MENU

अन्तर्राष्ट्रिय

Ncell Axiata
sagun

उत्तर कोरियाको परमाणु क्षमता बढ्यो, अलास्कासम्म मार हान्न सक्नेः अमेरिका

असार २१ – उत्तर कोरियाले आफ्नो परमाणु क्षमता बढाउँदै लगेको अमेरिकाले दाबी गरेको छ । उत्तर कोरियाले मंगलबार परीक्षण गरेको मिसाइल अन्तर महादेशमा मार हान्न सक्ने क्षमताको रहेको पुष्टि गर्दै अमेरिकाले उत्तर कोरियाको परमाणु क्षमता बढेको बताएको हो । अमेरिकी विदेश मन्त्री रेक्स टिल्लर्सनले उत्तर कोरियाको परमाणु कार्यक्रमण विश्वका लागि खतरा बन्दै गएको बताउनुभएको छ । अमेरिकाले परमाणु हतियारसहितको उत्तर कोरिया स्वीकार नगर्ने अमेरिकी राष्ट्रपति कार्यालय ह्वाइटहाउसले जनाएको छ । उत्तर कोरियाले मंगलबार आफूले पहिलो पटक अन्तरमहादेशीय मिसाइलको सफल परीक्षण गरेको बताएको थियो । उत्तर कोरियाले अब अमेरिकाको अलास्कासम्म मार हान्न सक्ने क्षमता बनाएको अमेरिकी अधिकारीले बताएका छन् । तर उत्तर कोरियाको मिसाइलले निशाना सही साँध्न भने नसक्ने विश्लेषकले बनाएका छन् । उत्तर कोरियाले मंगलबार जापानको समुद्री क्षेत्रमा अन्तरमहादेशीय मिसाइल प्रहार गरेको थियो । 

 

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Joktantra
पछिल्ला समाचारहरु

सोसल मिडिया