MENU

साहित्य/ कला

Ncell Axiata

ह्याप्पी बर्थ डे झमक !

काठमाडौं, असार २१ – बुधबार बिहान काठमाडौंको चुनदेवीस्थित एउटा घरमा सानो जमघट थियो । त्यो जमघटमा नेकपा एमालेका अध्यक्ष केपी शर्मा ओलीकी पत्नी राधिका शाक्यलगायत मदन पुरस्कार विजेता लेखक झमक घिमिरेका नजिकका केही मान्छे थिए । 

‘डाक्टर साब, आजको दिन त अली हँसिलो अनुहार बनाउनु पर्‍यो  नि।’ जमघटमा उपस्थितको कुरा सुनेर साहित्यकार झमक मुसुक्क मुुस्काराउनुभयो । नेपाली साहित्यमा योगदान पुर्‍याएबापत मानार्थ विद्यावारिधी पाएकी झमक घिमिरेको अनुहार धपक्क बलेको थियो । सन्दर्भ थियोे, झमकको ३७औं जन्मदिनको । सानो जमघटमा मनाइएको जन्मोत्सवमा बेला बेला ठट्टा हुन्थ्यो अनि झमकको अनुहारमा चमक छाउँथ्यो ।

जब केक काट्ने समय आयो, झमकले बलिरहेको मैनबत्ती खुट्टाको सहाराले झिक्नुभयाे । उहाँको खुट्टामा मैनबत्तीले हल्का पोल्यो । राधिका शाक्यले कपडाले पुुछिदिनुभयो । झमकले खुट्टाका औंलामा चक्कु राख्नुभयो र केक काट्नुभयो उहाँलाई  उहाँकी आमाले केक खुवाइदिनु भयो । झमकले एउटा चम्चा मगाउनुभयो र खुट्टाकै सहाराले शाक्यलाई केक खुवाइदिनुभयो । केही समयको जमघट र रमाइलो पछि उहाँ आफ्नो कोठामा जानुभयो  । उहाँ मोबाइलमा आएका सन्देशको जवाफ दिन व्यस्त हुनुभयो।

साहित्यकार झमक घिमिरेको जीवनमा आधारित चलचित्र जीवन काँडा कि फूलको आज ललितपुरको एक स्कुलमा प्रिमियर शो हुँदैछ । कार्यक्रममा झमकलाई सम्मान पनि गरिनेछ । कार्यक्रममा रास्ट्रकवि माधव घिमिरे तथा वरिष्ठ संस्कृतिविद सत्यमोहन जोशीको उपस्थिति रहनेछ ।

प्रतिक्रिया दिनुहोस

सम्बन्धित सामग्रीहरु

सबै हेर्नुहोस
Nepali Migrant Women Story
Job Vacancy
पछिल्ला समाचारहरु

सोसल मिडिया