MENU

बातावरण-कृषि

Ncell Axiata
sagun

सरकारी रकमको दुरुपयोग : ९ किलोको बोकाको कानमा १८ किलोको ट्याग !

दिपक भट्ट/उज्यालो ।

रामेछाप, असार ९ – जिल्ला पशु सेवा कार्यालय रामेछापले सरकारी अनुदानको रकम दुरुपयोग गरेको छ । सरकारी नियमअनुसार व्यावसायिक वाख्रापालक कृषकले १६ देखि १८ किलो तौलको बोका अनिवार्य खरिद गरी कार्यालयमा पेश गर्नु पर्ने र त्यही आधारमा प्रति कृषक १५ हजार रुपैयाँ नगद भुक्तानी गर्ने निर्णय भएको थियो । 

पकरवासका एक जना कृषकले कार्यालयमा ल्याएको झण्डै ९ किलो तौलको बोकालाई कार्यालयले १८ किलो भएको प्रमाणित गर्दै बोकाको कानमा ट्याक लगाइदिएपछि यस्तो अनियमितताको खुलासा भएको हो ।  

रामेछापका पूर्व सभाषद एवं माओवादी केन्द्रका नेता तारानारायण श्रेष्ठका अनुसार गएको वर्ष बोका खरिदका नाममा कार्यालयले लाखौँ कमिसन खाएर सर्वत्र वदनामी कमाएपछि यस वर्ष कृषकको नाममा रकम बैंकमा जम्मा गर्ने निर्णय भएको थियो । तर त्यसका लागि सबैले कार्यालयमा बोका अनिवार्य उपस्थित गराउनै पर्ने र तौलका आधारमा ट्याक लगाइदिने सहमति भएको थियो ।

कार्यालयले निर्णय गरेको मसि सुक्न नपाउँदै विभेदपूर्ण तरिकारले बोका वितरण गरेको आरोप पनि लागेको छ । नेता श्रेष्ठले भन्नुभयो, ‘निर्णयको अवज्ञा गर्दै कार्यालयका कर्मचारीहरुले मनपरेको मान्छेलाई मापदण्ड विपरित गएर बोकाको कानमा ट्याक लगाउने काम गैर जिम्मेवारपनको पराकाष्ठ हो ।’ 

युवा लक्षित कार्यक्रम अन्र्तगत वितरण गरिएका बोका लगायत सबै पशु तथा अन्य शीर्षकमा आएको रकमलाई सहि रुपमा खर्च गराउनका लागि कार्यालयको अभियान हुनु पर्ने हो । तर कार्यालयले फेरि पनि गलत काम गरेको छ ।  

युवालाई व्यवसाय मार्फत आर्थिक तथा सामाजिक रुपमा सशक्त बनाउने लक्ष्यका साथ सरकारले ल्याएको अन्य शीर्षकमा पनि विगतमा जस्तै कमजोरी देखा परेका छन् । जस अन्र्तगत कतिपय कृषकहरुले कर्मचारी सँगको मिलेमतोमा घरमा बाख्रा र वंगुरै नभईकन अनुदान समेत लिएका छन् । यसरी रकमको दुरुपयोग गर्नका लागि पशु विकास कार्यलयका कर्मचारीहरुलेनै कमिसनको प्रस्तावसहित कृषकहरुलाई उकास्ने गरेको जानकारी पनि कृषकहरुलेनै गराएका छन्  । 

जिल्ला पशुसेवा कार्यालय रामेछापले भने कृषकलाई सरकारी अनुदानको बोका वितरणमा कुनै पनि अनियमितता नगरेको दावी गरेको छ । जिल्ला पशुसेवा कार्यालयका प्रमुख डा. नारायणप्रसाद शर्माले भन्नुभयो, ‘बोका किन्ने अधिकार हामीले किसानलाई नै दिएकाले कार्यालयका कर्मचारीहरुले कसिमन खाए वा उसो गरे भन्नु गलत हो ।’

 

प्रतिक्रिया दिनुहोस

सम्बन्धित सामग्रीहरु

  • बाढीले बगाएर भारत पगेका १० गैँडाको उद्धार

    चितवन, मंसिर ४ – चितवन राष्ट्रिय निकुञ्जबाट गएको साउनमा आएको बाढीले बगाएर भारत पुगेका १० वटा गैँडाको उद्धार गरिएको छ । पछिल्लो पटक भारतको पिप्रासीबाट एउटा गैँडाको उद्धार गरी सोमबार बिहान चितवन ल्याई सामुदायिक वनमा छाडिएको छ ।

  • कफी आयात र निर्यातमा कमी उत्पादनमा वृद्धि

    काठमाडौं, मंसिर १ – आज १३ औं राष्ट्रिय कफी दिवस : ‘आर्थिक सम्बृद्धिको लागि गुणस्तरीय कफी उत्पादन ! सरकारी, निजी र सहकारी क्षेत्रको राष्ट्रिय अभियान’ भन्ने नाराका साथ मनाइँदैछ ।

  • हिमाली जिल्लामा हिमपात सुरु, मतदान प्रभावित हुन सक्ने आशंका

    काठमाडौं, मंसिर १ – पश्चिमी भेगका हिमाली जिल्लामा हिमपात सुरु भएको छ । हुम्लामा शुक्रबार बिहानैदेखि हिमपात भइरहेको छ । सदरमुकाम सिमकोट र उत्तरी भेगका लिमी, मुचु खगालगाउँ, स्याँडा, हेप्का लगायतका क्षेत्रमा लगातार हिउँ परिरहेको हो ।

  • तिहारका फूलमाला उम्मेदवारका गलामा

    चितवनको क्षेत्र नं. ३ बाट उम्मेदवार बनेका नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले घरदैलो अभियानमा हुनुहुन्छ । पञ्चेबाजासहित घरदैलो अभियान सुरु गरेका प्रचण्ड जुन घरमा पुग्नुहुन्छ, त्यही घरमा फूलमाला लगाएर स्वागत गर्नेको घुईंचो हुन्छ ।

  • चितवनमा अन्तर्राष्ट्रिय भैँसी विज्ञहरुको सम्मेलन सुरु

    चितवन, कात्तिक २९ – चितवनमा सौराहामा अन्तर्राष्ट्रिय भैँसी विज्ञहरुको सम्मेलन सुरु भएको छ । नेपालमा पहिलो पटक भएको यो सम्मेलनमा विभिन्न देशका भैँसी विज्ञहरुले सहभागिता रहेको छ ।

सबै हेर्नुहोस
Joktantra
पछिल्ला समाचारहरु

सोसल मिडिया