MENU

समाज

Ncell Axiata
USAID

दाङमा मजदुरबिच झडप हुँदा एकको मृत्यु, एक घाइते

दाङ, असार ५ – मजदुर मजदुरबिच दाङमा भएको झडपमा सुनसरी ईनरुवाका २० वर्षका रितेश झा को ज्यान गएको छ । हिर्मुनिया–२ बस्ने १९ वर्षका जगतराम यादव घाइते भएका छन् । 

घोराही उपमहानगरपालिका–९ दुबीचौरस्थित गणपति प्लाई सप्लायर्स उद्योगमा कार्यरत मजदुरबिच कुटपिट हुँदा झाको ज्यान गएको हो । आइतबार राति सामान्य विवादमा झडप हुँदा गम्भीर घाइते भएका झाको उपचारको क्रममा राप्ती उपक्षेत्रीय अस्पताल घोराहीमा ज्यान गएको प्रहरीले जनाएको छ ।

उद्योगका कामदार बाँके, फत्तेपुर गाउँपालिका–७ बस्ने २३ वर्षका जितराम चौधरी, सोही गाउँपालिका–९ बस्ने २३ वर्षका राज चौधरी र बाँके, हिर्मुनिया–२ बस्ने २३ वर्षका निर्मल राजपुतले रितेश झा र बाँके, हिर्मुनिया–२ बस्ने १९ वर्षका जगतराम यादवलाई कुटपिट गरेका थिए ।

घाइते जगतलाई थप उपचारको लागि नेपालगंज बाँके रिफर गरिएको छ । कुटपिट गर्नेमध्येका राज र निर्मललाई प्रहरीले पक्राउ गरेको छ भने फरार रहेका जितरामको खोजी भइरहेको प्रहरीले जनाएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया