MENU

बातावरण-कृषि

Ncell Axiata
sagun

सालक संरक्षणका लागि क्यामेरा ट्रयापिङ

काभ्रे, असार ८ – लोपोन्मुख सालक संरक्षणका लागि काभ्रेपलाञ्चोकको एउटा सामुदायिक वनमा क्यामेरा ट्रयापिङ सुरु भएको छ ।

जिल्लाको पाँचखाल नगरपालिका ज्याम्दीस्थित बासखर्क सामुदायिक वन उपभोक्ता समितिको क्षेत्रमा सालकको वास्तविक अवस्था पहिचान गर्न क्यामेरा ट्रयापिङ सुरु भएको प्राकृतिक सम्पदा नेपालकी अनुसन्धानकर्ता प्रतिभा कसपालले जानकारी दिनुभयो । 

जिल्ला वन कार्यालय, धुलिखेलको समन्वयमा सुरु भएको ट्रयापिङ एक हप्तासम्म सञ्चालन हुने उल्लेख गदैै उहाँले त्यसका लागि सामुदायिक वनका उपभोक्ता नै परिचालन भएको बताउनुभयो । 

‘अहिले कमिला र धमिरा बढी मात्रामा बाहिर आउने समय भएकाले यसको आवतजावत बढी हुन्छ त्यसैले यो समयमा ट्रयापिङ सुरु गरेका हौँ’ अनुसन्धानकर्ता कसपालले भन्नुभयो । 

ट्रयापिङका लागि सो सामुदायिक वनमा सालकको आवतजावत बढी हुने क्षेत्रमा ६ वटा क्यामेरा राखिएको छ । यो सामुदायिक वनमा संसारकै दुर्लभ कालो सालक पाइन्छ । नेपालमा कालो र तामे सालक पाइन्छ । यसअघि पनि ट्रयापिङ भएको तर त्यतिबेला सालकको पहिचान भएको थिएन । 

संरक्षित वन्यजन्तु सालक जैविक विविधता र कृषि उत्पादनका लागिसमेत उपयोगी हुने भएकाले सालकको प्राकृतिक वासस्थान नष्ट गर्न नहुने किसानले बताएका छन् । हिन्दूधर्ममा सालकलाई भगवान् शिवको अवतारको रुपमा समेत लिइन्छ ।

यसैबिच यो संस्थाले सामुदायिक वनको लागि सालक संरक्षण तथा व्यवस्थापन कार्ययोजना अघि ल्याएको छ । सालकको बासस्थानलाई कसरी सुरक्षित गर्ने र उसको सम्वद्र्धन कसरी गर्ने भन्ने विषयमा जिल्ला वन कार्यालय, काभ्रेपलाञ्चोकको सहयोगमा सो कार्ययोजना आएको अनुसन्धानकर्ता कसपालले जानकारी दिनुभयो । जिल्लाको बासखर्कबाहेक धुलिखेलको कटुवापाखा सामुदायिक वनमा समेत सालकको बासस्थान रहेको छ । 

संरक्षित वन्यजन्तुको सूचिमा रहेको सालक पक्रने, राख्ने वा बेचबिखन गरे ४० हजारदेखि ७५ हजारसम्म जरिवाना र एक वर्षदेखि १० वर्षसम्म कैद वा दुवै सजाय हुने कानुनी प्रावधान रहेको छ । रासस

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया