MENU

बातावरण-कृषि

Ncell Axiata
NIC Asia

संरक्षित क्षेत्रलाई समेटेर ४८ चलचित्र बने, २६ विदेशी चलचित्र

काठमाडौं, असार ३ – राष्ट्रिय निकुञ्ज तथा वन्यजन्तु संरक्षण क्षेत्रलाई समेटेर स्वदेशी तथा विदेशी ४८ चलचित्र छायाङ्कन भएका छन् । राष्ट्रिय निकुञ्ज तथा वन्यजन्तु संरक्षण विभागले दिएको जानकारी अनुसार यो आर्थिक वर्षमा उक्त चलचित्र छायाङ्कन भएका हुन् । 

छायाङ्कन भएका चलचित्रमध्ये २६ वटा विदेशी र २३ नेपाली रहेका छन् । एक चलचित्र निर्माणका लागि विदेशी मुलुकसँग एक हजार अमेरिकन डलर, सार्क मुलुकसँग २५ हजार नेपाली रुपैँया र नेपालीसँग पाँच हजार रुपैँया लिने गरेको विभागले जनाएको छ । 

विभागका उपसचिव विष्णुप्रसाद श्रेष्ठले छायाङ्कन भएका चलचित्रमध्ये सबैभन्दा धेरै सगरमाथा राष्ट्रिय निकुञ्जमा हुने गरेको जानकारी दिनुभयो । उहाँले भन्नुभयो, “सगरमाथा राष्ट्रिय निकुञ्ज पर्यटकीय गन्तव्यको रुपमा महत्व रहेको क्षेत्र भएकाले यस क्षेत्रमा धेरै छायाङ्कन हुने गरेको छ ।” 

यसका साथसाथै बर्दिया राष्ट्रिय निकुञ्ज, चितवन राष्ट्रिय निकुञ्ज, रारा राष्ट्रिय निकुञ्ज, शुक्लाफाँटा वन्यजन्तु आरक्ष, शिवपुरी–नागार्जुन राष्ट्रिय निकुञ्जलगायतमा धेरै छायाङ्कन हुने गरेको छ । 

चलचित्रका छायाङ्कनका लागि डेनमार्क, अमेरिका, अष्ट्रेलिया, कोरिया, बेलायत, स्विटजरल्यान्ड, सिङ्गापुर, टर्की, चीन, स्वीडेन, रुस, जापानलगायतका मुलुकबाट आएको विभागले जनाएको छ । यस्तै सार्क मुलुकबाट भारत आएको छ । 

चलचित्र छायाङ्कनबाट विभागले २५ हजार अमेरिकन डलर र एक लाख ७० हजार नेपाली रुपैँया आम्दानी गरेको छ । विभागले दिएको जानकारी अनुसार राष्ट्रिय निकुञ्ज तथा वन्यजन्तु आरक्षण क्षेत्रमा गतवर्ष ३६ वटा चलचित्र छायाङ्कन भएका थिए । जसमध्ये ३५ विदेशी र एक नेपाली चलचित्र रहेको थियो । रासस 

प्रतिक्रिया दिनुहोस

सम्बन्धित सामग्रीहरु

  • ​उद्योगी र उखु किसानबीच सहमति

    सर्लाही, मंसिर २७ –उद्योगी र उखु किसानका प्रतिनिधिबीच गत वर्षकै न्यूनतम मूल्य रहने गरी उखु क्रसिङ सुरु गर्ने सहमति भएको छ ।

  • काठमाडौंमा आज यो वर्षकै कम तापक्रम

    काठमाडौं, मंसिर २७ – काठमाडौंमा बुधबार बिहान यो वर्षकै कम तापक्रम मापन गरिएको छ । मौसम पूर्वानुमान शाखाका अनुसार बिहान काठमाडौंको तापक्रम ५ दशमलव ५ डिग्री सेल्सियस पुगेको थियो ।

  • समुद्री चरा संकटमा

    मंसिर २६ – माछा मार्ने क्रम बढ्नु र बदलिँदो समुद्री तापक्रमका कारण समुद्रमा आधारित चरा लोप हुने अवस्थामा पुगेको नयाँ तथ्यांकले देखाएको छ । विश्वमा चराको संख्याका बारेमा भएको नयाँ अध्ययन अनुसार समुद्रमा आधारित चरा अस्तित्वका लागि संघर्षमा रहेको देखिएको हो ।

  • बझाङमा पनि हिमपात : जनजीवन प्रभावित

    डीबी विष्ट / उज्यालो  बझाङ, मंसिर २६ – बझाङमा वर्षासँगै हिमपात भएको छ । सोमबार रातीबाट प...

  • वर्षा नहुँदा गहुँ छर्न समस्या

    बैतडी, मंसिर २१ – आकाशे पानीको भरमा खेती गर्दै आएका बैतडीका किसानले अहिलेसम्म वर्षा नहुँदा गहुँ छर्न पाएका छैनन् ।

सबै हेर्नुहोस
Skill Training
पछिल्ला समाचारहरु

सोसल मिडिया