MENU

राजनीति

Ncell Axiata
USAID

इलाममा चर्चामा रहेका उम्मेदवार वेपत्ता भएपछि अर्कैको उम्मेदवारी

इलाम, असार ५ – इलाम नगरपालिका–१२ मा नेकपा माओवादी केन्द्रबाट वडाध्यक्षको उम्मेदवारी घोषणा गरेका नारायण राई बेपत्ता भएपछि सोममाया राईलाई उम्मेदवार बनाइएको छ । 

उम्मेदवारी दर्ता गर्ने दिन आइतबारसम्म नारायण बेपत्ता भएपछि माओवादी केन्द्रले सोममायालाई उम्मेदवार बनाएको हो । नारायण असार २ गते बेलुकादेखि सम्पर्कविहीन भएको माओवादी केन्द्रले जनाएको छ । असार २ गतेदेखि नै नारायण बेपत्ता भएको केन्द्रले सोमबार जारी गरेको विज्ञप्तिमा उल्लेख छ । 

शनिबार हुने आमसभाको तयारीका लागि शुक्रबार दिउँसो चार बजे घरबाट निस्कनु भएका नारायण अझैसम्म सम्पर्कमा नरहेको नेकपा माओवादी केन्द्र नगर कमिटी इलामले जानकारी दिएको छ । 

प्रहरी तथा निर्वाचन कार्यालयलाई वेपत्ता भएका नारायणको खोजीका लागि जानकारी गराइएको प्रचार प्रसार विभाग प्रमुख जीवन शर्माले बताउनु भयो । खोजीका लागि कमिटीले वाइसिएल समेत परिचालन गरेको छ । वडा नं. १२ मा जित निश्चित भएकाले अपहरणमा परेको हुनसक्ने बताइएको छ । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepal Life Insurance
Job Vacancy
पछिल्ला समाचारहरु

सोसल मिडिया