MENU

बातावरण-कृषि

Ncell Axiata
NIC Asia

बाँदरले खाएको मकैको खोस्टा र खोयाको माला लगाएर किसान सिडिओ कार्यालयमा

सीताराम अधिकारी/उज्यालो । 

धादिङ, जेठ ३१ – बाँदरले हैरान पारेपछि धादिङको निलकण्ठ नगरपालिकाका किसान बुधबार मकैको खोस्टा नै बोकेर प्रमुख जिल्ला अधिकारीको कार्यालय पुगे । बाँदर नियन्त्रणको माग गर्दै  प्रमुख जिल्ला अधिकारी महेश आचार्यलाई ज्ञापनपत्र बुझाए । बाँदरले खाएको मकैको घोगा नै लगाएर आएका किसानले बाँदरले हरेक वर्ष मकै बाली खाएर आफूहरु भोकभोकै परेको भन्दै प्रजिअ आचार्यलाई ज्ञपनपत्र बुझाएका हुन् ।

पाँच वर्षदेखि बाँदर नियन्त्रण गर्न वन कार्यालयसँग माग गरेपनि जिल्ला वन कार्यालयले बेवास्ता गरेको किसानको गुनासो छ । बाँदर आतंकले आफूहरु बाँच्न नसक्ने भएकोले नियन्त्रणका लागि सहयोग खोज्दै आएको तिलप्रसाद लम्सालले बताउनुभयो । 

नीलकण्ठ नगरपालिका–९ धारापानी, ज्यामिरे, पाल्पाथोक, धौखोला लगायत बस्तीका भण्डै ४ सय ५० घरले लगाएको मकैवाली बाँदरले सखाप पारेको गाउँलेको भनाई छ । बाँदरले खाएको मकै लिएर किसानले सदरमुकाममा नाराजुलुस समेत गरेका थिए । बाँदरले खाएको मकैको खोस्टा र खोयाको माला लगाएर उनीहरुले जिल्ला प्रशासन कार्यालय, जिल्ला वन कार्यालय, जिल्ला पशुसेवा कार्यालय र जिल्ला कृषि विकास कार्यालयमा बाँदर नियन्त्रण गर्न माग गरे । 

एक हजारको संख्यामा बाँदरहरु रहेको र यसको नियन्त्रण गर्न सरकारले टोली खटाउनु पर्ने, यदि नसक्ने भए बाँदर मार्न अनुमति दिनुपर्ने र बाँदरले मकै खाएकोले यसको सरकारले उचित क्षतिपूर्ति दिनुपर्ने माग राखेको बाँदर पीडित किसान रामहरि लम्सालले बताउनुभयो । 

 

प्रतिक्रिया दिनुहोस

सम्बन्धित सामग्रीहरु

  • जुनार उत्पादन घट्यो

    दीपक भट्ट/उज्यालो । रामेछाप, पुस २ – रामेछापमा जुनार उत्पादनमा कमी आएको छ । केही वर्षअघिदेखि ...

  • ​कुखुरापालन व्यवसायले फेरिएको दैनिकी

    डोटी, पुस २ – दिपायलकी शारदा विष्टले कुखुरा पालन व्यवसायबाट राम्रो आम्दानी गर्न थाल्नु भएको छ । सिलगढी नगरपालिका –४, कुमालीकोटकी ३५ वर्षीया विष्टले एकवर्ष पहिलेदेखि कुखुरापालन व्यवसाय सुरु गर्नु भएको हो ।

  • बगाले बगेडी अति संकटापन्नको सूचिमा

    काठमाडौं, पुस २ – अन्धविश्वास र संरक्षणमा चासो नपुग्दा बगाले बगेडी चरा अति संकटापन्नको सूचिमा परेको छ । नेपाल, चीन, भियतनाम लगायत देशमा पाइने यो चरालाई वातावरणको अध्ययन गर्ने संस्था इन्टरनेशनल युनियन फर कन्जरभेसन अफ नेचर एण्ड बर्ड लाइफ इन्टरनेसनलले अति संकटापन्न को सूचिमा राखेका हुन् ।

  • ​हुस्सुका कारण तराईको जनजीवन प्रभावित

    काठमाडौं, पुस २ – हुस्सुका कारण तराईका जिल्लाको जनजीवन प्रभावित भएको छ । शनिबारदेखि तराईमा बाक्लो हुस्सु लागेको छ । तर हुस्सु लागेकोको ४८ घण्टा नपुगेकाले जल तथा मौसमपूर्वानुमान महाशाखाले शितलहरको औपचारिक घोषणा भने गरेको छैन ।

  • उपत्यकाको तापक्रम दुई डिग्रीमा झर्‍यो, शून्य डिग्रीसम्म पुग्ने अनुमान

    काठमाडौं, पुस –तापक्रम घटेसँगै काठमाडौं उपत्यकासहित देशभर चिसो बढेको छ ।

सबै हेर्नुहोस
Skill Training
पछिल्ला समाचारहरु

सोसल मिडिया