपाईंको चिनजानको मानिस पनि त्यही बसमा चढ्यो भने वा देख्यो भने उसले सोधिहाल्छ कि तिम्रो श्रीमती हो अथवा महिला भए तिम्रो श्रीमान हो भनेर सोध्छन् । यी अनावश्यक उत्तर दिनुभन्दा बेग्लै बस्दा नै आनन्द आउँछ भनेर पनि तपाईं सँगै बस्नुहुन्न । 

माथि उल्लेखीत बुँदाहरु तपाईंको मनोभावनामा आउनु स्वभाविक हो । तर पनि महिला र पुरुष सँगै बस्नु हुँदैन भन्ने हाम्रो मानसिकता आजैदेखि हटाउनुपर्छ । तपाईंको आफ्नै दिदीबहिनी तथा दाजुभाइ हो भन्ने सोच राख्नुभयो भने तपाईंका समस्या समाधान हुन्छन् ।

बसमा सँगै बस्ने नाममा हुने हिंसा र अश्लिल व्यवहार भने पटक्कै गर्नुहुँदैन । धेरै मानिसको यात्राको क्रममा भएको चिनजानले जीवनमा धेरै सफलता पाएका छन् । सहयोग पाएका छन् । त्यसैले सकारात्मक सोचका साथ तपाईंले सोच्नुभयो भने यी समस्या आउँदैनन् र तपाईंको यात्रा पनि सफल र आनन्दमय हुनेछ ।  

(रामकुमार थापा सुरक्षित आप्रवासन सामी परियोजना अन्तरगत चन्द्रज्योती एकीकृत ग्रामीण विकास समाज सिड्स धादिङमा मनोविमर्शकर्ताको रुपमा काम गर्नुहुन्छ ।)

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया