MENU

बातावरण-कृषि

Ncell Axiata

तरकारी खेतीले आत्मनिर्भर बनायो

डीबी विष्ट/उज्यालो । 

बझाङ, असार १० – केही वर्षअघि छोराछोरी बिरामी हुदाँ चार पाँच सय ऋण निकालेर अस्पताल हिँडेको सम्झना गर्ने थलारा गाउँपालिका पिखेतकी शिवजला थापा अहिले तरकारी खेतीबाट आत्म निर्भर हुनुभएको छ । गाउँमा पहिलो तरकारी व्यवसाय गरेकी उहाँले तरकारी बिक्री गरेर घर खर्च चलाइरहनु भएको छ भने केही सुन पनि जोड्नु भएको छ । ‘श्रीमान दोस्रो विवाह गरेर भारत हिँडेपछि मलाई घरमा एक छोरा र दुई छोरी पाल्नुका साथै घर खर्च चलाउन साह्रै मुश्किल थियो’ घर छेउको बारीमा भेटीएकी शिवजलाले भन्नुभयो ‘अहिले तरकारी खेती मेरो जागिर जस्तै भएको छ ।’ 

एकसय भन्दा बढी घरधुरी रहेको पिखेत गाउँमा विवाह, पूजा आजा अन्य काम परेमा गाँउले नगद तथा गहुँ धान दिएर तरकारी खरिद गर्ने गरेको उहाँले बताउनुभयो । गाउँ घरमा साग तरकारी त्यसै दिने यहाँको प्रचलन भएकाले सुरुमा शिवजला आफ्नो करेसा बारीमा भएको तरकारी  बिक्री गर्न गाह्रो भएको थियो । तर अहिले भने सजिलो हुँदै गएको छ । 

परम्परागत खेतीपाती भन्दा अलि फरक गरेर व्यावसायिक खेती गर्न सुरु गर्नुभएकी शिवजला गाउँकी अगुवा किसानका रुपमा  परिचित हुनुहुन्छ । शिवजलाले तरकारी खेती गरेर कमाएको देखेपछि अरुपनि तरकारी व्यावसायमा लागेको उहाँका छिमेकी धर्म रोकायाले बताउनुभयो । 

 

Mitsubishi

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Skill Training
पछिल्ला समाचारहरु

सोसल मिडिया