MENU

विचार/अनुभूति

भोट दिन खोज्दा परलोक भएका हजुरबा, हजुरआमाहरुको नाममा

मिलन तिमिल्सिना-

झापा दमक ९ का ८२ वर्षीय हजुरबा नरेन्द्रबहादुर भण्डारी हिजोसम्म पनि आफै साइकल चलाएर ओहोरदोहोर गर्नुहुन्थ्यो । चुनावको दिन कहिले आउला भनेर औंला भाँच्दै बसेका भण्डारी बुधबार बिहानै मतदान केन्द्र पुग्नुभयो । घरबाट सरस्वति माविको मतदान केन्द्र पुग्न झण्डै १५ मिनेट लाग्थ्यो । 

साढे ६ बजे नै परिवारका सदस्यसँग मतदान केन्द्र पुगेका भण्डारीलाई एकछिन पर्खनुपर्यो । पानी परेका कारण मतदान सुरु हुन ढिलो भयो । उहाँ लाइनको अघिल्तिर नै हुनुहुन्थ्यो । मतदान सुरु भएपछि उहाँकै पहिले पालो आयो । आफै हिँडेर पुगेका उहाँलाई केही होला भन्ने कसैले सोचेकै थिएनन् । मतपत्र हातमा लिएपछि उहाँ थर्थर काँप्न थाल्नुभयो । लौन के भयो भनेर एम्बुलेन्स बोलाउने बित्तिकै उहाँ चल्न चटपटाउन छाड्नुभयो । देख्नेका आँखा रसाए । भोट दिन पुगेका सबै स्तब्ध भए ।

उहाँ मात्रै होइन, बुधबार भोट दिन गएका अरु दुई वृद्धवृद्धाको पनि पाल्पामा निधन भयो । पाल्पाको राम आधारभूत विद्यालय बगनाशकाली केन्द्रमा मतदानका लागि जाने क्रममा ६२ वर्षकी कृष्णकुमारी कुमालको निधन भएको हो । मतदान पुग्नुअघि नै बेहोस भइ ढलेका कुमालको बाटोमै निधन भएको आफन्तले जानकारी दिएका छन् । पाल्पामै मतदानको लागि लाईनमा उभिएका ८४ वर्षका पूर्णचन्द्र भट्टराईको पनि निधन भयो । अरनिको आधारभूत विद्यालय यम्घाको मतदान केन्द्रमा भोट दिन लाईनमा उभिनुभएका भट्टराईको भोट दिन नपाउँदै निधन भएको हो ।

मतदान गर्न जाँदा भोट खसाल्न नपाउँदै निधन ! बुढा बाआमालाई पिठ्युँमा बोकेर र डोहोर्याउँदै गएका छोरा नातीलाई कस्तो भयो होला ! अनि मतदान गर्ने लाइनमा उभिएका बृद्धले सास फेर्न छोड्दा देख्नेहरुलाई कस्तो भयो होला !

यी हजुरबा हजुरआमा त्यसै भोट दिन गएका होइनन् । आफ्नो भोटबाट सन्ततिले सुख पाउँछन् भन्ने उनीहरुको ठूलो आशा थियो । आफ्नो पालामा सबैथोक पर थिए । नून किन्न त भोट पुग्नुपथ्र्यो, अरुको के कुरा गर्नु । नागरिकता बनाउन कहिलेकाहीँ गाउँमा घुम्ती टोली आउँथ्यो, नत्र अरु सबै काम गर्न जिल्ला सदरमुकाम पुग्नुपर्थ्यो । घण्टौं हिँडेर सदरमुकाम पुग्दा पनि काम हुँदैनथियो । अहिले पनि समस्या यस्तै छ । 

सानो कामको लागि आफूहरुले भोग्दै आएका यी समस्या छोरानातीले भोग्न नपरोस् भन्ने वृद्धवृद्धाको आशा र कामना थियो । त्यसैले आफ्नो लागि होइन, आफ्नो सन्ततिको लागि उनीहरु मतदानमा सहभागी हुँदै थिए । सबै काम गाउँमै गर्न सक्ने योग्य प्रतिनिधि चयनको लागि उनीहरुमा पनि उत्साह थियो । तर बिडम्वना यो उत्साह बोकेर भोट दिन गएका बृद्धबृद्धाको निधन भयो ।

यी हजुरबा हजुरआमा कुनै न कुनै दलका मतदाता थिए । आफ्ना मतदाताको सुरक्षा गर्ने जिम्मा सरकारसँगै सम्बन्धित दलको समेत हो । घरदेखि मतदान केन्द्रसम्म सुरक्षित तरीकाले पु¥याउनुपर्ने जिम्मा नेता कार्यकर्ताको समेत हुनुपर्ने हो, तर भएन । अनि मतदान केन्द्र पुगेर मतपत्र समेत हातमा लिइसकेका झापाका हजुरबाको ज्यान जोगाउनुपर्ने दायित्व त्यहाँ खटिएका सरकारी प्रतिनिधि र सुरक्षाकर्मीको हो । तर भोट दिन बेलैमा पुगेका हजुरबाको स्वास्थ्य अवस्थाबारे उनीहरुले ख्याल गरेनन् । 

अभाव र कष्टकर जिन्दगी बिताउन बाध्य ती हजुरबा, हजुरआमाहरुले आफ्ना सन्ततिको लागि धेरै सपना बुनेका थिए । त्यही सपना पूरा गर्न भोट दिन गए । भोट दिन नपाउँदै संसार छाडेर बिदा भए । आफ्नो भन्दा सन्ततिको लागि मरिमेट्ने हजुरबा हजुरआमाहरुको आत्माले शान्ति पाओस् ।

 

Mitsubishi

प्रतिक्रिया दिनुहोस

सम्बन्धित सामग्रीहरु

  • विचरा बोर्डिङका विद्यार्थी : जेलसरी जिन्दगी, व्यवहारिक ज्ञान शून्य

    ९८ प्रतिशत ल्याएर पास गरिरहेको छोरोलाई घर परिवारलगायत व्यवहारिक पक्ष केही पनि थाहा हुँदैन । थाहा होस् पनि कसरी उसलाई परिक्षामा कसरी प्रतिशत बढाउने फर्मुला बाहेक अरु केही सिकाइएन। सबै किताबका फर्मुला कण्ठ बनाइयो तर उसलाई जिन्दगीको फर्मुला कहिल्यै सिकाइएन।

  • संस्कृतभाषा र धर्म–संस्कृति–शिक्षाका बालपाठ्यपुस्तक

    वर्तमान परिस्थितिमा नयाँ पुस्तामा धार्मिक–साँस्कृतिक जागरणको आव¬श्यकता अनुभव गरेर लामो समयदेखि संस्कृत भाषाको र वैदिक हिन्दु धर्म–संस्कृतिको अध्ययन, मनन, आचरण र प्रचार–प्रसारमा संलग्न हुँदै आएको स्वाद्ध्यायशाला¬कुटुम्ब यसतर्फ अग्रसर भैरहेको छ ।

  • भर्ना अभियानको तामझाम : गुणस्तर सुधारमा किन जाँदैन ध्यान ?

    भर्ना अभियान बिगतमा पनि हामीले हेरेकै हौँ । अहिले पनि त्यसलाई निरन्तरता दिन खोजिएको छ । हरेक वर्ष सरकारी निकायबाट तामझाम देखाउने क्रम यो वर्ष पनि चलेकै छ । तर विद्यार्थी सामुदायिक विद्यालयमा किन आएनन् ? कसरी विद्यार्थीलाई आकर्षण गर्ने ?

  • एमाले–माओवादी एकता : मासिने पालो अब कसको ?

    भारतले नमिलाइदिएसम्म एक अर्काका शत्रु रहेका एमाले र माओवादी मिलाप भएर तालमेल गरेर चुनावमा जाँदा कांग्रेस सकियो । यी दुई कम्युनिष्ट जोडिएर एउटै पार्टी बनाउने क्रम चल्दैछ यस बेला ।तर एउटा शक्ति अर्का विरूद्ध प्रयोग भएर क्रमै सँग एक–अर्कालाई मास्ने विदेशी दाउ रोकिएको छैन नेपाली राजनीतिमा ।प्रश्न बाँकी छ, मासिने पालो अब कसको ?

  • ०७५ मा छुकछुके रेल, मेलम्चीको भेल र क्रिकेट खेल

    सुखसँग दुःख गर्नु र दुःखमा पनि दुःख पाउनुमा आकाश पातालको फरक छ । दुःख गरेअनुसार फल मिल्यो भने त्यो दुःख पनि सुख हुन्छ । तर दुःखमा बगेको पसिना बालुवामा पानी खन्याए जस्तो भयो भने दुःखमाथि दुःख मात्रै हुन्छ । बितेका धेरै वर्षमा धेरैलाई यस्तै भयो । दुःखमाथि भुक्तमान, सास्तीमाथि सकस ।

सबै हेर्नुहोस
Skill Training
पछिल्ला समाचारहरु

सोसल मिडिया