MENU

विज्ञान प्रविधि

Ncell Axiata

वैज्ञानिकले बनाए सधैँ युवा देखिने औषधी, छालाको क्यान्सर पनि रोक्ने

काठमाडौं, जेठ ३१ – वैज्ञानिकले घामको किरणका कारण हुने छालाको क्यान्सर रोक्न सक्ने औषधिको विकास गरेका छन् । वैज्ञानिकले छालाको बाहिरी भागमा घामको नकारात्मक किरणलाई रोक्न सक्ने प्राकृतिक तह निर्माण गर्ने औषधि बनाएका हुन् ।  

नयाँ औषधिले हानिकारक विकिरणलाई रोक्ने तथा छालामा उमेरको प्रभाव कम गरी मानिसलाई युवा देखाइ रहन सहयोग गर्ने अपेक्षा गरिएको छ । 

छालाको नमुना तथा मुसामा गरिएको परीक्षणमा नयाँ औषधिको राम्रो प्रभाव देखिएको अनुसन्धानमा संलग्न वैज्ञानिकले बताएका छन् । औषधि छालामा लगाएपछि घामबाट आएको प्रकाशसँग त्यसले रसायनिक प्रतिक्रिया गरी अल्ट्राभ्वाइलेट (युभी) रेडिएसनसहितका विकिरणलाई रोक्न सक्ने प्राकृतिक तह बनाउने अनुसन्धानमा संलग्न अमेरिकाको मासाचुसेट्स जनरल अस्पतालका वैज्ञानिकले बताएका छन् ।

यसले छालाको क्यान्सर तथा छालामा उमेरको प्रभाव (छाला बुढो हुन नदिने) रोक्न सहयोग गर्ने देखिएको अनुसन्धानमा संलग्न डा. डेविड फिशरले बताउनुभयो । यो औषधिले घाममा पर्ने बित्तिकै डढ्ने प्रकृतिको संवेदनशील छाला भएका व्यक्तिमा पनि काम गर्ने देखिएको छ । 

औषधि छालामा लगाएपछि त्यसले प्राकृतिक तह बनाउने र त्यस्तो तह युभी विकिरणसहितका हानिकारक विकिरण रोक्न सफल देखिएको सेल रिपोर्टस् जर्नलमा प्रकाशित भएको अनुसन्धान प्रतिवेदनमा उल्लेख गरिएको छ । 

यो औषधिलाई अहिले घामको विकिरणबाट बच्न प्रयोग गरिँदै आएका विभिन्न क्रिममा समायोजन गर्न सकिए प्रभावकारी हुने वैज्ञानिकको भनाई छ । तर औषधि अहिले पनि परीक्षणकै क्रममा रहेको र यसको सुरक्षित प्रयोगका लागि अझै परीक्षणको खाँचो रहेको डा. फिशरले बताउनुभयो । 

अहिलेसम्मको परीक्षणको क्रममा औषधिको नकारात्मक प्रभाव भने फेला नपरेको उहाँको भनाई छ । युभीसहित घामबाट आउने विभिन्न विकिरणका कारण मानिसमा छालाको क्यान्सरको खतरा रहन्छ । 

- मूल लेख बिबिसी अंग्रेजीमा प्रकाशित छ  

प्रतिक्रिया दिनुहोस

सम्बन्धित सामग्रीहरु

  • फेसबुकमा नयाँ फिचर, युट्युब जस्तै

    साउन २६ – सामाजिक सञ्जाल फेसबुकले नयाँ भिडियो फिचर ल्याउने भएको छ । भिडियो लाइभ फिचरले सफलता पाएपछि फेसबुकको युट्युब र टिभी नेटवर्कलाई चुनौती दिने गरी विभिन्न भिडियो हेर्न मिल्ने ‘वाच’ फिचर सुरु गर्न लागेको हो ।

  • गुगल कम्पनीमा खलबली, कारण के ?

    साउन २३ – कम्पनीका विभिन्न पदमा महिलालाई राख्ने पहलको विरोधमा गुगलका एक कर्मचारीको विचारका कारण अहिले खलबली मच्चिएको छ ।

  • पार्किन्सनको उपचारमा नयाँ सम्भावना : फैलिनबाट रोक्न सकिने

    साउन २१ – पार्किन्सन रोग फैलिनबाट रोक्न सकिने एक अध्ययनले देखाएको छ । मधुमेह रोगको उपचारका लागि प्रयोग गरिने औषधिको प्रयोग गरेर पार्किन्सन रोग थप बिस्तार हुनबाट रोक्न सकिने देखिएको अनुसन्धानमा संलग्न वैज्ञानिकले बताएका छन् ।

  • वंशाणुगत रोगबाट छुट्कारा पाउने उपाय, डिएनए एडिटिङ

    साउन १९ – भ्रुणको डिएनएमा गरिने सामान्य परिवर्तनबाट वंशाणुगत रुपमा लाग्ने रोगबाट जोगिन सकिने वैज्ञानिकले बताएका छन् । वैज्ञानिकले पहिलोपटक एक भ्रुणको डिएनएमा रहेको मुटु सम्बन्धी रोगको वंशाणुगत अवगुण हटाएका छन् ।

  • दक्षिण एसियामा तापक्रम बृद्धिको असर: मानिस बाँच्नै नसक्ने गरी गर्मी बढ्ने चेतावनी

    दक्षिण एसियामा गर्मी तथा आद्रता अस्वभाविक रुपमा बढ्दै गएको र यसका कारण दशौंलाख मानिस प्रभावित हुने देखिएको छ । नयाँ अध्ययन अनुसार विश्वव्यापी रुपमा भइरहेको तापक्रम बृद्धिले गर्दा दक्षिण एसियाली क्षेत्र बढी प्रभावित हुने देखिएको हो ।

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया