MENU

मनोरञ्जन

Ncell Axiata
sagun

पशुपति प्रसादका खगेन्द्रले खोले एक कप कफीमा विवाह गर्नुको रहस्य

काठमाडौं, असार १२ – थिएटर हुँदै सिनेमामा आएका अभिनेता खगेन्द्र लामिछानेलाई सेलिब्रेटी भइकन पनि सेलिब्रेटी जीवन जिउन मन पर्दैन ।  

साधारण जीवन जिउन मन पर्ने लामिछाने साधारण परिवारबाट आएकै कारण पनि उनी आफूलाई हाइफाई दिएर लक्जरी जीवन भन्दा साधारण मान्छे भएर धर्तीमा टेकेर जिउन मन पर्ने बताउँछन् । यहाँसम्मकी लामिछानेले जीवनको विशेष दिनलाई पनि सामान्य तरिकाले मनाएका छन् । त्यो हो उनको विवाह । प्रेमीका रोजीना सिटौलासँग केही वर्षअघि सामान्य तरिकाले उनले मन्दिरमा विवाह गरे । 

विवाहपछि दुई जनाले कफी खाएर विवाहलाई स्पेसल बनाएको खगेन्द्र सम्झन्छन् । लामो समय विविसी नेपाली सेवामा ‘कथा मीठो सारङ्गीको’ नाटक लेखनको काम गरेका खगेन्द्रले देशका विभिन्न भू–भाग घुमेर समाज बुझ्ने मौका पाएका थिए । त्यही सिकाइबाट पनि उनी साधारण सोचमा जीउन मन पराउँछन् ।  

तर एउटा कलाकार भइकन पनि तपाईँले विवाह सामान्य तरिकाले गर्नुको कारण के ? भन्ने हाम्रो प्रश्नमा उनले भने, ‘म सानैदेखि जब बुझ्ने भएँ मलाई दाइजो प्रथा फिटिक्कै मन पर्दैनथ्यो । म यसको विरोधी थिएँ । यहि कारण मलाई सामान्य तरिकाले विवाह गर्न मन लाग्थ्यो । मलाई अरुले दिएको उपहार लिन एकदमै अप्ठ्यारो लाग्छ ।  हुन त मानिसहरुले सद्भावले, राम्रो मनले नै दिन्छन् उपहार । तर मलाई भने त्यो उपहार लिन बडो अप्ठ्यारो लाग्छ । मैलै पैला–पैला पत्रिकाहरु पढ्थेँ । अनि त्यसमा दाईजोको कारण घटेका घटनाहरु देखेर साह्रै चित्त दुख्थ्यो । यहि कारण मैलै विवाहलाई सामान्य तरिकाले गर्ने सोच राखेर अघि बढेको थिएँ । खगेन्द्र अगाडि थप्छन्, मेरो मनमा के विचार पलाएको थियो भने, ‘कमसे कम म यो प्रथा रोक्न नसकुँला तर म  चाहिँ यस्तो गर्दिन ।’ त्यस माथि मैलै जीवन साथी पनि त्यस्तै पाएँ । उहाँले पनि मलाई हरेक कुरामा साथ दिनु भयो । हामीले दुवैको सहमती पछि नै सामान्य तरिकाले विवाह गरेका हौँ । हाम्रो मात्रै हैन हाम्रो मन मिलिसकेपछि फेरि हामीले दुवै परिवारबाट पनि सहमती लियौँ । दुवै परिवारले सहमती दिईसकेपछि हाम्रो विवाह भयो । पहिले देखि नै म मा हामी दुई जना मात्रै गएर विवाह गर्ने चाहना थियो । त्यो कुरा पूरा पनि भयो ।’

यस कारण मन परिन् रोजीना

त्यस्तै कुराकानीका क्रममा खगेन्द्रले आफूलाई श्रीमती रोजीना सिटौलाका तीनवटा कुराले आकर्षित गरेको बताए  । उनका अनुसार रोजीना अनुशासित, ईमान्दार र सहयोगी मनकी छिन् ।

उनले खगेन्द्रलाई हरेक दुःखमा साथ दिँदै आएकी छिन् । धेरैलाई उनीहरुको विवाह भएको केही वर्ष जस्तो लाग्छ । तर खगेन्द्र यो क्षेत्रमा संघर्ष गरिरहेको समयमा पनि रोजीना उनकै साथमा थिइन् । 

सिनेमासँगै जागिरमा व्यस्त रोजिना

रोजीना सिनेमा निर्माता हुन् । उनले  टलकजंग भर्सेज टुल्के, पशुपति प्रसाद लगायतका सिनेमाहरुको निर्माण पनि गरिसकेकी छन् ।

निर्माताको अलावा उनी जागिरे पनि हुन् । उनी मार्टिन चौतारी नामक संस्थामा त्यहाँको  एडमिन फाइनान्स चिफ भएर काम गरिरहेकी छिन् ।

उज्यालो र forseenetwork.com को सहकार्य

प्रतिक्रिया दिनुहोस

सम्बन्धित सामग्रीहरु

  • ​नेपाल आइडलका सुजाता र सागर सहित युएईमा बृहत्त सांस्कृतिक साँझ

    मंसिर ७ – युएईको आबुधाबीमा नेपाल आइडलका प्रतिस्पर्धी सुजाता पाण्डे र सागर आलेले प्रस्तुती दिने भएका छन । नेपाल मगर संघ युएई शाखाले अयोजना गरेको बृहत्त सांस्कृतिक साँझमा उनीहरुले आफ्नो प्रस्तुती दिने भएका हुन् ।

  • जब बलरामले ‘उडाए’ साथीको गलफ्रेन्ड

    काठमाडौं, मंसिर ७ – आफ्नी पे्रमिकालाई जब कसैले भगाउँछ, कस्तो होला त्यो प्रेमीको मन । हामी सहजै अनुमान लाउन सक्छौं । यस्तै भएको छ, टीका बोम्जनको स्वर र संगीत तथा पवन वाङ लामाको ऐरेन्जमा बनेको गीतको म्युजिक भिडियोमा ।

  • जोे पारिश्रमिकका कारण चर्चामा आए

    अभिनेत्री साम्राज्ञी राज्यलक्ष्मी शाह पहिलो पटक आर्यन सिग्देलसँग सिनेमा ‘कायरा’ मार्फत सँगै देखिन थालेकी छिन् । आफैले निर्माण गर्न लागेको ‘कायरा’मा आर्यनले साम्राज्ञीलाई लिएका हुन् ।

  • गायक धिरज राईको नयाँ एल्बम ‘लभ बल्याड’ बजारमा

    काठमाडौं, मंसिर ४ – नेपालका माइकल ज्याक्सन भन्ने गरिएका गायक धिरज राईले सोह्रौ एल्बम लब बल्याड सार्वजनिक गर्नुभएको छ ।

  • कलाकारको राजनीति मोह, को कुन पार्टीमा ?

    काठमाडौं, मंसिर ४ –पछिल्लो समयमा धेरैजसो कलाकारहरु कुनै न कुनै पार्टीमा आवद्ध छन् । तर पार्टी प्रवेशपछि केही कलाकारहरुको सक्रियताले निरन्तरता पाएको छ भने केही प्रवेशसँगै राजनीतिबाट गुमनाम हुने गरेका छन् ।

सबै हेर्नुहोस
Joktantra
पछिल्ला समाचारहरु

सोसल मिडिया