MENU

बातावरण-कृषि

Ncell Axiata

​लमजुङका १८ किसानलाई बाच्छी सहयोग

श्यामशितल परियार/उज्यालो ।  

लमजुङ, असार ६ – लमजुङको सुन्दरबजार नगरपालिका–७ मा १८ जना किसानलाई बाच्छी सहयोग गरिएको छ । पाउँदीस्थित जगतमाया गाई फार्म र जिल्ला पशु सेवा कार्यालयको समन्वयमा पाउँदी कटहरबोटे, पाखाटारका १८ जना किसानलाई कोरली बाच्छी वितरण गरिएको हो । 

लामो समयदेखि गाईभैँसी पाल्दै आएका विपन्न कृषकहरुलाई लमजुङका सरकारी अधिकारीहरुले मंगलबार गाईको बाच्छी वितरण गरेका हुन् ।

आफ्नै गाईफार्ममा उत्पादन भएका होलेस्टेन क्रस र जर्सी क्रस जातका कोरली बाच्छी कृषकहरुलाई वितरण गरिएको जगतमाया गाईफार्मका सञ्चालक धु्रव पोख्रेलले बताउनुभयो । 

गाईको बाच्छी वितरणमा झण्डै ३ लाख रुपैयाँ खर्च भएको जिल्ला पशु सेवा कार्यालय लमजुङका प्रमुख डा. लक्ष्मण ढकालले बताउनुभयो । व्यावसायिक रुपमा गाईपालन गर्न उहाँले कृषकहरुलाई आग्रह गर्नुभयो । जिल्लालाई दूध उत्पादनमा आत्मानिर्भर बनाउने बाटोमा आफूहरु अघि बढेको उहाँको भनाई थियो ।  

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया