MENU

अन्तर्राष्ट्रिय

Ncell Axiata
chhaka panja

अमेरिकी राष्ट्रपति ट्रम्पको नाममा भारतीय गाँउ

असार, ११ – भारतको राजधानी नयाँदिल्लीबाट नजिकै पर्ने एउटा गाँउलाई अमेरिकी राष्ट्रपति डोनाल्ड ट्रम्पको नाममा नामाकरण गरिएको छ । उत्तरी हरियाणा प्रदेशको मेवात जिल्लामा पर्ने मारोरा भन्ने गाँउमा अधिकांश मुस्लिम समुदायको बस्ती रहेको छ । ट्रम्प नाम दिइएको त्यसे गाँउ नयाँदिल्लीबाट झण्डै ८० किलोमिटर टाढा पर्दछ । भारतमा शौचालयको प्रयोगका बारेमा चेतना जगाउने तथा निःशुल्क रुपमा शौचालय निर्माण गरिदिने काम गर्दै आइरहेको संस्था सुलभ इन्टरनेशनलले त्यस गाँउलाई खुल्ला दिशामुक्त गाँउ बनाउनका लागि सबैको ध्यानाकर्षण गराउने उद्धेश्यले यस्तो नाम दिएको बताइएको छ । 

संस्थाका संस्थापक विन्देश्वर पाठकले सो गाँउप्रति सरकारले ध्यान दिएर खानेपानी र सरसफाईको अवस्थालाई विश्वस्तरमा पुर्याउनुपर्ने बताउनुभयो । 

कुल १६५ घरधुरी रहेको त्यस गाँउमा अहिलेसम्म जम्मा २० वटामात्र शौचालय रहेको पनि उक्त संस्थाले हालै एक पत्रकार सम्मेलनमार्फत जानकारी दिएको थियो । 

सुलभले आगामी सन् २०१९ अक्टोबर २ सम्ममा सवै घरमा कम्तीमा एउटा शौचालय निःशुल्क रुपमा बनाइदिएर खुल्ला दिशामुक्त क्षेत्र बनाउने उद्धेश्य राखेको छ । 

भारतीय प्रधानमन्त्री नरेन्द्र मोदीले सफा भारत बनाउने घोषणा गरे अनुसार सोही मिति पर्नेगरी यो मिति तय गरिएको पनि संस्थाका संस्थापक पाठकले जानकारी दिनुभयो । 

पाठकले मारोरा गाँउलाई ट्रम्प गाँउ नामाकरण गरिएको घोषणा हालै मात्रै वासिङटन डिसीमा भएको एक कार्यक्रममा गर्नुभएको थियो । 

‘मैले त्यहाँको सरसफाईका बारेमा मेरो प्रस्तुती दिईरहेको थिएँ, त्यही बेलामा मेरो दिमागमा यस्तो उपाय आयो, यसलाई त्यहाँका जनताले राम्रै तरिकाले लिएका छन्’ उहाँले सञ्चारमाध्यमहरुसँग भन्नुभयो । 

भारतमा यसरी अमेरिकी राष्ट्रपतिको नाममा गाँउको नाम राखेको यो पहिलो पटक भने होइन । राजधानीसँग सिमाना जोडिएको दौलतपुर नासिराबाद भन्ने अर्को गाँउलाई पनि यसअघि कार्टरपुरी नाम दिइएको थियो । जहाँ अमेरिकी पूर्व राष्ट्रपति जिम्मी कार्टरले सन् १९७८ मा भ्रमण गर्नुभएको थियो । – रासस

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
western union
nepali women
पछिल्ला समाचारहरु

सोसल मिडिया