MENU

बातावरण-कृषि

Ncell Axiata
sagun

कृषि कार्यालयले बाँडेको धानको बिउ रोप्दा फल्यो भुसैभुस

किरण लोहनी/उज्यालो । 

गोरखा, असार ६ – जिल्ला कृषि विकास कार्यालयलेनै बिउ वितरण गरेको धानमा फल नलागेपछि किसान आक्रोशित भएका छन् । जिल्लाको पालुङटार नगरपालिका–९ मिरकोटको कुँडुलेफाँटका किसानले कृषि कार्यालयले अनुदानमा वितरण गरेको हर्दिनाथ १ जातको धान लगाएका थिए । तर त्यो बिउ लगाएका कुनै पनि किसानको धानको बोटमा फल नलागेको स्थानीय किसान उमेश ढकालले बताउनुभयो । टाढाबाट हेर्दा बोट राम्रो देखिने र धान पाकेजस्तो देखिएपनि बोटमै भने एक दाना पनि फल नलागेको उहाँको भनाई छ । “धान पाक्यो भनेर काट्ने तयारी गर्न खेतमा गएर हेर्दा त बिजोग देखियो” ढकालले भन्नुभयो, “त्यत्रो समय र श्रम खर्च गरियो, अन्तिममा आएर यस्तो देख्दा साह्रै चित्त दुखेको छ ।” यो ठाउँका २३ जना किसानले ५० रोपनी खेतमा हर्दिनाथ १ नामको धान लगाएका थिए । उनीहरु कसैको पनि बोटमा दाना नलागेको पाइएको ढकालको भनाई छ । 

आफैले अनुदानमा बाँडेको धान नफल्दा समेत कृषि कार्यालयका प्राविधिकले बेवास्ता गरेको किसानको दुखेसो छ । “प्राविधिकलाई फोन गरेको, खेतमा आएर हेरिदिनु प¥यो भनेको पनि हो” अर्का किसान रमेश कुमालले भन्नुभयो, “तपाईंहरुको मात्रै होइन, धेरैको समस्या छ भन्दै आउनु भएन ।”

धानमा फसल नलागेपछि केही किसानले पराल काटेर वस्तुलाई ख्वाएका छन् भने केहीले खेतमा त्यसै छोडेका छन् । जिल्ला कृषि विकास कार्यालयले यो ठाउँको खहरे कृषि सहकारी संस्था लिमिटेडलाई ४ सय ५५ किलो धानको बिउ वितरण गरेको थियो । कार्यालयले ७५ प्रतिशत अनुदानमा उपलब्ध गराएपछि धेरैजसो किसानले सोही बिउ लगाएका स्थानीय सहकारीका ब्यवस्थापक राजकुमार श्रेष्ठले बताउनुभयो ।

तर किसानले अघिल्ला वर्षमा लगाउने गरेको स्थानीय जातको धानको भने उत्पादन राम्रो रहेको उहाँको भनाई छ । श्रेष्ठ भन्नुहुन्छ, “अरु सबै जातको उत्पादन राम्रो छ,  हर्दिनाथले चाहिँ सबैलाई डुबायो ।” 

हर्दिनाथ १ जातको धान जिल्लाका अन्य ठाउँमा पनि नफलेको किसानले बताएका छन् । गोरखा नगरपालिका वडा नम्बर १० सिर्दिफाँटका किसानले केही दिनअघि फल नलागेको धानको बोट खेतमै जलाएका थिए । उनीहरुले स्थानीय एग्रोभेटबाट हर्दिनाथ एक जातकै बिउ किनेका थिए ।

फल नलागेपछि किसानले पराल काटेर फाल्दै वर्षे धान खेतीको तयारी थालेका छन् । तर केही किसानले भने कृषि विकास कार्यालयले क्षतिपूर्ति दिनुपर्ने बताएका छन् । “कृषिले अनुदानमा दिएको बिउको फल नलागेपछि उसैले जिम्मा लिनुपर्छ” पीडित किसान उमेश ढकालले बताउनुभयो । किसानहरु कृषि विकास कार्यालयसँग क्षतिपूर्ति माग्ने सोचमा रहेको उहाँको भनाई छ ।

कृषि विकास कार्यालयका प्राविधिकहरुले पनि हर्दिनाथ १ मा समस्या देखिएको बताएका छन् । धानमा नेक ब्लाष्ट नामक रोग लागेको वरिष्ठ कृषि विकास अधिकृत यामकुमार श्रेष्ठले बताउनुभयो । किसानले समयमै खबर नगरेकाले बेलैमा उपचार नगर्दा धान नफलेको उहाँको भनाई छ । 

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया