MENU

बातावरण-कृषि

Ncell Axiata
sagun

जहाँ रासायनिक मल र विषादी प्रयोग हुँदैन

प्रकाश धौलाकोटी/उज्यालो । 

तेह्रथुम, असार ८ – आठराई गाउँपालिका–५ छातेढुंगाको खानीटारका अगुवा कृषक चन्द्र तिवारी आफूले लगाउने बाली नालीमा कुनै पनि रासायनिक मल र विषादी प्रयोग गर्नु हुन्नँ । तर पनि उहाँका खेतबारीमा गोलभेडा, अकबरे खुर्सानी, केरा, स्याउ, सुन्तला, कागतीलगायत फलफूल र तरकारी बाली फष्टाएकै छन् । 

थोरै जमिनमा धेरै फलाउने कृषकका रुपमा चिनिनुहुन्छ उहाँ । सात वर्ष अघि रासायनिक मल र विषादीको प्रयोग छाडेर अर्गानिक उत्पादन गर्ने अभियानमा लाग्नुभएका उहाँले अहिले आफ्नो माटो, घर र गाउँलाई नै अर्गानिक बनाउनुभएको छ । 

अर्गानिक खेती गरिरहनुभएका उहाँले बारीको डिलमा मौरीका घार राख्नुभएको छ । अर्गानिक फलफूलका फूलमा घुमेका मौरीले अर्गानिक मह उत्पादन गर्छन् । आफूले थालेको अर्गानिक उत्पादन, अर्गानिक भान्सा र अर्गानिक गाउँको अभियान अहिले सार्थक बन्दै गएको उहाँ बताउनुहुन्छ ।

‘छिमेकीले पनि सूरुमा के–के न गर्ने भइस् भने, एक दुई वर्ष उत्पादन पनि राम्रो भएनँ’ उहाँ भन्नुहुन्छ ‘तर पछि राम्रो उत्पादन हुन थाल्यो ।’ अहिले उहाँले तरकारी, फलफूल र अलैँची खेतीबाट वार्षिक सात लाख रुपैयाँ भन्दाबढी आम्दानी गरिरहनुभएको छ । रासायनिक मल र विषादी प्रयोग नगर्ने कृषक तिवारीले मल र विषादी नै नलगाउने गर्नुभएको चाँहि हैन ।

उहाँले आफैँले बनाएको जैविक मल र विषादी प्रयोग गर्नुहुन्छ । उहाँ भन्नुहुन्छ ‘जसले गर्दा अर्गानिक उत्पादन हुन्छ, माटो पनि बिग्रिदैन, र मान्छेको स्वास्थ्य पनि ।’ उहाँको यही अर्थपूर्ण तर्ककै कारण उहाँले थालेको अर्गानिक उत्पादन, भान्सा र गाउँको अभियान गाउँभरि फैलिएको छ । 
उहाँकै सिको गरेर स्थानीय जापान कन्दङ्वा अहिले अर्गानिक खेती गररहनुभएको छ । ‘चन्द्र दाइले गरेको देखेर त्यस्तै गर्ने उदेश्य राखेर थालेको हुँ, अहिले कागती, अकबरे खुर्सानी, गोलभेडा, च्याउ आदी खेती गरेको छु’ ३२ वर्षे युवा कन्दङवाले भन्नुभयोे । उहाँ केही वर्ष अघि रोजगारी र पढाईका लागि काठमाडौं छिर्नुभएको थियो ।

उनीहरु जस्तै खानीटारका युवराज कन्दङ्वा, प्रेम उप्रेती, मदन कन्दङ्वा र लक्ष्मी कन्दङ्वा पनि प्रभावित छन् । 
उनीहरु मध्ये धेरैले गतवर्षदेखि अर्गानिक खेति गरिरहेका छन् । सबैको एउटै स्वर छ, अब गाउँमै व्यवसायिक अर्गानिक खेती गर्ने र पैसा कमाउने । गाउँका ३१ जना युवालाई समेटेर खानीटार बहुउदेश्यीय कृषक समूह बनाएको तिवारीले बताउनुभयो ।

सामान्य लेखपढ गर्नुभएका तिवारीले गाउँलाई अर्गानिक उत्पादन हुने गाउँको रुपमा चिनाउन थालेको अभियान सार्थक बन्दैछ । झण्डै ३५ घरधुरी रहेको खानीटार गाउँका अधिकांश घरधुरीले रासायनिक मल र विषादीको प्रयोग गर्न छाडेका छन् । आफूले देखेको सपना जस्तैः अबको गाउँको सबै कृषिजन्य उत्पादन अग्र्यानिक हुने भएपछि कृषक तिवारी पनि दंग हुनुहुन्छ । ‘मैले देखेको सन्देशमुलक अभियान सफल हुँदैछ, म पनि खुसी छु, अब सबै खुसी हुने दिन सुरु हुँदैछ’ उहाँ भन्नुहुन्छ ।

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया