MENU

मनोरञ्जन

Ncell Axiata
sagun

रोशनको एकल एल्बम ‘वन्ली यू’ विमोचित

भक्तपुर, असार ११ – चौध वर्षको नियमित साधनापछि भक्तपुरका गायक रोशन धौभडेलको पहिलो एकल गीति एल्बम ‘वन्ली यू’ आज सार्वजनिक गरिएको छ ।

भक्तपुरको सिद्धिस्मृति प्रतिष्ठानमा लिब्जु फिल्मस् प्रालिले बजारमा ल्याएको उक्त एल्बमको वरिष्ठ गायक दीप श्रेष्ठ, वरिष्ठ संगीतकार दीपक जंगम र वरिष्ठ गीतकार तथा गायक दीपक खरेल लगायतले एकैसाथ विमोचन गर्नुभएको हो ।

उक्त एल्बममा भएका आठ वटा गीतमध्ये सात वटामा रोशन आफैले संगीत भर्नुभएको छ भने बाँकी एउटामा उहाँले सुनिल मोक्तानसँगको सहकार्य गरेर संगीत भर्नुभएको छ ।

एल्बम विमोचनमा वरिष्ठ गायक दीप श्रेष्ठ, वरिष्ठ संगीतकार दीपक जंगम र वरिष्ठ गीतकार एवं गायक दीपक खरेलले रोशनको स्वर मल्टी डाइमेन्सन (बहुआयामिक) रहेको बताउनुभयो । उहाँहरुले रोशनको आफ्नै मिठासपूर्ण स्वर भएकाले जुनसुकै गीत गाउने क्षमता राख्ने दावी गर्नुभयो ।

एल्बमका गीतकार एवं वरिष्ठ साहित्यकार ध्रुव मधिकर्मीले गीत र संगीतका क्षेत्रमा भक्तपुरमा प्रतिभावान व्यक्तित्वहरु भए पनि प्रचारमा आउन नसकेको गुनासो गर्नुभयो । गायक रोशनले आफू भारतीय वरिष्ठ गायक किशोरकुमारबाट धेरै प्रेरित भएको जानकारी दिँदै करिब तीन वर्षको अथक प्रयासपछि एल्बम निकाल्न सफल भएको बताउनुभयो ।

उक्त एल्बममा वरिष्ठ साहित्यकार मधिकर्मीसँगै भक्तपुर तलेजुका मूल नाइके नरेन्द्रप्रसाद जोशी, मगनबाबु श्रेष्ठ, उज्ज्वलकुमार बस्नेत, शिवप्रसाद मुनंकर्मी, तुलसी घेमोसुसँगै गायक रोशनकै गीत रहेको छ ।

त्यस्तै एल्बममा रहेका गीतहरुको एरेन्ज विवेक शाक्य, वासुदेव श्रेष्ठ, जीवित जल्मी, हेम लामा, राजेश हाडा, दीपेश सिंहले गर्नुभएको छ ।

एकसय ४९ रुपैयाँ राखिएको एल्बमको बिक्रीको रकम भक्तपुर नपा ७ स्थित सिद्धि शालिग्राम आदर निकेतनलाई सहयोग गरिने गायक रोशनले जानकारी दिनुभएको छ । कार्यक्रममा गायक रोशनले एल्बमभित्रका दुइटा गीतसमेत गाउनुभएको थियो । 

प्रतिक्रिया दिनुहोस

सम्बन्धित सामग्रीहरु

  • ​नेपाल आइडलका सुजाता र सागर सहित युएईमा बृहत्त सांस्कृतिक साँझ

    मंसिर ७ – युएईको आबुधाबीमा नेपाल आइडलका प्रतिस्पर्धी सुजाता पाण्डे र सागर आलेले प्रस्तुती दिने भएका छन । नेपाल मगर संघ युएई शाखाले अयोजना गरेको बृहत्त सांस्कृतिक साँझमा उनीहरुले आफ्नो प्रस्तुती दिने भएका हुन् ।

  • जब बलरामले ‘उडाए’ साथीको गलफ्रेन्ड

    काठमाडौं, मंसिर ७ – आफ्नी पे्रमिकालाई जब कसैले भगाउँछ, कस्तो होला त्यो प्रेमीको मन । हामी सहजै अनुमान लाउन सक्छौं । यस्तै भएको छ, टीका बोम्जनको स्वर र संगीत तथा पवन वाङ लामाको ऐरेन्जमा बनेको गीतको म्युजिक भिडियोमा ।

  • जोे पारिश्रमिकका कारण चर्चामा आए

    अभिनेत्री साम्राज्ञी राज्यलक्ष्मी शाह पहिलो पटक आर्यन सिग्देलसँग सिनेमा ‘कायरा’ मार्फत सँगै देखिन थालेकी छिन् । आफैले निर्माण गर्न लागेको ‘कायरा’मा आर्यनले साम्राज्ञीलाई लिएका हुन् ।

  • गायक धिरज राईको नयाँ एल्बम ‘लभ बल्याड’ बजारमा

    काठमाडौं, मंसिर ४ – नेपालका माइकल ज्याक्सन भन्ने गरिएका गायक धिरज राईले सोह्रौ एल्बम लब बल्याड सार्वजनिक गर्नुभएको छ ।

  • कलाकारको राजनीति मोह, को कुन पार्टीमा ?

    काठमाडौं, मंसिर ४ –पछिल्लो समयमा धेरैजसो कलाकारहरु कुनै न कुनै पार्टीमा आवद्ध छन् । तर पार्टी प्रवेशपछि केही कलाकारहरुको सक्रियताले निरन्तरता पाएको छ भने केही प्रवेशसँगै राजनीतिबाट गुमनाम हुने गरेका छन् ।

सबै हेर्नुहोस
Joktantra
पछिल्ला समाचारहरु

सोसल मिडिया