MENU

विज्ञान प्रविधि

Ncell Axiata
sagun

सस्तोमै आइफोन सेभेन प्लसको जस्तो फिचर भएको वन प्लस फाइभ बजारमा

काठमाडौं, असार ७– वन प्लसले मंगलबार सन् २०१७ को लागि नयाँ फ्लेगशिप स्मार्टफोन वन प्लस फाइभ सार्वजनिक गरेको छ ।  यसभन्दा अगाडि आएको वन प्लस थ्रि टिकै अपग्रेडेड भर्सनको रुपमै वन प्लस फाइभ आएको कम्पनीले जनाएको छ । वन प्लस सन् २०१३मा स्थापना भएको चिनियाँ स्मार्टफोन निर्माता कम्पनी हो ।

वन प्लस फाइभ डिजाइन, सफ्टवेयर र अन्य विशेषताका लागि राम्रो मानिएको छ । त्यति मात्रै होइन, यो मोबाइलले एप्पलको आइफोन सेभेन प्लससँग प्रतिष्पर्धा गर्ने बताइएको छ ।यसमा ५.५ इन्च फुल–एचडी (१०८०×१९२० पिक्सेल) अप्टिक एमोलेड डिस्प्ले रहेको छ ।  

यो मोबाइलमा क्वालकम स्न्यापड्रयागन ८३५ प्रोसेसर रहेको छ । वन प्लस फाइभ र्‍याम र स्टोरेजका आधारमा दुई प्रकारमा उपलब्ध हुनेछ । ६ जिबी र्‍यामसहितको ६४ जिबी स्टोरेज तथा ८ जिबी र्‍याम र १२८ जिबी स्टोरेजमा वन प्लस फाइभ उपलब्ध हुनेछ । 

कम्पनीका अनुसार यो मोबाइल कम्पनीले बजारमा ल्याएका मोबाइल मध्ये सबैभन्दा पातलो हो । यसको मोटाई ७.२५ मिलीमिटर रहेको छ । 

नयाँ वन प्लस फाइभ मोबाइल फोनमा ५वटा अर्लट स्लाइडर राखिएको छ । यसको माध्यमले प्रयोगकर्ताले रिंगिङ मोड, डु नट डिस्टर्ब मोड र साइलेन्ट मोडको बीचमा स्वाइप गर्न सक्दछन् । कालो र खैरो रंगमा उपलब्ध वन प्लस फाइभको मूल्य ४७९ डलर र ५३९ डलर रहेको छ ।

वन प्लस फाइभको मुख्य विशेषताहरु

डिस्प्लेः ५.५ इन्च  
ब्याट्री क्षमताः ३३०० एमएएच
प्रोसेसरः १.९ गिगाहर्ज अक्टाकोर
फ्रन्ट क्यामेराः १६ मेगापिक्सेल
रियर क्यामेराः २० मेगापिक्सेल
ओएसः एन्ड्रोइड ७.१.१

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया